瀛盛日本料理

Open Now

Now Closed

路過發現做緊優惠，見幾岩數於是決左晚餐係佢啦，不到300蚊有一個晚市限定套餐，有原條池魚刺身同壽喜燒，唔夠飽既跟多個沙律同壽司夠豐富。.是日餐點晚市限定套餐($299)盛手握壽司 ($188)芒果蟹子沙律 .晚市套餐299有封面池魚刺身，加圖二壽喜燒，先講講池魚刺身，原條上有薄切厚切提供，比較適合配酸酸地個個汁，試過醬油或淨食個人會覺有少少腥味。而壽喜燒會跟多一個白飯同一隻蛋，店員先熱爐，將牛肉煮熟上碟，再倒入壽喜燒汁煮蔬菜，負責等食就好😆。牛肉方面覺得一般般，肉質比較鞋，其他蔬菜類還好。對於兩個人來講食完套餐未見飽，必須加點多份壽司同沙律，最鐘意呢到沙律夠大份，不過青瓜絲偏粗唔夠入味。

繼上次午市套餐後，一直搵機會會一會晚市，直到朋友推薦加速今次飯局，份量足之外，價錢亦可以，試過後評論一致👍，首先厚切三文魚刺身，加上食日料必點的卷物，鰻魚飯相當唔錯，飯粒索曬燒汁🤤，🍲隨飯跟湯用料有豆腐粒同昆布，最最最值得一提係沙津，太耐未見過咁大盤😂，三文魚粒非常足料❤️。.三文魚 ($68)牛油果加州卷 ($68)蒲燒鰻魚飯 ($98)牛油果三文魚沙律 ($72)