添發碗仔翅美食

Open Now

Now Closed

繼續寫我既馬交之旅飲飲食食篇~~~果日一早去完永利軒飲茶，之後就黎左呢度食翅~~到既時候大約1點零鐘啦，間鋪好細= =，黎到等左大約5-10分鐘，我地4個就可以入去喇~~我地幾條友，O係門口果陣已經商量一陣食乜 睇勻都係叫一鍋一齊食好~~於是我地就叫左 : 海蔘魚肚翅 : 一大鍋，夠4位食，每人都可以裝多一碗既~ 佢D料都幾多，同埋都煲得好膠，但係D海蔘個樣有D古怪@@~我自己就有食到一"梳"翅，不過BF話佢食唔到有翅~.~ 慘~~~最後，我覺得係黎到馬交，都不妨試下既~ 今次淨係試左一種翅，都唔知推介D咩....第時如果再黎既話，我會再寫上黎~~~

Macau濠食之旅 :平食碗仔翅 @ 添發碗仔翅美食由於添發一點先開, 去之前要有心理準備要排隊 假日一點半去到門口已經有條龍。不過, 平日7-8pm, 晚餐時候就吾難搵位, 可能 遊客 多數 來 吃碗仔翅 for lunch /tea我們 試了 一個$20碗仔翅 同一個$35豪華碗仔翅湯底 味道 同 普通碗仔翅味道分別不大, 可能很多味精, 食完好口喝, 翅都算足, mop$20-35 可以吃 到 真 翅 既 碗仔翅, 價錢平, 都抵食. 我覺得 $20碗仔翅 同$35豪華碗仔翅, 份量差不多. mop$20/35 同 mop $50/80 既分別係一個用碗上,另一個係用煲上而且多左魚肚海參,兩個用既翅係一樣,還有一些肉絲。老細話唔同價錢係翅大小既分別, 唔關份量。店舖小小,位就迫d。 不過個老細態度麻麻, 好似吾休做…… 每人至少吃一碗碗仔翅, 吾比人share, 即 最低消費 mop$20 la~店舖以最低消費 的運作 好似吾夠 flexible, 來澳門吃東西的人都想 share, 侍間吃少少, 可以 試多d 種類.

12點幾黎到, 好好彩等左一陣佢就開門叫左個豪華SHARK FIN SOUP($50),同普通SHARK FIN SOUP($35).普通果個比起豪華D湯無咁濃, 下次去會寧願俾多幾十蚊去食個豪華SHARK FIN SOUP($50)每碗大約有3,4塊"次", 總括黎講, 咁既價錢算係咁, 唔可以話真係好好味, 但唔差, 抵食"次"之選!

真係好鬼興!!!!!!!!!去之前已經有心理準備要排隊但係冇諗過十幾個人排左成個鐘!!最後我地轉左去買外賣, 都排左成半個鐘!! 唔明點解外賣要一個一個咁出, 毫無效率之餘, 態度奇差, 連錢都唔想找咁........試左個80蚊o既花膠翅, 一d都唔特別, 唔係唔好味, 只係好一般食到成肚氣, 80蚊背脊骨落!!!發誓以後都唔去!!!唔休做還唔休做, 咁o既態度做落去遲早拜拜!

試左個$20同$75同普通碗仔翅味道分別不大雖然唔係唔好味, d料都算足不過個老細態度極差以後都唔會再幫襯

一年內大大話話去咗成六次澳門.. 次次都有去福隆新街, 次次都見哩間嘢排晒長龍, 所以次次都冇幫襯.. 今次見到佢冇人排隊, 於是一行四人諗住試下啦~坐低問老闆唔同價錢有咩分別, 佢話等等... 然後等咗成五分鐘都冇再理我地.. 但佢係冇嘢做緊架喎.. 跟住我個好同事唯有問隔離枱啦.. 隔離枱都係第一次幫襯, 然後試完俾咗個結論我地：嗌個$20得喇...咁我地嘛照落order.. 然後老闆就開始俾面色我地睇喇.. 嘩! 澳門都有啲咁既服務態度架咩.. 唔緊要, 我地心情好.. 忍你!!啲翅嚟到, 落咗兩滴麻油撈勻擺落口>> 啲湯底：冇乜特別.. 啲翅： 好「 硬膠」, 好似冇煲過咁.. 啲雞絲： 竟然係硬架.. 我都好想知佢點煲啲肉會咁硬?!?!?!本嚟我不嬲只係寫啲好既餐廳, 差既由得佢.. 但見咁多人嘥咁多時間嚟排隊幫襯, 真係想奉勸一句：澳門大把好嘢食, 西南、四海、長城、海灣、李康記、聯記、牛雜佬等等等等, 有貴有平有正餐有小食, 一日都食唔晒, 無謂嘥時間喺哩度排啦!!

叫左個50蚊既豪華翅,非常把鬼,食左一啖以經要棄權,個湯底味好怪,重要排隊兼係外賣企係門口食,把鬼x20000000000

初3去試 好多人排隊得幾款趐可以揀 另外堂食每人要叫一款老闆同佢落幾次order 都聽唔到等太耐冇咩料 75$ 唔抵食只照賺$ 不要質數

第二天繼續係澳門尋找美食,先去添發食翅。由於佢一點先開,我地一點半去到門口已經有條龍。店舖小小,位就迫d。我同男友點了兩款:招牌魚肚海參煲仔翅($50)同豪華碗仔翅($35)。$35 同 $50 既分別係一個用碗上,另一個係用煲上而且多左魚肚海參,兩個用既翅係一樣,還有一些肉絲。老細話唔同價錢係翅大小既分別,唔關份量。為左試出真味,所以沒有落醋和胡椒粉麻油,不過翅本身都有落胡掓粉來辟腥味。下次去試下再貴D既75同80蚊先,睇下D翅有幾勁幾大~~

打開旅遊書搵食..見影得幾靚就去下呢間食碗仔翅啦唔去都好地地...一去就成肚火 去到見到都幾多人排隊..咁就叫外賣喇叫左竹笙碗仔翅, (外賣要加多一蚊)都等左幾耐..到等到喇, 問左佢2次拎多隻spoon...個女人(staff) 都完全無視佢又冇落麻油,醋比我...拎返入去自己加啦呢個時候貌似老闆既男人大喝一聲 " 睇住呀你! 整親人係你負責架下!! 我唔會負責架!!!"我果下真係 ....大佬...我入黎加d 麻油je...之後我o係正個女人面前再問佢 "唔該我想要多隻spoon 呀"個女人極度黑面+ 態度又勁差咁回應咁話" 我地d spoon 係要收錢架! 一蚊一隻!!! "唉，一場黎到, 你要再收錢...咁我咪比你囉但唔該可唔可以唔好咁差態度呢？！講返d碗仔翅我同朋友都覺得唔係咁特別..而且食落有陣怪味...去旅行都係想開開心心，下次都係慳返d時間同埋金錢去食第2間.果然...唔好信晒旅遊書。

再寫添發感觸良多，沒有朋友的再三推許，老實說我不會再來，因為這次來我是還他心願。我和朋友各自叫了海參魚肚大隻翅$75及海參魚肚煲仔翅$50，兩者除排翅長度外，其他沒啥分別。口感和味道以碗仔翅來說的確交足功課，始終不是來酒席宴會啊...添發雖然又加了價，這是同業競爭及產品質素提升的結果，就是服務態度還有待改善的空間。

我姐睇書諗住去這間添發,去到不用怎等位,初頭入去諗住叫窩$260既翅, 但因為我哋太飽了, 所以想叫$75一煲試吓先, 但係度做啲人話要每人都叫一樣嘢, 我話來到睇吓再叫, 佢就死叫人叫多碗, 啲翅同魚唇腥夾喝衰過碗仔翅, 啲薑醋又酸, 去澳門態度最差就係依間, d人x口x面, 今世冇下次,真係你請我都唔會再去, 是次埋單二百多, 議事亭龍記300蚊一煲翅仲平靚正, 今次澳門之行最笨就係看書去添發食, 唔好食又晒錢仲一肚氣呀,唉.......

之前去澳門食過好多次﹗對呢間店一直都好滿意﹐翅夠足料﹐價錢又合理。今次專誠帶兩個朋友黎幫襯﹐由於之前食左D野﹐所以打算四個人叫兩煲。打算叫一煲$80﹐一煲$70。點知$80蚊果煲就話冇 (我黎左五次都係冇)跟住諗住叫兩煲$70﹐點知個男人話兩煲唔夠四個人分﹐叫我地叫夠四煲。我地已經同佢講左三次﹐我地食左野﹐叫四煲會食唔晒。跟住佢竟然可以同我地講﹐如果我地叫兩煲﹐D翅唔夠食﹐驚我地出去會唱衰佢。跟住我地問佢咁每人係咪一定有最低消費﹐一定要叫一煲先﹐佢又話唔係﹐於是我地咪都係決定叫兩煲share黎食。之後佢行開左﹐隔一陣又行返黎﹐係咁講返之前既說話(兩煲唔夠分四個人)。最後我地覺得真係比佢搞到咩mood都冇晒﹐冇叫任何野就走左。講真﹐咁既服務態度﹐我咪一樣會出去投訴佢。真係好唔滿意﹐幾好食都好﹐以後唔會再幫襯。

多謝Openrice介紹$170碗仔翅天氣好熱, 好多人排隊黎食碗仔翅, 真係唔想熱死同迫死所以買左2碗$170 拎走, 轉彎就係的士站, 好方便呢由於我住16蒲, 好快就到啦, 返酒店涼冷氣睇電視食碗仔翅, 真係好D 翅好多好大塊, 好好味呀! 真係好抵!!!

九月五日(星期六)在氹仔吃得飽飽的,於是到威尼斯人,可惜我們今次手風不太好,首次錄得虧蝕!算吧!下次再來過!於是我們七個人分兩部的士再去搵野食,下一站就是添發碗仔翅,由威尼斯人搭去都要$60!專情過來吃!一定有原因呢!門口有人龍!等了不消5分鐘就有位了,我們想過外賣,但是太熱了!都是坐坐好點!有位時,另外三位朋友又剛好來到了!我們上次吃過豪華碗仔翅,今次就試試$20那種吧!有竹笙,肉絲,少少散翅,味道都可以!比出面的碗仔翅當然好呢!吃完也不覺得口乾!用料算足呢!下次有機會試試$90那個呢!