Video
Telephone
+853 28841029
Opening Hours
Today
07:00 - 16:30
Mon - Sun
07:00 - 16:30
Above information is for reference only. Please check details with the restaurant.
Signature Dishes
本身上網見到呢間咖喱雞米線好似幾好食，我同幾個朋友連早餐都未食就走過嚟諗住試吓，點知完全係失望致極唔知乜嘢服務態度。事緣我哋1:30去食，其實舖頭都唔係好滿，都冇乜人等位。我同朋友啱啱坐低，幾個朋友幾分鐘之後先到，個阿姐就走埋嚟串串共話20分鐘要交枱叫我哋快啲食，話：睇乜嘢手機呀？快啲食啦20分鐘要交枱啊。大佬你門口又冇貼張紙話20分鐘，再者20分鐘交枱係乜嘢事？香港用餐時間都一個鐘啦，冇嘢啊？跟住我朋友嚟齊之後又10秒嚟一次問我哋諗好未落單未？有冇咁心急啊？態度仲差過香港，唔會再食。舖頭又窄，又多烏蠅，完全唔知點解咁多人嚟食。同埋啲咖喱好重口味，唔鍾意食鹹嘅就唔好食啦，費事咁高期望走到嚟又比店員鬧啦。
continue reading
之前中午去就排哂長龍，今次16:00去到就可以直接坐低👍🏼咖喱雞米個咖喱味好香好濃但又唔過份😋啲雞肉煮到好腍，一咬落去就骨肉分離。碗米粉望落好似好多辣椒油😂但加埋個辣椒油多左香味，唔會好辣👍🏼米粉就索哂啲汁，好惹味😋個什錦就有豬肉片、魚片同魷魚🦑，就不過不失。下次可以試下豬肉丸同墨魚丸，望落好大粒，好似好好食下午茶既話食過細雞米就岩岩好，之後食得落晚餐😂大雞米$42 ｜ 細雞米$32 ｜什錦$67
continue reading
身為澳門人嘅我返到澳門， 當然要食返啲思鄉菜式。 見時間趕趕地， 都係食個快靚正嘅金利麵食（氹仔店）， 點知撞正中午，人龍舖嘅金利真係唔講得少， 好彩我一個人自私食一入去就有位， 外面一大班人嘅就真係企咗喺度🤭 簡陋嘅店面一如既往， 但係呢間金利係sell內涵， 大家千祈唔好睇表面。 雙汁雞魚蛋米多蔥小辣雙汁係澳門人嘅叫法， 指咖哩汁加牛腩汁 。 咖哩雞係金利招牌菜， 唔點就等於冇嚟過金利， 魚蛋係我個人喜愛， 另外墨魚丸也不錯。 不過唔知係咪中午人多， 個米粉份量好少， 有啲唔夠飽。 味道當然一如既往的好， 排隊都係值得嘅👍 最後有個小插曲， 比錢埋單嘅時候，我梗係攞個mpay出嚟啦， 數碼支付又方便又唔使掂到啲錢， 冇估到幾年嚟一啲都冇進步！！ 仲仍然只收現金， 建議店家真係要與時並進！
continue reading
去食呢間，純粹係同的士司機傾開計，問佢#花城區 附近有咩好食，咁啱架車經過，佢就輕輕一指對面馬路，話呢間都好食同多人食😂於是我哋買完雞蛋仔，search google見到閂16:45，當時已經差唔多16:00，驚唔知幾點截單，即刻衝過去 😂去到一坐低，都未睇清楚menu，落單阿姐已經企喺隔離等（aka催）落單🙈 我哋極速立眼睇個menu，叫咗個 #咖喱雞米 （的士司機推介），另外仲叫咗個 #雙丸米 （但佢俾錯咗雙拼米，變咗 #魷魚瘦肉米 ，於是補咗個 #淨雙丸 ）。個咖喱雞米咖喱味好香好濃，又唔會太辣，啱晒濃味人，個雞好稔好滑好入味～ 當時一路等嘢食，一路見到隔離檯啲人要勁多 #辣椒油 ，叫姐姐落到成座山咁，我哋又試下，一試勁鍾意！！ 好香口同炸蒜勁脆口！！！成件事提昇咗，一定要加！！！嚟錯咗嗰個雙拼魷魚瘦肉就無乜特別，反而雙丸米 （竟然無影相🥲） 好食啲，特別個墨魚丸，超彈牙！呢間好食，下次去澳門可以encore🤭🤭
continue reading
第一次聽過雞米呢樣嘢，估唔到睇落咁重口味，識落完全冇罪惡感😂咖喱味嘅湯底可以有幾好食？就係明明早餐，食咗兩個m記餐，都仲可以食晒成碗面嘅程度😂可以有兩種大細選擇，但細碗嘅話，就真係好似一個飯碗咁大，同埋冇得雙拼，所以我就揀咗個墨丸雞米！最黐線嘅係佢有四大粒墨魚丸🤣仲大過個乒乓波！大粒又好食，質感偏實，唔係彈牙嗰種🫶🏻啲雞好滑👍🏻而且離晒骨，好輕鬆，就可以食多啲肉咁女仔嚟識就唔怕失儀態啦！個湯底好濃郁，啲面煮得啱啱好 夠爽口👍🏻
continue reading
You may be interested in