大聲公涼茶

Open Now

Now Closed

大熱天時，行街行到口乾腳乾荷包乾時，當然，一杯冰凍飲品會是最舒服啦。不過，下下飲凍飲唔係辦法，傳說話好傷身架，所以，我國的非物質文化遺產 "涼茶"，就是一個很好的清涼飲料。就在澳門核心地帶的大三巴，在人來人往的賣草地街行人專用區內，夾雜在餅店及時尚店舖之中，就有一間默默地經營，只售賣一兩款涼茶的小店，名字叫《大聲公涼茶》。這一間涼茶店，早在賣草地街一帶未過份地遊客化時已經存在，在網上，有人說這涼茶店品牌已經有超過 200 年的歷史。至今，已傳到第三代經營。2011 年來過，當年只是賣$10一支，2018 年再來，此一支味道依然是美妙的菊花茶，已經要$24一支。可以看得出，近幾年來，澳門的物價，尤其是旅遊區，漲得更利害。貴了，當然有一點不太開心啦。不過，這一支菊花茶依然是真材實料。甜度適中，夠潤，夠濃，拿上手仍有少少微溫，但涼茶始終是涼茶，飲一口兩口，既滋潤又涼快，行街行到熱辣辣，一杯/支好涼茶，勝過飲汽水。涼茶，熱飲，涼飲，雪凍飲都適宜。在人山人海的大三巴行得辛苦了，這《大聲公涼茶》，可以說是一個有水準的水份補給站。

吃了惹味美食，便急需購買飲料品解渴。難得到訪澳門，沒理由又是來一杯珍珠奶茶吧？所以筆者便拉大隊，帶家人來到非常有名的「大聲公涼茶」。據說「大聲公涼茶」創立於清朝，至今有逾200多年歷史，是一家百年老店。不過，「大聲公涼茶」的舖位是在大街轉角的一個小角落，稍一不留神就會錯過了。店內只發售2款涼茶：外感茶和菊花茶。食客可以選擇杯裝或是枝裝。筆者會建議大家購買枝裝。可能因為是環保的關係，杯裝涼茶是以玻璃杯盛載的，食客要站在店旁一次過飲勝。菊花茶上手時是溫熱燙手的，感覺非常新鮮呢。不過，如此燙熱的涼茶倒入膠樽內，筆者有少許擔心膠樽會釋放出有毒物料。涼茶味道甘甜，入喉嚨後又有陣陣清涼感覺。連筆者母親也盛讚涼茶真材實料，非常有住家感覺呢。

澳門美食多。個口可以食唔停。🐷扒包。杏仁餅。厚多士。蛋Tart 。諗起都想食。咁飲品又有咩推介？首推「大聲公涼茶」嘅🌼茶。🌼味道濃。真材實料。飲完喉嚨好舒服。掛住飲無影相🙈一支🌼茶二十幾蚊。

睇完大三巴, 亦高興地買完手信. 近兩點了, BB也需要休息. 眾人正舉步回家時, 剛好經過這一家出名的涼茶舖. 吃完豬扒包的我, 感覺有小熱氣. 就自覺地, 整返一支菊花茶黎嘆下.知道佢老字號, 知道佢出名. 不知道的就是味道同功效. 不過10元一支,又不算過份的貴. 店主大叔, 就隨手的拿了一支色水甚濃的菊花茶給我. 仍有微溫的, 曖曖地的涼茶就是最好喝的. 食完豬扒包, 口亦有點乾的我, 就立即打開黎飲. 一飲, 就知道是正貨. 因為此菊花茶, 不太甜, 而且濃度極高, 一飲下去, 就充滿了菊花香. 這一支涼茶, 比起在杭州菊鄉看到的, 飲到的更加的濃, 更加的下火. 買了一支, 慢慢的飲, 慢慢的帶出街邊行邊飲. 來澳門玩, 食得多, 行得多....有一支涼茶旁身, 好過娛樂場的免費水, 多多聲. 尤其是天熱啊.....

大聲公涼茶澳門街很出名，位於大三巴手信街口。大聲公老闆吳老先生以賣涼茶養活一家數口，惜於年前已作古人，吳老太太亦告老回鄉。現下看舖的是他們的新抱，除售賣涼茶外，也兼售涼果及小玩意。聽著吳太娓娓道來前人努力發跡往事，不失為上佳振奮人心教材。 朋友邊聽邊買了2支膠瓶裝菊花茶$20/支。這是無糖菊花茶，入口甘涼，味帶菊花清香。到澳門旅遊的顧客吃得燥熱食物過多，不妨往上址一試涼茶解熱的功效。

點解要揀佢!?純粹因為佢夠老字號而已....價錢不平的,一碗好似7蚊定8蚊所以我才買一支飲落去O既感覺....很清很香.......不會太甜....還算OK不過價錢就18蚊一支值不值就見人見志

～★同老公第2次遊澳門之 06篇☺天氣忽冷忽熱~我同老公喉嚨都唔係幾舒服..咁啱路過見到, 記得旅遊書介紹過~仲好似係有好耐歷史咁"叫左杯菊花茶"其實一入口真係覺得麻麻因為真係幾苦下..@@"不過真係先苦後甘呢" 不俗!!!!!!最重要最重要既係......我同男朋友都覺得飲完之後喉嚨舒服好多呢^^真係有效喎! 正***

雖然個個都贊佢的涼茶正，但我就沒有興趣試，因為果日剛吃完午餐，又吃豆腐花，太飽了，但見書中推介他的柑桔涼果，所以專程一試。點知去到，阿伯掛住做生意而唔得閒理我... (但不是賣涼茶，而係賣佢店裡的懷舊鐘!!! 賣成$60幾蚊，個中年婦人仲話係昨天買了一個，不夠錢，今日專程帶夠錢來再買多個的!!! 所以愛懷舊品的朋友，看中店中的東西，亦可不防問下阿伯賣唔賣~)我終等佢收完錢，便向他要一包柑桔仔，點知比佢罵我要一包咁少，很多人都一買便十包八包返去，好似唔想賣給我咁~~不過講真，原來一包都係幾細，且得約5-6粒，而味道都唔錯，愛好涼果的朋友不防多買幾包。

我與三個朋友路經去飲,我發現衛生情況差劣,用過d杯全部在一桶水浸下就拿出來再用(冇換過),結果我們情願+$0.5用膠杯.本人要了杯菊花茶,不過不失,味道不錯.另一個熱氣的朋友要了支廿四味,認為不夠勁.本人飲了一口也如此認為.但味道是名副其實的苦中帶甘

聽講幾出名o黎試，叫個人俾o左杯涼茶，佢\俾o左廿四味我o地...d 語氣態度唔多好...

之前去開澳門也沒有留意這間涼茶店，朋友話幾好飲。我們叫了一杯菊花茶，好香菊花味，又唔會太甜，價錢都只是七元，值得一試。尤其是這兩天食了這麼多熱氣食物，真係要救救火。

我聽人講話大聲公涼茶出名，咪諗住試下囉，點知佢竟然無開門囉！但係果時已經係下晝兩點幾，都過左午飯時間啦...>_<

每次臨走前, 必到賣草地街的"大聲公涼茶"喝一杯廿四味或菊花茶.此店常有日本人幫襯, 那天剛巧又碰到了三個日本男人,完全不知道自己在買什麼, 只好由我老公做即時翻譯.推介足料廿四味, 甘香菊花茶, 及古法柑桔涼果.