Video
Read full review
2023-02-21
428 views
今次2023年2月去澳門，街頭旺爆人頭湧湧，四圍都出現人龍排隊，當然啦，疫情減退開關嘛! 雖然係最多人嘅一次，但亦都係最開心嘅一次.以前每次嚟澳門，都係自己帶同女友一齊嚟玩，今次就唔同喇，有位大師兄係澳門揸埋部靚車載我地四處玩，更做埋導遊㖭，而且絕對勝任! 因為佢係澳門人，地方又熟朋友又多人面廣!大師兄提意去路環，佢係地膽當然聽佢話啦，最後我地去咗聖方濟各堂旁邊哩間真之味菜館.真之味係一間露天餐廳，對於我哩D食煙人士當然首選啦.點咗一份咖哩蟹，細種蒜蓉燒生蠔同燒沙丁魚，當然叫個麵包點咖哩啦.先講講燒蠔，我地點嘅係細品種，但上枱嘅燒蠔一D都唔細，比我想像中大好多，入口鮮嫩又唔腥，食兩隻已經足夠.一向食沙丁魚都無落檸檬汁，今次亦唔例外，唔腥肉嫩，雖然細骨不少，只要小心食就無問題.咖哩蟹係肉蟹，蟹肉豐富又鮮甜唔係D蟹殼大蟹肉少品種，咖哩汁微辣，對於我哩D怕辣人士仍可接受，點麵包一流啦!麵包本身已經唔差，外層超脆內層鬆軟.該餐廳有位註場歌手，原來佢係大師兄嘅多年老朋，多年無見於是攞起結他彈起歌曲三個男人一齊大聲高歌，超開心! "分分鐘需要你"，"真的漢子"，當然必唱係 Beyond D名曲啦
以前每次嚟澳門，都係自己帶同女友一齊嚟玩，今次就唔同喇，有位大師兄係澳門揸埋部靚車載我地四處玩，更做埋導遊㖭，而且絕對勝任! 因為佢係澳門人，地方又熟朋友又多人面廣!
大師兄提意去路環，佢係地膽當然聽佢話啦，最後我地去咗聖方濟各堂旁邊哩間真之味菜館.
真之味係一間露天餐廳，對於我哩D食煙人士當然首選啦.
點咗一份咖哩蟹，細種蒜蓉燒生蠔同燒沙丁魚，當然叫個麵包點咖哩啦.
先講講燒蠔，我地點嘅係細品種，但上枱嘅燒蠔一D都唔細，比我想像中大好多，入口鮮嫩又唔腥，食兩隻已經足夠.
一向食沙丁魚都無落檸檬汁，今次亦唔例外，唔腥肉嫩，雖然細骨不少，只要小心食就無問題.
咖哩蟹係肉蟹，蟹肉豐富又鮮甜唔係D蟹殼大蟹肉少品種，咖哩汁微辣，對於我哩D怕辣人士仍可接受，點麵包一流啦!
麵包本身已經唔差，外層超脆內層鬆軟.
該餐廳有位註場歌手，原來佢係大師兄嘅多年老朋，多年無見於是攞起結他彈起歌曲三個男人一齊大聲高歌，超開心! "分分鐘需要你"，"真的漢子"，當然必唱係 Beyond D名曲啦....
我唱分分鐘需要你果時，女友小熊成個冧樣臉都紅哂!
睇怕最開心係佢!
Post
