澤賢記

Open Now

Now Closed

超人氣雞蛋仔店！一共三間分店，今次揀左當地人覺得少人啲嘅花城分店，但weekend晏晝黎到都要等50分鐘先有。好在唔需要係店門口等，只需要係店員告知嘅時間返去就ok，店員時間仲預得岩岩好✨蛋球仔 (葡撻口味) $38外層好脆，走硬脆路線。內餡相當軟滑，甜度低，一啲都唔膩，真係同葡撻有幾分相似。重口味人士略嫌唔夠濃味，但口感一流！值得一試！⚠️如果真係去花城分店，不妨買左先，再行10分鐘去官也街掃街先再返黎

當日我地共買左5種口味1）大熱既葡撻味2）比利時朱古力3）紫薯味4）芝士味5）原味由於我都係熱愛雞蛋仔人士，所以一講走澳門就想試呢間人人都講好食既澤賢記蛋球仔，仲對呢個大熱既葡撻味有所期待。又可能因為咁，我食落去第一啖覺得有點似蒸蛋擺左入去雞蛋仔入面（真心感覺）入面既料無乜味（好熱既蛋？）。而佢亦都同香港雞蛋仔唔太似，好熱但唔係內脆外軟0.0葡撻味唔算好驚訝既味道，如果要排好耐應該唔會再買😂😂感覺就係放左蒸蛋係雞蛋仔入面？朱古力撻味復而有驚喜，因為佢地既雞蛋仔係每粒平均地放入餡料，所以每粒都做到流心朱古力既效果，呢個是我驚訝的🤣熱同流心朱古力是一定好好食，仲用左黑朱古力🍫。紫薯味都幾好，有佢自身既香味同埋每粒都多料🫡芝士都做到拉絲既效果，但整體比起我見大家講到必食必買必需等，我又唔係太覺得因為我真係覺得低調高手同埋媽咪雞蛋仔幾乎贏哂（即管佢料不是粒粒都有都贏）。短期內都唔會專登再食雞蛋仔了🤣🤣🤣🤣🤣

🇲🇴澳門✨超人氣老字號「葡撻雞蛋仔」🧇上次同Roshita 之旅，係有plan到食呢間～老老豆豆我嚟澳門🇲🇴咁多次都冇未食過🙄果日下午12:30見到人唔算排得多，店員話30分鐘…見到咁多人同埋單，我哋買完杯布甸奶茶就食埋個鮮牛雜，返到去足足「一粒鐘」中先排到我哋果底！（拎果聽到話要等粒幾鐘）第2次叔仔生日🎁帶肥肥去食，竟然用咗20分鐘就得🙄 仲要一樣係星期六⋯⋯ 廢話少講，食評即到 ⋯⋯—🧇雞蛋仔人氣口味葡撻、黃金鹹蛋黃、朱古力手工麻糬、靜岡抹茶🧇葡撻（招牌必食） MOP $38即叫即整果然「零舍不同」🤩每一粒雞蛋仔都放入葡撻內餡，外脆內軟，入面係熱辣辣又香又滑蛋漿，帶點奶香，唔算太甜，好似食緊葡撻咁😍最初都會以為會好膩好快飽，點知係食完一粒又一粒，食晒成底超級「大滿足」😌—Overall嚟講去澳門🇲🇴must eat list !如果要等不妨去咗食其他嘢或去大三巴打下卡再去拎！你哋又中意邊款口味雞蛋仔⁉️如果大家中意俾個like支持下🤟🏽 𝗖𝗶𝗮𝗼

去澳門一定要食葡撻，但是葡撻雞蛋仔又真系第一次食！澤賢記係澳門老字號，雞蛋仔有多款口味，但係最有特色都係葡撻雞蛋仔，必試！每份雞蛋仔都係即叫即整，所以排隊都要耐少少🥲但值得等待！每一粒雞蛋仔都有葡撻，好足料每一啖都有焦糖葡撻味，好滿足！外脆內軟，好味😋！

早幾個月喺 #澳門百老匯酒店 隔離嘅 #百老匯大街 試過呢間 #蛋球仔 好好味，今次帶埋個仔去，佢平時喺香港已經好鍾意食 #雞蛋仔 ，今次再去澳門決定一定要帶佢食呢間！Google望過分店唔多，全部喺氹仔嗰邊，今次特登去 #花城區 分店。搭的士去到，喺條街兜咗兩個圈都見唔到，最尾原來喺 #花城購物商場 入面！叫咗個 #葡撻蛋球仔 ，即叫即整，外脆內軟又唔會太甜，好食🤤 等緊嘅時候見到隔離有間 #半仙豆夫 ，試埋😂 呢間都有驚喜喎，下回分解！

澳門🇲🇴 必食雞蛋仔🧇今次快閃澳門除左睇演唱會之外就係想食呢個雞蛋仔 上網睇人地去要等3個鐘嚇死😂 但今次去都要等1個鐘多啲（好在買完可以走 唔洗企係到排隊等 一個鐘後返去拎就ok）佢其實有好多間分店 如果唔係去大三巴附近間分店可能唔洗等咁耐🤔買左一個招牌葡撻雞蛋仔同一個朱古力麻薯味 一致認為葡撻味好食啲🤣 新鮮整好熱辣辣超好食🆙 朱古力麻薯就有啲淡 無乜朱古力味 同埋麻薯有啲濟🤣📍澤賢記..#mytaste_澳門

最近IG都被這間店的葡撻雞蛋仔瘋狂洗版，本身超愛吃雞蛋仔的我，當然要把它放在這趟澳門遊必食的清單內。ꔛෆ葡撻雞蛋仔 ($38)聽聞這間店很多人排隊，還好這天人流不算太多，大約等15分鐘就吃到了。即叫即做的雞蛋仔，入口外層香脆，口感煙韌。店員會逐格逐格的放入葡撻蛋漿，每一粒雞蛋仔內都是熱辣辣又充滿奶香的餡料，且不會太甜。個人覺得比一般雞蛋仔口感更豐富，十分喜歡，可惜香港暫時沒有這個口味。ꔛෆ黃金鹹蛋黃雞蛋仔 ($33) 一樣是外脆內軟，每一粒內餡都很足料，不會有空心的情況，不過不知是否剛吃完葡撻味，鹹蛋黃味吃起來味道不算十分濃郁，相對較失色。味道 ♥ ♥ ♥ ♥ ♥ ♥ ♥ ♥ ♥ ♡服務 ♥ ♥ ♥ ♥ ♥ ♥ ♥ ♥ ♡ ♡環境 ♥ ♥ ♥ ♥ ♥ ♥ ♥ ♥ ♡ ♡價錢 ♥ ♥ ♥ ♥ ♥ ♥ ♥ ♥ ♡ ♡回頭率 ♥ ♥ ♥ ♥ ♥ ♥ ♥ ♥ ♥ ♡

澤賢記係IG上已經好出名，見好多人都推介，話去澳門必試，於是未去澳門之前，已經同朋友mark定咗去呢間嚐鮮。嗌咗店舖招牌 - 葡撻雞蛋仔。食落口感外脆內軟，而且味道香濃，十分推薦

呢間小店始創於1944年，雞蛋仔有多款口味，但最有特色都係葡撻雞蛋仔🥚💗葡撻雞蛋仔 (MOP$38)每一粒雞蛋仔都放入葡撻餡，入口外皮香脆，一咬開係熱辣辣香滑蛋漿，爆出濃郁奶香，令人一粒粒食唔停🍮💗朱古力手工麻薯雞蛋仔 (MOP$37)雞蛋仔加入80%可可朱古力粉同朱古力粒，食落有濃郁朱古力味，每一粒都放入煙煙韌韌嘅麻薯，外脆內軟🍫

朋友介紹，去到買咗幾款雞蛋仔，葡撻味一試難忘，同朋友一齊分享另外鹹蛋味都唔錯，因為唔係綠茶控，覺得麻麻不過真係等左好耐，價錢唔平，去玩經過可以一試，都算值得一試

好鍾意食雞蛋仔知道呢間有出葡撻餡既雞蛋仔所以黎試試佢復活節連假黎 排隊真係有排排落左單 佢話要等1.5hrs 咁照等 最多係附近行下再返黎拎 點知1.5hrs 返到黎都仲未有得拎 仲要等冠30mins 左右過左兩粒鐘 終於有得食啦 外面好香脆 入面就保留到葡撻蛋漿個餡 又唔會太甜 真係幾香幾好食不過如果要等咁耐就未必會再排 除非唔洗等咁耐啦都會再買黎食既

最近成為IG新竉兒嘅澤賢記 @chakinkei ！真係見到好多人都人去食佢哋嘅招牌葡撻雞蛋仔MOP38，作為愛吃之人又點可以錯過！🤭擁有近80年歷史嘅小店！由爺爺年代承傳到第三代！與時並進令佢地更加受歡迎！以澳門最傳統嘅葡撻作材料！融入家傳之品蛋球仔（雞蛋仔）！帶出一翻新創意！👍🏼即叫即整嘅雞蛋仔，包住甜味適中嘅葡撻蛋漿！入口層次感即時提升！記得要吹涼少少先放入口啊😋有三間分店！大家可以按照自己嘅行程去試下啦😋

夜晚9點45去到未收～～店舖收2230Google地圖花城商場就會搵到 地面個層就係附近有間好大嘅新苖（花城）超市，會容易認到即叫即整！！！夜晚唔使排當宵夜咁樣食口感實在啲，啖啖都有葡撻布甸🍮幸福感滿滿外層厚身 要咬開每粒((唔同香港雞蛋仔可以逐粒搣嚟食)) 幾有趣

終於食到呢間特色雞蛋仔名店，鐘意食雞蛋仔又鐘意食葡撻既朋友，一間店滿足晒。澤賢記既招牌 — 葡撻雞蛋仔 $38即叫即做，揸上手熱辣辣，雞蛋仔外層香脆，每粒雞蛋仔內都係流心葡撻蛋漿，好似一淡一隻迷仔葡撻咁，好滿足。

呢間蛋球仔店真係非常有人氣，去之前都做好要等好耐嘅心理準備😂當日我地去咗最近官也街嘅花城店，等咗超過一個鐘先有得食😬▫️葡撻雞蛋仔 (MOP $38)第一次試當然係簡佢嘅招牌葡撻餡雞蛋仔！即叫即整熱辣辣，我覺得食落似燉蛋多過葡撻，不過都幾特別。外皮脆卜卜，咬落去好creamy蛋味好濃郁，凍咗會冇咁好食，要襯熱食曬佢啦！味道同口感都好特別，充滿澳門特色，值得排隊一試，如果下次去唔洗等咁耐嘅話會再試其他味😋Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️性價比：⭐️⭐️⭐️⭐️✨想睇更多食評就記得follow - hk holidaydiary