爆打檸檬茶

Open Now

Now Closed

見官也街人人都揸住一杯綠色蓋嘅茶飲，我哋都去買返一杯。呢間鋪叫「爆打檸檬茶」，出名用香水檸檬，比普通檸檬更香更甜，我地叫左一杯陳皮鴨檸檬茶同多肉葡萄2.0《陳皮鴨檸檬茶》當店員將杯茶遞到我手上，已經見到滿滿嘅陳皮沉於杯底，多塊香水檸檬片浮系茶中，散發著淡淡清新檸檬香，一啖飲落去，濃濃嘅茶味配上檸檬嘅酸甜，非常之解渴，再加上陳皮嘅微妙風味，令成杯茶更有層次感，有少少似咸檸茶。《多肉葡萄2.0》檸檬茶與葡萄搭配，茶中帶有滿滿嘅果香，再加上粒粒新鮮嘅葡萄果肉，又甜又有口感，估唔到濃郁嘅茶味與檸檬、葡萄系非常之夾，而且咁熱嘅天氣，好需要配一杯酸酸甜甜嘅手搖飲品！

即興既澳門遊 ，點少得去官也街，聽聞係澳門既「新食街」 ， 內裡無論橫巷大路都有唔少既食店林立，附近都有一啲特色建築物打卡，岩哂遊客黎打下卡又食下野 而落車行無耐,就俾依間青綠色店舖吸引， 整間店都係青綠色，內裡擺左pepe 青蛙做吉祥物😆 其實依間店舖係澳門唔少地方都望到 絕對係連鎖店 最近香水檸檬相當出名，無論香港、澳門都好都開始有種風氣 ，超越左珍珠奶茶🧋咁，專門主打檸檬茶系列既飲料。 依間都唔例外。 香水檸檬相對一般檸檬更健康，飲落味道更加清新店舖以不少有趣既名字命名，飲品款式雖不比一般台式茶飲店多，但勝在夠特別。 唔中意檸檬茶既都冇問題 ，店舖都有幾款奶茶俾客人選今次簡左「清純！渣女」（$35）， 聽個名好玩味😂 其實仲有相對既「特濃！渣男」 。 兩者分別係一個係綠茶底，一個係紅茶底。 等左幾分鐘就到手。 味道上， 綠茶底既檸檬茶比想飲中更吸引同香，混和左檸檬茶既淡淡香氣， 好夾既味道之前試過香港某間香水檸檬茶飲店，杯野擺左陣 檸檬啲肉就四散同埋成杯野好澀，但依間係冇 絕對讚。可惜香港冇依間既分店 唔係真會爆買

🇲🇴爆打檸檬茶·多肉葡萄2.0 $40 l 招牌鴨屎香$35呢個係我哋喺官也街見到個個都拎住 所以跟風買嘅😈我自己覺得佢個檸檬茶唔算話好特別 檸檬味係出嘅 不過茶底唔算話好好飲🍋🤣🤣反而我自己鍾意佢個多肉葡萄多啲 佢呢個飲落好似層次感豐富啲 佢個提子有少少似Qoo白提子汁嗰個感覺 飲落解渴啲 似手搖飲品多啲🍇😂📍爆打檸檬茶 (氹仔舊城區告利雅施利華街49號地下)·#rbytravel #rbymacau

❧︎❧︎❧︎❧︎︎︎❧︎澳門2⃣️日1⃣️夜之旅(ฅ'ω'ฅ)❧︎❧︎❧︎❧︎❧︎۞۩ஜ۩۞۩ஜ۩۞｛第七站｝۞۩ஜ۩۞۩ஜ۩۞「爆打檸檬茶」點解係第七站，而唔係第六站呢，因為第六站去咗食Dino burgu，但係佢位於飛能便度街嘅分店冇OpenRice （想睇詳盡介紹可以去IG）所以唯有skip咗佢咁飲飽食醉就係時候要返酒店，不過咁啱食完漢堡包又覺得有啲口渴，咁啱又順路經過就買咗兩杯試吓鴨屎香 $35 推薦指數🗯️：🌟🌟🌟🌟我飲落去第一啖就覺得好香檸檬香，之後甜甜酸酸嘅檸檬味就慢慢湧出嚟，再之後茶味會慢慢若隱若現，清新得嚟又唔會太淡，而且最終唔會有苦澀味，代表佢嘅茶底用料上乘，而且係新鮮唔係放咗好耐；我就嘩咁快飲完，但係同行人士試咗一啖就覺得好香精，所以真係好睇個人喜好🫢多肉葡萄 $40 推薦指數🗯️：🌟🌟係檸檬茶做底嘅情況下，多咗一陣甜甜嘅葡萄味，而且仲有好多葡萄肉，有咬口之剩多咗層次感；不過葡萄和檸檬茶味道上未去到好適合，變咗特別得來但又唔係特別好飲，有少少為特別而夾硬，個人就覺得一般以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

澳門官也街新開左一間爆打檸檬茶，堅持百分百使用香水檸檬製成，香水檸檬有檸檬界愛馬仕的美譽，維他命C比一般黃檸檬高數倍以上。多肉葡萄2.0果皮帶有獨特清香，味道清爽香味宜人，配上葡萄肉，味道清新。

📍爆打檸檬茶🇲🇴 氹仔舊城區告利雅施利華街49號地下係官也街食完個葡撻有啲口渴想飲啲fresh啲嘅嘢見到呢間好多人排嘅檸檬茶試下值唔值得排隊先！😋 多肉葡萄2.0呢個好飲！好清新嘅檸檬味重青檸味 酸酸甜甜 好正而且好多果肉啲果肉好有咬口不錯不錯！😋 爆檸厚椰椰好香濃椰汁味 唔會好甜加埋檸檬汁就有少少似泰國菜嘅椰子雞🤣🤣🤣🤣好似有啲香茅味嘅感覺🤣🤣🤣ok嘅 唔難飲總結 幾好飲 好清新但其實見到澳門有好多其他類似嘅鋪頭係呢間特別多人排🤣🤣🤣唔知分別大唔大呢

街上人人一杯好好奇所以今次試左鴨屎香檸檬茶鴨屎香係茶葉嘅一種屬於烏龍茶香芳濃郁，滋味醇厚被爆打嘅香水青檸有陣淡淡的香水味道清爽解悶熱冰冰涼涼的購買時店員仲會建議甜度推薦值得一試

.有3年幾無黎過澳門, 所以好興奮, 見到新野都會想試下🤩打算去官也街買下手信, 一落車就見到呢一間飲品店俾個名同人龍吸引住(⁎⁍̴̛ᴗ⁍̴̛⁎)到底邊個發明「跟住人龍排實無錯」呢個定律叫左杯澳門限定, 多肉葡萄2.0, 承惠40個大元其實都有少貴(´･ω･`)建議甜度係3分糖, 咁就跟建議啦, 如果我自己飲,我應該會揀無糖等左大概10分鐘就拎到杯野飲, 飲落口好清新的~ 仲有好大粒葡萄, 大粒到要大大力吸飲管先慢慢食到整體好飲, 可以支持下ʕ •ᴥ•ʔ

爆打系乜意思？希望無政治意味最後一站行到舊城區，一路行去Castico 食晚餐，見到一家叫手打檸檬都無買，行過幾步又有一家叫爆打檸檬，真系令我好有好奇心想知道而家澳門流行系乜？鋪面細細，但幾隻青蛙仔又幾吸睛，哩間鋪服務又幾好- 雖然都幾忙，夥計都介紹邊隻茶比較出名，乜野系”鴨屎香”，系烏龍茶一種，- 提醒我地少甜可能無咁好味- 因為少飲凍野，所以吾識點打開個蓋洞插飲管，佢都好主動幫忙。有個妹妹話想要隻青蛙，佢媽媽話吾買得，因為哩個系之前香港2019年一個大型運動的代表，我真系希望吾系啦！因為我系哩方面麻木。鴨屎香檸檬茶（$35）4分-叫左杯少甜少冰，茶乌褐色，有光泽，它本身已經好甘香，加埋用好多碎肉的香水檸檬，好夾，入喉后是舒服並且甜，有回甘，- 少糖我覺得好好，用盒裝比喻，佢比維他檸檬茶個味道仲好好多。-可能因為少冰，所以飲到最後個味道同香味都無變。-平時吾飲凍野，今日飲曬。