鳳城珠記麵食專家

Open Now

Now Closed

聖誕市政廳最好氣氛，到處遊人，終於比我地搵到珠記﹗簡簡單單兩個人share一個出名的魚皮角，個皮勁煙韌，比之我地平日食的魚皮餃更有咬口，入面肉汁豐富，好多蝦混入豬肉及冬菇食落鮮甜，14蚊有六隻食完真想再食﹗見0的阿姐係咁包包包，都知呢道好好生意，小小鋪位坐滿食客自有其道理﹗

好景不常，過咗嚟澳門冇耐就病倒了。幸運嘅係只係小病一場，就當係「小病是福」。人病咗，胃口就梗係冇咁好了，所以諗住食得輕巧啲。據「伯有」提及，嚮新馬路噴水池附近有一間麵舖啲麵都幾好食，個舖頭名好似話係叫「珠記」，見食晏時間成個半鐘，就逐條巷仔慢慢搵，終於响「北京水餃」嘅隔離巷搵到，而舖頭門口都圍咗唔少人，証明呢間嘢幾受當地人歡迎。 此店係家庭式經營，一家大細齊齊包餃子，雖然生活唔可以話富裕，但見一家人樂也融融，夫復何求。我叫咗一碗水餃麵同埋一碟油菜走油；麵質其實普通，冇乜特別深刻印象；水餃方面，可能口淡嘅關係，我食唔出係乜嘢，不過有一股好特別嘅肉嘅「鮮」味(據說除咗甜、酸、苦、鹹四味之外仲有第五種叫「鮮」味)，唔只响水餃入面食到呢種味，連油菜都沾有呢種味，另本來淡「謬謬」嘅油菜也變得多姿多采。 清淡之中可以食到肉嘅「鮮」味，十分滿足。價錢亦相當經濟實惠，雖然唔係太記得，不過可以肯定唔駛廿五蚊。以麵嘅份量嚟講，我認為比較適合下午茶。