Video
Above information is for reference only. Please check details with the restaurant.
去到澳門🇲🇴必食嘅豬扒包🐽，好多人都想搵遊客店以外嘅好食選擇！今次我哋就搵到一間喺氹仔嘅高質小廚餐廳😎，佢嘅豬扒包真心正，會去官也街或者住喺氹仔賭場酒店嘅朋友🎰，真心推介嚟呢度食。舖頭亦都有另一啲抵食套餐，地道嘅港式或者澳門小菜都好味✌🏻。.🐷芝士豬扒菠蘿包套餐($38)價錢合理而且超好味😍！豬扒油香又多汁，每一啖都咬到滿滿嘅嫩身肉質。而且價錢同遊客店豬扒包相若💰，不過呢個仲要係套餐，包埋飲品，熱奶茶茶香順口🫖。而且舖頭用菠蘿包呢個idea好好，菠蘿皮鬆脆又香甜嘅味道💥，配埋豬扒嘅油脂感好夾👅，仲有埋芝士香味，令到味道豐富唔單調，更加香口惹味💕！.♨️骨膠原花膠雲吞湯($88)見到舖頭有優惠套餐，梗係要試吓花膠雲吞😋！成個小鍋滾住咁樣上，真係好香好吸引🔥。湯底嘅雞湯同火腿夠醇香，配埋花膠雲吞味道好好👍🏻。同埋花膠份量一啲都唔少，食落口滿滿嘅骨膠原，餸埋飯超滿足。.🐥海南雞髀飯套餐($80)舖頭標榜用生鮮雞，雞味濃又嫩身😎！配埋特色嘅四款醬料，甜甜、鹹鹹、酸酸、辣辣全部都有，夾埋雞本身嘅肉香同油香味🤤，高質！而且用雞髀部位夠嫩身，配埋黃薑飯同埋是日餐湯，夠晒飽肚滿足😝。.🍜鮮蝦雲吞麵($42)雲吞同花膠雲吞湯嘅用料一樣勁足料💕！皮薄餡靚，蝦味好香，而且食落爽口彈牙。嗌雲吞麵嘅話，每隻雲吞上面仲加咗蝦子粉🦐，蝦嘅香味同埋濃郁程度可想言之，超級正！.🥚桑寄生蛋茶($20)呢度仲有懷舊中式糖水，超有特色♨️！桑寄生茶煲出嚟甜香又滋補，喺中醫嚟講可以補腎祛濕，不過最吸引我哋嘅都係呢款糖水嘅古早味🤩！配埋雞蛋一齊飲就夠晒儀式感。.🫘紅豆冰($23)配正餐、小食都啱嘅紅豆冰❄️！紅豆軟軟蓉蓉嘅口感，配埋佢嘅甜香豆味，真係好夾椰奶嘅香味🌴。一杯經典嘅紅豆冰，超級夾今餐嘅嘢食。
continue reading
You may be interested in