氹仔茶餐廳

Open Now

Now Closed

週日中午逛官也街，官也街裡的店鋪大排長龍。接近午飯時間，於是我們找了一家官也街附近的餐廳，這家餐廳便是氹仔茶餐廳。與一般的茶餐廳類似，西多士三明治粉麵小炒菜應有盡有。與一般茶餐廳不同的是，座位更為寬落，遊客可攜帶大件行李箱入座，空間也不覺得緊迫。店面也乾淨企裡，環境良好。我們點了黑椒牛柳絲炒意粉，招牌雞湯米線，還有一杯熱奶茶。落單後，熱奶茶即刻奉上。茶味很濃，是我想要的味道。不多時，意粉未見其碟，先聞其味，吃起來非常香。裡面有洋蔥絲，牛柳絲，青和紅燈籠椒，黑椒與意粉相得益彰，諸多配料與相襯勾勒出佳餚。如果非要雞蛋裡挑骨頭，那就是稍微多了點油，不過瑕不掩瑜。稍後，招牌雞湯米線端上桌，我點了腩汁拼咖喱汁湯底，合併上濃厚的雞湯，雞肉很有雞味，總體而言味道美味，讓人回味。值得一提的是，店家看到我倆一起分享食物，不待我們開聲，端來米線後，有默默給了我們兩個小碗。這麼貼心為食客著想的店家不多見，感恩。總而言之，這是一家值得一去再去的店，大家不要被它不夠千的收藏量而與美食以及周到的服務擦肩而過。推薦這一家有出品也有人情味的茶餐廳。

話說我一行2人到咗官也街，行左陣諗住搵間茶餐廳坐低食少少野，見呢間唔係咁多人排，門口有一對情侶排緊，咁我地跟住排後面啦（當時問左係跟住排），過左冇幾耐有一張枱對情侶就入左去啦，咁諗住下一張枱到我地啦，點知有個年輕女子走入收銀問有冇位，啱啱埋緊單嘅中年男食客就話比佢食完張枱個年輕女子坐，跟住個年輕女子就二話不說咁坐低左，我問收銀唔係要排隊咩，點解可以打尖，佢竟然話個食客比枱佢！個客食完了埋牙都埋左單，佢話比就比？咁個個都唔使排隊啦，走埋去問個食客可唔可以食完比張枱佢就得？呢間咁嘅服務態度永遠blacklist, 澳門咁多食肆唔係一定要食你囉！

今次嚟氹仔官也街，只係咀香園同鉅記無迫人，因為佢地分店多，其他手信店同餐廳食巿就旺爆，見到哩間氹仔茶餐廳都仲有位坐，女友小熊望望份Menu 有咩啱食, 我同佢講再唔入去坐轉頭又滿座㗎喇，嚇到佢匆匆入去坐底，亦不幸言中坐底唔夠5分鐘已經滿座，澳門經濟返來了! 替澳門開心!點咗D普通嘢，粟米肉粒飯同豬扒三文治.粟米肉粒飯滿意，原因係用上粟米汁唔係討厭嘅玻璃茨汁，豬扒三文治優點係足夠，豬扒唔係薄依依，缺點係豬扒太乾身，口感較硬又唔Juicy，而且唔熱凍冰冰.水準一般！食完就去氹仔碼頭坐船返香港，下次再嚟澳門玩.

這間茶餐廳在氹仔，我們經過見到豬扒包食，所以就去了這裏食！！豬扒包好脆身，個包烘到金黃色，啱啱好，不會過實，好鬆脆，豬扒好薄身，好juicy，夠入味。洋蔥豬扒飯，都幾香呀，洋蔥好甜，豬扒好淋又入味，好味呀，個汁好甜的。份量都唔少。豉油皇炒麵，份量唔少的，炒得乾身，麵好幼身，有d疏菜，芝麻粒，好香口的！！唔貴的，抵食的，選擇也夠多的茶餐廳，不停有人出出入入，位置也OK，夠方便的，係氹仔官也街附近！！

在酒店退房後，乘坐酒店專車到官也街，就是想找個好地方午餐。目標是葡國菜。但是附近大部份葡菜餐館門口都没有餐牌及價目表。走著走著，看到這家茶餐廳門口張貼的葡菜相片，再看內裡環境寬敞，應該適合全家人午膳吧！於是入內就座。馬介休炒飯　　每碟42元，價格合理。葡國鹹魚－馬介休絲絲分明，還有粒粒香腸，洋蔥絲，青椒粒，又紅又綠。米粒瘦長，乾身不油膩，感覺很健康。全家都添完又添了。　焗葡國雞配飯　雖然是70元，但來澳門當然要點葡國雞啦！大大盤，熱辣辣！雞肉是有點硬，但與葡汁撈飯一流！　　另外也點了熱奶茶與通粉。　問過職員，何故附近的餐廳都少張貼價錢，原來是方便調整價格。噢！忘了這裡是遊客區呢！

我和家人在銀河住了幾天，感到銀河內的食巿的確多，但未感到有太大的澳門特色，我記得小時在慈幼附近有間老店，我們早餐就在這裡買，那裡的辣魚包非常有特色，特色配制的辣魚必須配合那種軟脆合度的豬仔包，香港從沒有食過的，這是在這間氹仔茶餐廳我尋回這感覺，尋回這味道😋，還有那杯熱而香的奶茶香港也很少飲到，另一驚喜那個咖哩牛腩撈粗，以澳門現在的價錢，這間餐廳好扺食，感覺到廚師是用心出品的👍👍👍

黎到澳門，當然要試下出名既美食，我揾左間茶記試下。點左個豬扒包，幾好味，用硬豬代替漢堡，配咱家餣既豬扒。個人覺得硬豬比漢堡好味, 有咬口，豬扒夠味，不過如果夾塊青瓜或蕃茄會清新d平衡d，有肉又有菜，食得健康又有營。下次去澳門要去食黑沙環嗰間葡式餐廳，佢地既葡式燒豬大件夾好食，真係要搵日再去食下先。

工作的最後一天之後, 決定多留半天在澳門尋食, 一來是因為收到邀請到餐廳試食, 另一邊是因為自己也想趁機走走看看氹仔的小食肆。於是一大早起身從中央公司一路慢踱至官也街一帶, 可惜事與願違, 原來那邊的餐廳都是以午餐為起點, 早上真正開店的沒多少家。就在這個六神無主, 漫無目的的時候, 決定走進這家眼看好像開了好一段時間, 而且不少人在內的茶餐廳店。其實餐廳就在氹仔平時最繁榮的地堡街上, 有人想說官也街官也街, 以為是的士進去, 很大的馬路正街。其實這條是地堡街, 官也街卻是在官也墟直入的那條行人街。地堡街上有咖哩全, 有新好利, 街尾有大利來記。而這店就是在咖哩全再過幾個鋪店, 在新好利的斜對面而已。餐廳格局與香港茶餐廳無異, 廚房有炒粉麵碟頭飯, 廚房外有水吧茶檔。餐廳上, 基本上和一般茶餐廳沒有兩樣。就見銷外大大仔字推介招牌豬扒包, 就來一個吃吃做早餐吧! 不過現在澳門街上的豬扒包真的一點都不便宜呀, 平均都要索價MOP 16-24不等。其實都只是一個豬仔包, 夾上一塊豬扒簡單, 跟香港一個火腿三文治也要上HK$12-14一樣的昂貴。豬扒包的豬仔包經烘爐處理過, 外層都算是脆的,

兩日一夜的澳門遊，早餐走左去氹仔果邊，但可能太早唔係咁多舖開左，所以就走左一間大Ｄ茶餐廳！早餐ＡＢＣＤＥ和港式差不多，所以不想食了，叫了一個沙嗲豬扒包加凍奶茶！其實豬扒包豬扒連骨，最怕大大啖食時咬到舊骨，所以有骨豬扒唔太喜歡 ！凍奶茶糖水自己加，所以這點不錯！凍奶茶超濃，加糖不特止還要加點水！

我同屋企人一共8個人行完新開果間銀河,,就落呢條街搵野食,,因為仲早,,好多鋪未開,,我地就入去食呢間,,因為太多人食,,費事食埋其他果d..我同男朋友食奶醬多,,椒鹽雞中翼,,公司三文治,,菠蘿冰..-奶醬多..好懷念以前成日食,,真係好耐冇食過喇,,而+唔係度度都有得食,,烘左底好好食甜甜地,,都係$6咋..-椒鹽雞中翼..第一次見椒鹽雞中翼會落辣椒同蔥,,愈食愈辣,,都唔錯..-公司三文治..都係第一次見會夾埋d雞肉,,d肉好嫩,,好食..-菠蘿冰..呢個d味我唔係咁中2,,唔知點形容,,不過勝在多菠蘿..食飽飽繼續旅程..

諗住黎澳門，食下葡國菜，見呢間餐廳講到自己有好多美食，就同屋企人入去試下。入到去就叫左個四人餐，有四個菜，可能下午茶多人黎食，廚房做唔切，但等了又等，都冇一碟菜黎。於是就問問待應，佢話：「四人餐係咁耐ga啦，唔好吹啦!」結果佢講完都係冇幫我跟張單，照企係度。好野喎待應，咁答人ge。果刻我只求填飽個肚，唔想影響我黎緊去玩的心情，所以忍佢，keep住等。之后四十分鐘黎左碟炒什菜，d白菜苦到呢，同埋我唔明呢碟野點解會炒咁耐。食完呢碟野，又再等，有個待應睇到我地咁竟然笑出黎，咩意思呢請問，我地等食個樣令你好開心?!等了一個鐘都未有，我真係忍唔住就拍台走人，同佢個收銀話我要埋單，我只係俾台上我食左的東西。果陣佢地先幫我跟張單，但為時已晚，我忍得肚餓，我屋企兩老都唔得啦!!跟住有個待應仲要話：「條魚點呀，煮緊喎，你叫我點算!?」我話等左成個鐘，有個待應仲要同我argue唔係一個鐘，我心諗我係咪要答你exactly五十分鐘呀要?!我只同佢地講你地一d唔好意思都冇，仲反轉頭話我地，我俾錢黎食野ga咋，我成個鐘食得碟菜咋喎，仲要咁樣對客。最后我只付我食過的東西就走了。貴店的待應們，真係要改改待客之道，就

下午五時在氹仔上船, 現在只餘下兩小時......究竟那兒有快夾便宜的茶餐廳? 因為丈夫指定要食西洋炒飯, 兼且我地行完全個舊城區都唔係坐滿人就係貴到爆(價錢比市中心還貴)終於皇天不負有心人俾我找到這間有西洋炒飯之餘還經濟實惠。(經濟實惠------雖然我見到兩個職員坐在我們旁邊的枱上忙着更改所有餐牌上的價錢,即改即用, 當然是加價啦), 澳門人就是保留着這麼單純性格------是的,加價就加價, 我洗同你擇日呀！就係咁嘅情況下叫了西洋炒飯及洋葱牛脷飯不正宗的西洋炒飯, 只因為葡腸及黑欖少得可憐。又沒有菜油供應洋葱汁與香港的不同味道, 有點像法式洋葱湯的feel。牛脷算一般厚度, 一般的牛脷味道, 這飯靠的是洋葱汁。

去威尼斯人聽演唱會之前, 當然要醫下肚先啦! 到咗官也街.....嘅呢一間, 試下先!燒排骨 - 乾身咗d, 唔太juicy, 不過味道都ok.紅酒燴牛尾 - 個汁做得好好, 送飯一流! 牛尾切得唔太大件, 就算咬到有根部分都唔韌, 好味!炒什菜 - d 菜唔太腍, 味道一般.燒鱸魚 - 意外驚喜! 唔怪得要等45分鐘啦! 因為係即燒既, 鱸魚外皮燒到脆, d 肉雖然唔太滑, 但係好新鮮, 好味道!馬介休球 - 鹹魚味唔太濃, 不過都唔差.豬頸肉 - 個外表唔係幾吸引, 味道ok.即磨咖啡 - 好香濃嘅咖啡, 用黑白奶, 好!

回家感覺真好, 澳門地方雖小, 但對我來說, 每一個角落都埋藏了美好的童年回憶。和家人坐了一小時船, 已經下午了, 大家急不及待要找個地方填填肚。來澳門除了吃, 就是吃了。哈哈捨棄幫襯開的大利來記, 而選擇了第一次來的氹仔茶餐廳 。辣魚包(MOP10)：即叫即製, 等了十五分鐘左右才有得吃, 不過味道可真不賴, 等這麼久也是值得呢！包是法包, 有人叫它做法式豬仔包。整個包都好脆身, 果然是新鮮即烘的, 每口都卜卜脆又熱辣辣的, 夾著的材料是吞拿魚、沙甸魚和洋蔥混合而成, 份量不少, 味道又夠辣, 很惹味! 我覺得這裡的辣魚包比大利來記的出色, 但豬排包就不知, 下次試下先~吉列豬排飯(MOP25)：(Set lunch) 塊吉列豬排似足個蘑菇, 好攪笑。豬排炸得香脆, 粉漿不多, 肉質鬆軟, 不會太油, 加上甜甜酸酸的汁, 唔錯丫。不過雜豆份量極少, 得三四粒不如別加好了, 影響整個賣相。咖啡：(餐飲) 媽媽說咖啡都幾香, 但奶味不足, 只是一般。環境感覺懷舊, 服務都OK, 但servers毫無笑容, 要改善。食物都是一般茶餐廳提供的, 粉麵飯三文治多士等, 選擇都幾多。可以一試。

第一次在這間餐廳吃, 叫了一個焗葡國雞飯.應該是即叫即焗, 等了約二十分鐘多才送來.送來之時黃金色的汁有如火焰的泡沫般不斷湧出,發出輕輕的 "拍"拍"聲.汁的味道不錯, 雞的肉也很嫩口,惟獨白飯是冰凍的.$35 完的晚飯, 也不算太貴.那裏有其他的飯, 大概是二十至三十起,在這一條食街之中, 價錢算是很便宜