Video
Opening Hours
Mon - Sun
11:30 - 01:00
Above information is for reference only. Please check details with the restaurant.
去到late night既時間，去搭船返港既途中都諗住無野好食，正search緊香港落船後有咩食既時候，見到碼頭除咗麥當勞之外，仲有一個亮點餐廳，就係「忠成餃子王」， 而佢嘅模式好似food court咁嘅，就係買完去一個open area嘅枱櫈度食。呢間既好處係佢透明度高，有機會睇到包餃子既過程同煲餃子既情況。一去到既時候都唔係好多食客，只有一個係我地前面排隊落單，收銀員笑容親切，有禮貌咁同食客講剩番啲咩選擇提供點完餐之後就越來越多人，然後店舖既order開始有啲混亂，包餃子同廚房師傅都出黎一齊傾，疑似係無貨賣了。係混亂既過程，我地等野食既時間完全超出咗預期，幸好既係我地預早咗到達碼頭，如果唔係就要趕船、甚至會miss咗班船了吃貨買之前請留意時間，問清楚煮食時間先落order啊~等待食物嘅途中，發現收銀前有多種醬汁提供，有辣油、 蒜蓉、辣椒蒜蓉、豉油和醋。總括黎講，佢既醬汁都濃味，因為餃子本身有味，建議沾少少都已經夠。Order方面，我地叫咗兩款，其中一款係酸菜豬肉餃，另一款係肉三鮮水餃，而我地係外賣既。佢既包裝其實好值得讚 因為佢所使用嘅外賣盒又大又硬正， 如果清理乾淨，都可以循環再用架；另外醬汁嘅盒又獨立又密實， 適合真係預備喺船上用餐嘅吃貨。食物品質方面，同期望係有些少落差嘅。先黎係酸菜豬肉嘅酸菜唔係好夠酸、肉三鮮水餃呢，我哋預計佢係有豬肉蝦肉喺裏面，誰不知佢用嘅係蟹柳肉，level立時下降咗少少。 而最大嘅問題係唔知係咪趕時間嘅關係，佢即時包既水餃皮有啲厚以我所知澳門有兩間分店，希望下次有機會食多次，質素會好啲啦。
continue reading