鳳城珠記麵食專家

Open Now

Now Closed

鳳城珠記麵食最好就係麵完全無梘水味睇落好似好平,但叫下叫下都幾貴魷魚麵魷魚份量少左,不過都ok啦!咖哩牛筋腩麵咖哩睇落唔辣,但其實食食下愈黎愈辣雲吞麵魚角(必食!!!)咁多年都保持水準!最重要有枝裝可樂,同香港少有既枝裝提子芬達!!!!

因為到大三巴行街行到好夜, 很多餐廳都關門, 行下行下, 竟然在一條小巷發現這間還未關, 便和男朋友入去開餐了.我倆叫了:雲吞+魷魚麵水餃麵菜心約HK$60幾蚊雲吞-->好好味水餃-->好味魷魚&菜心&麵-->一般香港茶餐廳水準我倆都覺得雲吞好味過水餃, 好似雲吞鮮甜一些, 但兩款的餡好似一樣, 因為兩款都有肉和蝦, 我都不知道為什麼, 哈!

次次都macau都食依間面舖!佢既辣椒酒出名正，雲吞，水餃，魚皮餃三寶已經好出名，今次右埋雞腸簡直十個滿足呀!加埋油菜，三個人都係食左六十幾蚊，非常超值又好味!

諗住早啲入去避開人潮，點知夜晚七點先做生意，又唔俾人入去坐住先，我地行到鬼咁攰，唯冇坐喺街啲櫈等左40分鐘！正七點先俾人入去坐！個friend 專程嚟食雞腸面，佢食之前猛話好期待，食緊同食完之後一句話都冇再講！我夾左佢一條腸嚟食，爽就幾爽，但係冇味，同幾"sang"，我覺得一啲都唔好味。我又想試魚角，又想試水餃，於是叫了淨魚角水餃，但我地兩個一路食一路研究，都分不清邊啲係水餃，邊啲係魚角！兩個的味道一模一樣，啲料又好似一樣....唔識分！啲味係ok，但我印象中香港啲水餃又大隻，又多料，有蝦有木耳又爽口，呢度......應該唔會再嚟。

一路行, 一路搵食. 行行吓, 就決定走入呢間鳳城珠記食水餃.好快, 兩,三分鐘落單後就有得食. 我叫左碗水餃面. 面底唔太硬, 湯亦足味.水餃好多料, 有木耳, 豬肉, 蝦...最鍾意佢木耳多, 好爽口 食到唔夠喉, 叫多碗魚角試吓. 好快仲熱騰騰咁送上碗魚皮餃. 魚皮餃的料無水餃咁爽, 但個皮好"趙頭", 但又好滑, 兩, 三下就KO左一碗魚皮餃.

i am a person who dont like eating dumplings at all, but i always go to this place whenever i am in macau...their dumplings are having good tasts, the "skin" is the skin of wonton, so, it would be thinner than other dumplings....it is very crispy as well, i dont know what they have put in their dumplings but the crisp makes me feel so good...wonton is above average as well...when you are heading to this place, you may wanna try the duck blood with vegatable as well...its quite nice....and you ca

Macau濠食之旅 : 風味小吃 @ 鳳城珠記麵食專家蔗汁 (mop7): 清甜 好飲, 帶少少草青味的蔗汁, 很 fresh. 淨魚角(mop16) : 魚角層皮係魚肉, 少少厚, 外形肥啫啫,漲卜卜, 咬落煙韌, 尚算滑口, 餡料同雲吞的差不多, 不過就帶冬菇香及木耳絲的爽脆; 很少店舖 有得賣魚角, 很特別. 另外, 店舖 有賣 鴨紅菜 , 朋友 好奇, 鴨紅菜是什麼 菜? 一問之下, 原來只喺鴨紅+菜心,wahaha…….

21-5-2010蝦籽撈之外, dinner 亦想試試其他款式的粉麵, 行去六記 (http://www.openrice.com/restaurant/commentdetail.htm?commentid=2052703) 前先試試呢度的魚角.蔗汁: 出面 20 幾 30 度, 飲一支蔗汁最啱, 呢度的亦夠晒凍, 飲落味道算天然, 但帶點討厭的草青味, 雖然整體唔係難飲的, 但都幾掃興. 淨雲吞: 雲吞皮好厚, 亦包得認真麻麻, 其中一兩隻 d 餡跌晒出來的!? 餡料以碎豬肉及蝦為主, 食落尚算鮮味, 不過有點太鹹, 質地又腍腍的, 麻麻哋好食.魚角麵: 魚角層皮係魚肉, 少少厚, 尚算滑口, 咬落煙韌; 餡料同雲吞的差不多, 不過就帶冬菇香及木耳絲的爽脆; d 麵就認真唔掂, 食落腍 bad bad 又帶生油味 , 配上淡味湯, 難吃! 以示抗議, 我哋食剩了大半碗. 唔滿意, 為免繼續做豬頭丙, 還是每人放低 20 幾蚊, 留返 d quota 去第二度再食好了.

apr 24, 10嚟食下午茶,因為無大枱,所以分咗2枱食,我嗰枱就3人,叫咗 : 1) 淨水餃 (mop14) -個皮唔算厚,個湯底亦夠味-餡料亦不俗 2) 淨魚角 (mop16) -外形肥啫啫,漲卜卜-皮唔厚,又滑-裡面嘅餡又唔乾-大家1致讚好 3) 鴨紅菜 (mop20)-友人對咩叫鴨紅菜好感興趣-原來只喺鴨紅+菜心,hahaha-個鴨紅其實幾滑吓.......只喺個人對嘜紅物紅麻麻啫 4) 雲吞粗+腩汁 (mop14) -為咗試埋雲吞,所以叫咗個雲吞粗-個粗麵都幾爽,帶小挺身,有點咬口添,相當不俗,因+有腩汁,所以唔多覺有鹼水味,不過真喺就本身有的話,都應該不會濃-而雲吞細細粒,味道亦合格,不差的

一落船。因為酒店未夠鐘ｃｈｅｃｋ　ｉｎ所以食少少野先。下午二時多，店內不算多人，不用等位。記得呀ｓｏ介紹這裡的魚角好味，所以要了一碗【淨魚角】。因為店內沒有寫單的習慣，結果漏了單。等了十多分鐘，終於送上。一碗有六隻的魚角。外皮用魚肉製，質地煙韌。內裡的魚肉也十分鮮味，不會過鹹。味道不錯，值得試試。在回程前，我還再經過買一盒魚角回港做手信呢。

見d書又講到好吸引.咁就係揾祥記之餘.黎食埋呢個啦.亞姐叫我地雲吞水餃魚角餃各要1啦. 3寶ma..雲吞水餃無特別啦.講真好難唔好食.所以ok.魚角餃係佢出名的.但我食落又唔覺得真係咁特別.似係普通餃....好彩價錢都ok抵.if not真係唔推介呀.下次黎唔會再食.

幸好有澳門地膽高達兄推薦,先去祥記,下一站話咁快就到珠記.睇住餐牌竟然有點悶悶不樂,三寶一場黎到,無可能唔食,但係又有豬什同雞腸,真係好難取捨,結果都係一碟三寶撈就算,反正廟街輝記都有正正雞腸食.三寶撈麵 : 同香港好唔同,麵身較粗,柔韌性亦相對高,鹼水味唔重,幾好,一碟麵內各有三粒放係麵面,亦唔見好似香港咁,係唔係都淋大量油上面,睇落好睇,魚皮角可以話皮薄餡鮮,其實魚皮做法比潮式更滑溜,將豬肉及冬菇粒緊緊包裹,每一件都係咁飽滿,咬啖之下,豬肉與冬菇鮮味在口內徘徊,正.水餃的餡料大概是多了木耳,所以味道相差不大,只不過口感多了一重.至於雲吞,選用的皮亦是用上粗身一點的貨色,皮身較厚,多了點蝦,少了木耳.其實三者粗分味道是大家差不多,要分的,就只能在口感上作出分野.辣油是自家出品,香口又唔太辣,好啱我.對於剛剛食完祥記的人而言,我是偏向喜歡前者多一點.

晚上，老公帶我到珠記吃麵，我們叫了雲吞麵和水餃麵，可惜味道不能和以前相比‧ 雲吞麵的雲吞有五粒，味道麻麻，麵雖然沒有梘水味，但是比較淋身，以澳門麵食的水準來比較可評為不合格‧至於水餃麵則有三粒水餃，內有木耳，味道普通，因為肉餡太碎，沒有咬口‧ 又是一間令人失望的老店‧

查實珠記好味ge我從來都認為唔係魚角~ 起碼水餃都好食過佢啦~but 多年來我一直都會幫襯, 其實係食其它野~我No. 1 鍾意食佢的 冬菇雞腸伊 !!佢d 冬菇仔炆得好腍好入味, 而雞腸就好爽口,伊面好有飽足感, 加少少佢的辣椒油入去, 就吊起左d味, 相當之好~跟住我還會食佢的牛腩同牛筋, 都好味啊!!可惜老店的阿姨有漏單的嗜好, 佢地特式係根本就唔寫單, so 咪成日漏囉!!

之前睇食評, 見呢間gei 評語都唔錯所以都有d 期望雖然去到見到環境好髒髒的但都入去試一試~ 淨雲吞, 好大粒, 肉很多, 但很鹹... 比起香港真正好食的雲吞, 差太遠了... 淨魚餃, 有好香的冬菇味, 可惜很實... 似食丸多過食餃, 同埋, 都係好鹹lor...下次真係唔會再試啦....