官翅

Open Now

Now Closed

其實我比較喜歡食 添發 不過人總要試新野次次都係去一d去過03地方 就太對不起自己今次 選擇左 翅客 但 坦白講 不及添發!我選擇左食 40元 翅少 預左, 但老實說 翅也不算少我認為不可以的其實最主要係 湯底唔得 我個人認為添發湯底比較好但坐位 就呢度坐得比較舒服 不過 我相信冇下次~

成班朋友仔....五個鐘頭食六餐....唔打唔撞之下揀左呢間翅客食翅！成日都聽日講話去澳門一定要食翅......心諗邊有咁多翅你食呀！咁岩果日行行下落大雨，見呢間無人等位，就揀左佢！結果比想像中麻麻！可以讚的是上枱的一煲煲翅仲係滾滾下...感覺良好，覺得係新鮮即整的！但煲入面的材料則...............麻麻地！略嫌似食碗仔翅...........不過咁0既價錢...又好似貴左D！查實係翅客行前少少(即斜路位置)，有一間大排長龍的，可能比它好吃！P.S.不過有一點真的要諗諗︰煲翅熱辣辣但佢竟然要客人用塑膠匙，我總係覺得D 膠會溶。

老友話呢次旅程好想同女友一齊來食翅，咁就來到福隆新街﹗記憶中自己好似只係在澳門既奐記食過翅，講到最近流行的幾十蚊有一大碗的真係未試過﹗五點幾條街好冷清，呢間翅客更加是門可羅雀，得我地一枱客﹗一坐低員工哥哥就隊左三個杯埋O黎同我地講佢地有三種翅可以俾你揀，分別係$20/$45及$65的翅，當然越貴就越多啦﹗老友說了一句:"輸都輸左幾百碗﹗"，咁即係唔洗諗啦，一人要了一煲最貴不過都只係$75的雞湯翅﹗用瓦煲上很有風味，即叫即煮在枱上是仍是滾騰的，睇到都想食﹗先試湯頭，味道濃郁亦不是雞粉味，入面有幾件雞，仲有兩三舊花膠及一片大吊翅﹗小弟是地盤管工當然唔識食貴野啦﹗0的翅到底是好定係唔好真係唔太知，總之見佢就係成瓣野，質感腍滑，見得到的一片翅針，還不錯呢﹗大家都清哂見底，平日唔係太為食既C妹仲霸哂成煲來食搞到老友無得食，味道之好可知一二﹗滿庭狼籍大家又叫好，所費無幾氹下自己歡喜，總之尋晚就來食番一百幾十碗啦﹗而家後悔莫及了﹗

排左咁耐，翅好稀、少料。我們叫中ＳＩＺＥ，都咁＞。＜

今次係本人第一次遊澳門~之前係香港做定哂功課去邊度搵食好~係討論區到見到網友極力推介『翅客』~於是唔理旅遊書仔介紹~入去博一博~入到去店員拎左三款翅版出黎俾我地睇~豐險由人~有$20~$50~$70~我地叫左一個$50嘅翅同埋一個雞湯花膠翅~點知一試...難忘...服務好~店員老實推介~味道好~食完一定唔會口渴~~價錢合理~雞湯翅個湯底真係好濃雞湯味~另外高湯翅味道剛剛好~不會過鹹~而且翅份量以佢呢個價錢係合理~真係好令人回味!!!!下次去澳門一定會再黎過~佢一定好過旅遊書介紹嘅翅~!!!!

過往到澳門我必到福隆新街斜路個間翅舖整反碗翅食下。不過我地今次一行八人；個老板話無位，而且態度極不友善!!! 咁我地轉左去另一間 “翅客” 睇門面好似好貴咁，但坐低後個哥仔同我地介紹，取出真實翅樣板介紹(小翅客$20、中翅客$40、大翅客$55及濃湯…….)感覺都幾老實。一煲熱騰騰的煲仔翅，賣相不錯。味道及濃度正是我要求的期望。直得一推!!!