Video
Above information is for reference only. Please check details with the restaurant.
又去澳門啦！呢幾個月唔覺意每個月都去澳門一次，忽然試左好多唔同美食。因為住喺氹仔附近嘅酒店，坐輕軌去氹仔只要喺排角站落車就可以，非常方便。今次就去左試氹仔手信街岀名嘅旺記咖啡，食豬扒包。呢間餐廳非常容易搵到，喺手信街嘅盡處有一棟畫滿豬扒包之類美食嘅壁畫嗰棟樓，就係佢啦。我哋當然要試下佢嘅名物豬扒包同樽仔咖啡，另外叫左懷舊美食-沙翁，仲有咖喱牛腩撈公仔麵。豬扒包果然名不虛傳，豬扒夠入味夠淋，包亦十分香脆，好好味。樽仔咖啡就略嫌咖啡香味唔夠，還好唔會太甜。沙翁夠香脆，佢唔似香港嗰啲咁結實，反而我覺得好味，唔會太漏。咖喱牛腩撈公仔麵，俾我想像中好味，咖哩味夠，辣度偏辣，不過香口，牛腩亦夠淋易咬。值得一讚雖然佢係一整棟，當日雖然我哋係平日去，只開一層，坐位不多，樓上亦只有一位女仕負責，當日雖然多人，佢亦好忙，但佢依然好有禮貌，呢個服務態度值得一讚！
continue reading
之前嚟澳門都有飲過嘅旺記咖啡，但成日唔記得究竟喺旺記好飲但世紀好飲，所以就再試真啲。呢間旺記裝修靚，打卡一流，樓上有得坐，喺咁熱嘅天氣嚟講，係一個好吸引嘅地方，但由於時間嘅關係，我只係叫咗外賣奶茶。香滑手打奶茶 （$28，300 ml)66年嘅品牌，飲前要搖一搖（搖甩咗個旺角嘅繩，所以同張圖有少少唔同）飲落口感唔錯，真喺滑嘅，但喺茶底略有澀味。要睇吓自己接唔接受到澀味。至於一支300ml 嘅奶茶要$28抵唔抵，就見人見智啦！
continue reading
官也街，全部都係人。人。人。間間都排隊，見呢間剛開鋪，即刻走上樓上食嘢先地方：閣樓，實係有啲細，快食，也問題不大服務：當然係普通啦，自己睇餐牌啦🤣食物：叫佐豬扒菠蘿包，都不錯喎，一開二，份量夠大，豬扒即煎，帶有肉汁，菠蘿包仲脆卜卜仲叫佐公司麵，樣樣餸（午餐肉，豬扒，煎蛋）都有，味道尚可，麵質都可以嘅仲叫佐涷奶茶，原樽上，奶唔夠，茶味都不錯價錢：中等價錢，以官也街來說，有地方坐，有冷氣，食物快上，都算係咁。。
continue reading
You may be interested in