蜜斯特．煎餅果子

Open Now

Now Closed

等巴士睇團購發現呢款小食，寫住天津非物質文化遺產，決定一探究竟，睇下係咪同大陸一樣味。.一間外賣店，無堂食位，見到主要分果子同薄脆兩種，果子即是油條，即叫即整。現場所見粉漿溝雞蛋煎成餅皮，灑上黑芝麻，反轉餅皮刷上醬同灑埋蔥花黑芝麻，鋪油條生菜，最後夾埋牛肉，卷埋原條塞入袋。🌯土雞蛋烤牛肉煎餅果子(團購價$27 原價$37)煎餅表皮微焦，味道較淡帶蛋味，feel到蔥花香，油條亦有咬口，咬多幾啖先食到堆肥牛，肥牛做到好入味但越食越鹹，夾埋生菜一齊食對我黎講都太重口味，我諗味道輕手啲肥牛份量重手啲會更好🤔。用澳門某外賣平台團購價27蚊買，食完飽左5成，我覺得呢個價試下係可以接受，原價有啲小貴。