太子咖啡美食

Open Now

Now Closed

同朋友去澳門玩。朝早諗住去賭場玩之前去食個早餐。行經呢間太子咖啡。就入去食野，入到去店員比餐牌我地點餐。我地諗緊食咩既時候已到係咁叫我地點野飲先。仲話凍飲只加$2。最後我地點左4個早餐。3杯凍檸茶。一杯杏仁露。野食超級普通，野飲又淡。比水好少少。埋單既時候。發現價錢同餐牌唔同。收銀先大大聲話凍飲加$3，檸檬加$3。凍檸茶合共加$6。我攞個餐牌叫佢搵呢幾個價錢出黎。收銀睇完係寫$2，先話可能加價唔記得改。最後我錢係照比。（因為數唔大）。不過以後唔會再去。

遲睡早起，已成了我的良好習慣。一早7點起來，為了不嘈醒家人，又不想呆坐在酒店房內，同太太說好9:30回來後，我一人行出去，了解一下氹仔城區的早晨時光。由新世紀行到去格蘭酒店，氹仔的城區，格局就似是香港的新市鎮舊區有舊區的特色，較新的區域，就是以住宅洋樓為主體，街邊舖仔，小型商場提供生活所需。街道井井有條，同澳門半島相比，是兩個不同的國度。我行行找找，當然想試試去找些地道少少的茶餐廳，但成個氹仔城區，除了官也街一帶之外，是沒有任何特別的色彩，行行下，大腦的命令，都是叫我去求其找一家食算數，結果就來了這一家叫"太子"的茶餐廳。而且，在澳門，用 "咖啡廳" 來做招牌，總覺得佢比起用 "茶餐廳" 來做招牌的，做得傳統。在澳門食茶餐廳，我既心理就一定是要找一些香港難找或是難食到的食物配搭。在這裡，就讓我找到一樣未食過的東西，而這個，就是鴨紅。看新聞，經常性地聽到一些以雞紅、牛紅充當豬紅。是日食的鴨紅，若不問，沒有標明，沒有人說，一舊方磚型的紅色糕狀物體，按一般人的常識來看，這不就是豬紅麼.....鴨紅，質地沒有豬紅的爽，血色雖然一樣，但細心地嘗一下其血味，鴨鵝獨有的香味，凝留在血液中，帶有少少鴨