蕃茄屋葡式美食

Open Now

Now Closed

朋友介紹下來試晚餐,當時大約6時,無乜人.叫左個套餐一家四口,可能掃完街都幾飽,所以唔覺得特別好味,但我覺得OK的,只是爸爸比較喜歡濃味食品,所以覺得無乜味 .熱情果味气水好味!

去到澳門...當然一定要食豬扒包和葡撻...入鄉隨俗ma...#u#~不過...如果你想食葡國菜但又怕...又貴又難食的被騙的話...就一定要試試我光顧過數次的...食過番尋味的...(((蕃茄屋)))...*u*~這餐廳雖然沒有富麗堂皇的裝修...但環境挺寬闊...樓底挺高...所以坐得很舒服...而且價錢絕對十分超級的便宜便宜!!!...#o#~******************************紅豆豬手...豬手已撕成肉塊...所以吃起來啖啖肉...配料有大大粒紅豆...椰菜和蕃茄...味道酸酸甜甜...很開胃...汁很濃...如果喜歡吃飯的你...佐飯一流呢!!!...#u#~芥末醬燒牛仔骨...牛仔骨太薄...燒得太乾爭爭...沒有一點的肉汁...不推薦這個...=n="不記得名字米粉...價錢只是$2x...再包一杯飲料...意想不到配料十分十分的豐富...湯底也充滿海鮮的鮮味...#u#~******************************^______^謝謝收看~~~喜歡請推推#u#~

跟朋友晚上來吃點了 "薯絲馬介休", "芥茉羊扒" 及 "白酒煮蜆"因為份量都算 ok , 三樣野夠我地 2 個男人食既~"薯絲馬介休" - 馬介休真係唔多, 如果多 D 會再好吃一點"芥茉羊扒" - 好味, 多汁, 愛吃羊的朋友可以選擇這個~~"白油煮蜆" - 酒味好香, 份量夠, 很不錯~重點係上菜快! 我地當天晚上去都算多人不過叫左之後不用 15 分鐘便有飯開, 不錯~~

因為公司有九二折，所以來食。1，白酒煮蜆$55食落酸酸地先發現有檸檬同洋蔥，雖細只不過都幾多2，芥苿羊扒$68好騷好香，超有羊味3，蒜蓉包$15用豬仔包整出來，又脆又香4，西炒飯$28價錢實惠，酸甜開胃

18-Mar-2012 (SUN)今次嚟到起大三巴附近手信街既蕃茄屋食葡國菜。餐廳格局似西餐廳，地方不大座位不算多。一進門已經有服務生招待。我們點了阿里巴巴焗雞飯、咖哩豬扒炒飯、上湯白酒煮蜆和凍彊母奶茶。阿里巴巴焗雞飯係有飯焦用啞煲上的煲仔飯。飯質比較稀但個汁味道好特別，酸酸地咁，汁上有芝士香口非常，但雞扒肉質較淋。咖哩豬扒炒飯嘅豬扒比起雞扒就有口感得多了，咖哩有點似日式咖哩，唔會太辣但係就好香。炒飯一粒粒好爽身，唔會好油膩。白酒煮蜆蜆肉有點偏小，汁底好鮮甜，一點酒嘅苦澀味都唔覺。熱既彊母奶茶就飲得多，凍既還是第一次飲，感覺冰凍得嚟有點辣喉，糖水是自己落的，味道相當不錯。

以前有朋友介紹過話幾好食,今日終於去到,其實係中午唔知食咩行下行下穩到,入到去有d茶餐廳感覺,不過算係幾干淨啦.同朋友兩個都唔係d食好多野既人,所以我地就叫左個阿里巴巴雞扒飯,黑椒牛扒焗飯.個雞扒飯真係超好味,好重椰絲味,焗得又夠時間,仲有少少芝士係上面,好岩我口味.而朋友話個牛扒飯就一般般,同普通茶餐廳差不多,但都算OK.兩個人一人一個飯+飲品先70幾蚊.普普通通食餐飯黎講算係唔錯啦.不過咁熱既天氣加埋行上去果條斜路仔都真係幾辛苦.

第一次去, 見食評ok.....叫左:1) 咖哩崩沙牛腩 - 個豬仔包縮左水? 細過其他c hing影個d甘多既? 仲要唔好食!2) 蒜蓉炒雜菜 - ok, 不過得椰菜同西蘭花叫 "雜菜" ?3) 薯絲炒馬介休 - 呢個先係重點, $75 既薯絲"抄蛋"! 唔多覺有馬介休, 叫個阿姐問下...話係"咸魚"窩..落得多會太咸....但係連佢都揾唔到d 馬介休係邊! 覺得食緊個$75 既"抄蛋", 問佢有無得換....佢話唔得, 叫老細出黎同我地講.....個老細仲好野, 出到黎淨係講左句 "d 馬介休攪爛左係d 蛋度架", 仲要一路講一路走返入去, 唔多想理你甘! 如果驚d"咸魚"落得多會太咸, 係咪應該用唔係咸魚既馬介休呢?.....賣$75淨係食到d 咸咸地既"抄蛋"同薯絲.....我覺得一d都唔值羅~加埋呢種"服務態度", 無下次!大家如果想試下$75既"抄蛋", 不妨一試~﹗

兩人吃午餐。叫了一個咖哩崩沙牛腩和一個薯絲馬介休。牛腩煮的很爛，咖哩汁撈白飯很美味。薯絲馬介休有點偏鹹，沒有吃完。夥計態度很好，點菜時會提醒我們不要點太多了。服務速度很快。

聽講呢間餐廳好出名尋晚都係第一次試餐廳環境一般但係真係有好多食客因為其實都幾好味 三文魚沙律我覺得一般~ um... 可以ge話唔好叫沙律 芝士焗寬條面: 中間夾住左d蕃茄同面~ 好好味~ 酒釀蜆 個汁有少少酒味~ 煮ge材料好特别~ 好好味~以上呢2個我覺得係必食~ 南瓜湯同雜菜湯都唔差無影低過餐牌~ 所以d菜名唔係好記得~ 蕃茄屋個價錢唔太貴~ 未試過ge朋友可以去試下~ 都幾好味ga~

位於旺區~ 之前黎都唔多覺呢間食店.佢係條大斜路上面~ 遠遠見到個大紅色招牌!我同男友兩個人~ 肚子好餓ar!火速order左3碟~ ha^ 叫完先知3碟都係肉~一d菜都無~ha^焗葡國雞- 面有少許焗烘左的椰絲~拎出黎好香ar! 個汁好味~ 份量都好夠~如果多多幾粒薯仔會更開心~^蒜汁燒羊架扒-個羊架比我想像的好食~! 唔係太多肥膏,但係都好霖.好多肉汁! 唔駛多點汁都已經好好味~!咖喱崩沙牛腩 with 豬仔包- d咖喱汁係少辣的,略嫌稀左小小, 個日天氣咁凍, 食d少少辣gei野係特別好味!^ 用個硬豬係到點~食左好多汁^個硬豬佢都有烘番熱先上台~ 個煲入面好多牛腩同牛根~ 好霖同好夠味~ very nice^ 呢個價錢呢個質素~ 好滿意!

出發澳門前, 已留意定OR有咩特式葡菜, 一來要帶男友仔的外國朋友周圍遊覽, 少不免都要食下地道的葡菜, 一直考慮食木偶或者蕃茄屋. 結果因為在附近遊覽O既關係, 揀了蕃茄屋.由於食左好多地道小食既關係, 加上早食飯, 所以大家都唔太肚餓, 志在試下吧了.四大一小點左三樣菜, 三樣各有特式.阿里爸爸雞扒 - 個汁味道幾得意有少少咖哩味, 雞扒好滑, 夠淋. 送飯一流! 不過我地無叫飯, 但淨食都唔錯呀!!薯絲炒馬介休 - 一直都唔知馬介休係咩黎. 但食葡菜好似必食咁, 所以都叫黎試下. 薯絲少少脆, 幾有薯味, 但加上下面的炒旦,還有有煙肉,馬介休,洋蔥,青椒 味道岩岩好. 一D都唔油膩, 點埋阿里爸爸雞扒汁, 仲正!鴨胸蟹籽炒飯 - 飯炒得幾乾身, 鴨胸都幾多, 幾夠味! 又一唔錯推介!價錢合理並大眾化, 唔算太多人, 伙計態度都OK, 不過我地坐既位置就唔太舒服.

呢間令我去左食2次,真係值得讚第一次去叫左2樣野~~咖哩崩沙~咩叫崩沙!?,我都有呢個疑問....原來崩沙即係牛腩邊皮~食落去其實又唔係咁特別,不過咖哩唔係咁辣但幾香~佢d 咖哩送飯或點硬皮豬仔包食一流第2樣就係叫左個馬介休焗薯皮~呢個真係好食佢將個薯仔開半,將薯仔o既一半薯肉拿出加馬介休打碎另一半就扲去炸,之後讓返上去再扲去焗.........呢個我真係超欣賞大家去到一定要試下

薯絲馬介休 : 薯絲 好重薯仔味. 入面係 馬介休 + 蛋 炒成既球. 不過貴左少少焗龍脷柳 : 味道淡左 D阿姐好好人, 臨走前叫我飲多杯水忝 ~

有好幾日冇寫食評，一嚟病病地，咳到就嚟甩肺；二嚟病咗冇心情搵好嘢食。是日終於好番啲，我又再出動。嚮新馬路噴水池附近，有好多好食嘢在街頭巷尾，只要行多幾步就搵到。今次呢間舖頭要行一陣斜路，雖然都只係七點幾，但條巷都幾靜「英英」。舖面小貓三、兩隻，唔好以為生意麻麻，實情係做好多外賣生意。我叫咗一個行政套餐，包括忌廉雞皇焗魚柳連一杯奶茶。本來還可以揀紅糙米做飯，可惜剛好賣晒。 冇幾耐一碟香噴噴嘅焗魚柳已呈上檯頭。奇怪喇，點解冇匙同埋叉？問侍應，原來飯係分開上，仲有配菜添！睇落都幾大堆頭。配菜係酸菜加青瓜，令人好醒胃。忌廉味唔濃，唔會好似芝士咁特出，適合女士們食用。雞肉味道不張；魚柳係吉列魚柳，加上忌廉汁，又幾好味。整體嚟講，係香但味道又唔會太濃烈，好溫柔，好錫住個肚，如果配埋紅糙米飯都幾健康；奶茶就中規中矩，滑但係唔太香。 一個行政套餐廿八蚊，十分抵食。不過有一個缺點，就係一星期有一日休息，十一月份係逢星期二，下個月都唔知邊日休息，要嚟食似乎要撞吓手神至得。

其實呢間野係行去大三巴條路, 有個路口賣胡椒餅條斜路上面.....講番食物......叫左個餐加薯絲馬介休...........1. 薯絲馬介休..........覺得油左少少.....不過都ok2. 阿里巴巴雞扒......正......d 汁用黎送飯同食蒜茸包一流3. 葡式豬頸肉.....好食...個汁好特別4. 蒜茸包......個味好濃............一個字..正