真串串燒 (Closed)

聞到陣陣烤肉香，令人心郁郁，所以去食串先，雞肉，六元就有得吃。味道幾好，可以再試。

今次用左好抵既價到澳門...今次係食野團....同朋友去左好多地方食野~~~旅遊書都有介紹真串串燒, 門口排晒長龍等佢地燒緊蚝, 扇貝, order 左煙肉年糕($12), 露荀煙肉($12), 扇貝, 蚝22蚊2隻....D雞柳同豬柳串仲買一送一老闆表示要等長一點時間.好東西是要付出代價的!! 等左10分鐘有得食la, 真係好香好正, 煙肉年糕....very cool...!!d辣粉+個豉油....無敵扇貝, 蚝＋牛油同蒜蓉.......無敵佢d豉油, 辣粉好特别，好難形容俾你聽，見佢每串都即叫即燒，thats y 要等長一點時間

嘻 我今日去左食扇貝好多人叫啊 13蚊 一隻咋!!好抵 仲好好味......牛油同蒜蓉香味勁濃....D雞柳同豬柳串仲買一送一!!!不過真係好多人......排左3個字先有得食!!

悶悶地過左澳門幾日,我又經過上次我介紹過果間真串串燒,見到門口排晒長龍,睇到佢地燒緊蚝,扇貝,大蝦..good......睇見都想食...D雞柳同豬柳串仲買一送一.....如果無記錯的話...好似冬菇同青椒都係..!! 咁抵梗係叫左幾串雞柳, 炭焼𧐢，扇貝 ...但講明要等15分鐘......! !開頭想話唔要...但見到D大蝦又真係好吸引我 .....!!D𧐢同扇貝用好厚的牛油同蒜容放係面一齊燒, 好正..好香!!講真成條手信街咁大....得魚翅..蛋達..豬扒包同真串燒烤排晒隊.....!!

早幾日放假過左澳門玩，係氹仔行行下比d燒野食味吸引左去一間舖頭，叫真串，嘩，係咪咁串先？去到個度諗起平時去開南丫島食串燒的情景，成渣人企係門口附近係咁食食食﹐不過惟一唔同係...呢度燒得快手d...唔洗等好耐，同埋南丫島串燒好多調味汁，食到成手成面係，呢度係用海鹽同少少有辣味的粉(唔知咩粉，總之好味啦)我同我男友叫左燒煙肉年糕、肥牛露筍同埋清酒帶子，真係好香噴噴呢我最鐘意燒煙肉年糕，d年糕煙煙un軟lumlum，煙肉味入晒年糕..正全部熱辣辣好好味...重點係...夠平...(好似16蚊串...)..分量又大...一串有4至5粒，可以同我摯愛share.......係香港...一串要成廿幾三十蚊...重要得個2,3粒.....唔知香港有無分店呢？下次去澳門一定會再試其他款...同埋....記住影返d相...

去澳門睇賽車，跟住去氹仔食飯，見到間舖頭叫真串，覺得好攪笑，入去睇下，見到我最鐘意食的鰻魚，先＄１８蚊一串，都幾大串下，點左一串，好好味。開頭都係叫一串，等緊佢燒果陣，入黎d人都點煙肉年糕同豬肉泡菜，咁我又點埋一份，老闆叫我加辣粉，加左真係好好味喎，老闆話d辣粉同個豉油佢自製架，跟足日本方法，間舖細細地都多人幫襯，下次去氹仔除左豬扒包同葡達，可以試下呢間真串。

上個禮拜六去左澳門睇煙花，九點先開始，諗住去氹仔食魚翅撈飯，去到排晒隊，無無聊聊排緊排果陣見到對面有間黑媽媽連招牌都無既鋪頭，傳出陣陣燒烤味，原來係買串燒，咁咪走入去試左幾串，佢地煙肉串真係幾好味，都幾大串，仲有條鰻魚，嘩，大串到嚇死，成兩個手板加埋咁大，比香港平好多。老闆仲送兩串比我試，但間鋪衰在無得坐，只有外賣，為有企係到食，但個個都圍住間鋪企係到食，都無乜所謂。去開氹仔可以去試下，都幾抵食又好味。