蟹皇撈 (Closed)

蟹黃撈飯 - $58我哋叫咗一個撈飯同一個撈麵蟹肉蟹膏份量都好多不過就未去到好香濃但有好多蟹膏嘅油撈落啲飯度好邪惡但好夾對比起撈麵就有啲失色底麵有啲淋同埋掛唔到啲蟹肉蟹膏好似分開晒啲嘢嚟食咁同埋同飯唔同嘅係啲麵索唔到啲汁令到整體感覺比較油膩食落比較飽滯所以都係揀返撈飯比較夾呢個仲有極品蟹黃撈飯揀其實姐係啲蟹肉蟹膏份量加碼不過個人覺得普通Size都好夠要留返Quota再食其他嘢

因為要去睇傢俬順便去筷子基店分店的蟹皇撈，以澳門今時今日物價有呢個份量直頭係超值！！每一啖都係蟹黃同蟹肉鮮味，就連男朋友對蟹黃咁高求嘅人都讚口不絕，跟套餐戈個湯都足料，原本諗住自己獨食，好彩有帶埋佢一齊黎試牛雜煲係用過gas爐熱住黎食，好足料炆得好入味，蘿蔔又唔怕有根，口感好好。香水檸檬同檸檬益力多兩杯都好解膩，我兩杯都中意店鋪環境乾淨又唔怕坐得逼，有下次！極品蟹黃撈飯套餐蟹黃蛋牛雜煲酸菜魚香水檸檬茶

去澳門無搵定d人氣爆燈嘅店，行到邊食到邊，去到民居附近有間蟹皇撈，天氣涼涼地又係食蟹季節，就入去試試佢，果然比到驚喜蟹皇飯要冬天季節先有，6隻蟹整成一碗，味道好鮮好濃，唔夠飯老闆仲會加比我地，我地仲好欣賞佢個花生，整得好入味又夠淋，估唔到個蟹皇飯咁夾，食剩左我地仲打包。另外，個蒸雜菌蟹飯都超正，佢味道雖然無咁濃郁，但一樣清甜，所有蟹汁流哂落個飯到真係諗起都想食，用荷葉蒸別具風味，呢個一年4季都有！仲有個值得推介嘅燉湯，套餐加$9.9有盅燉湯，材料好足，唔係味精湯黎嫁，如果叫飯一定要加，如果正價叫要40幾蚊嫁呢個百香果鳳爪好fresh, base on 泰式辣醬酸酸甜甜再加百香果嘅香甜酸，鍾意鳳爪嘅朋友一定要試

#搞串個pantry🦀蟹黃雜菌蒸飯配帆立貝、魷魚($78)蟹黃蟹膏嘅份量超級多🤩，鋪滿左成個蒸籠，而且可以撈到每個飯粒都畀蟹黃包圍，識落嘅味道同食緊蟹冇分別😝，好新鮮，好濃味，超正！而且配料份量都好多，每啖都有好多餸，雖然只係急凍材料，不過以呢個價錢算好抵食🥳。🦀蟹黃海鮮蒸飯($55)同上一款相若，都係以簡單嘅薑片調味，除此之外就係純蟹黃嘅味道🤤，而且配料仲多咗蝦同埋鮑魚仔，價錢竟然仲平啲？！想食海鮮一律建議嗌呢個💕💕💕！

3年幾無去澳門～趁日本朋友嚟香港順便同佢哋一齊過澳門一日遊～💃💃💃行去大三巴中途會經過 #高士德俾利喇街 於是就去朝聖一下#蟹皇撈 ～一間以蟹皇為主題嘅餐廳～一坐低見到menu上面咁多款蟹皇為主嘅美食好吸引～天氣太熱個個行到又熱又攰最想就係即刻飲返杯冰凍嘢～🤭先叫咗兩杯👉清爽青提冰檸～青提味唔係好出反而青檸味好濃～唔會太甜～好啱夏天飲～清涼清爽解渴提神～即刻舒服嗮～👍跟住到食物 睇住menu真係樣樣都想試於是點咗兩樣～👉蟹皇帆立貝撈粉絲～好多蟹皇+4隻大大隻帆立貝～新鮮兼啖啖肉～👍👉秘製梅菜撈面～辣辣哋好惹味～日本朋友大讚～👍其他留返等下次再去澳門時一定要再去試～😄BTW～老闆非常好人一路好有耐心好詳細咁教我點樣行去大三巴～臨走仲專登行出門口指比我睇點行～👍👍👍

澳門的蟹皇撈真係好正啊！今次食左佢地嘅蟹皇撈粉絲同蟹皇海鮮撈飯，好鮮美好滋味，蟹味濃郁，蟹膏好足量，感受到至少有一隻蟹嘅份量！😋店員態度好親切有禮，而且環境乾淨整潔，好舒服。尤其喜歡佢地店內嘅中國傳統籠仔蒸飯同鄉下豆腐花，味道好正好家常味，特別係豆腐花每日限量，真係一試難求！🤤如果你係澳門旅遊，一定要嚟蟹皇撈試吓佢地嘅蟹皇泡飯同蟹皇芙蓉蛋撈飯，傳統中國美食再加上新鮮蟹黃，真係絕配！而家佢地店舖都好受澳門本地人歡迎，店員同老板都好友善，而且佢地真係好勤力，外賣單真係唔停響，真係好敬業呀！價比高又有特色嘅餐廳，值得一試！👌