Video
Telephone
+853 88062328
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
母親節去咗呢間餐廳食semi buffet，每人包一個main其餘前菜甜品飲品都可以喺出邊度攞。出邊好多嘢食，有沙律，湯，麵包，芝士，ham，Pizza 生果，甜品。Pizza非常出色，見佢即時喺個爐度焗出嚟，熱辣辣，好脆好好食。佢嘅麵包都好好食，係自家製嘅，可能食咗三四嚿Main我哋叫咗啲煎三文魚，八爪魚Risotto 三文魚好好食，煎得剛剛好唔會過熟，煎得仲好Juicy，呢個必食！八爪魚risotto 都唔錯，但係因為喺之前已經食咗好多嘢，risotto嘅時候我已經好飽，所以冇覺得佢特別出色。
continue reading
Coast 係一間性價比好高嘅餐廳，食物嘅份量都好大，而且係酒店級數嘅食物水平。如果同朋友慶祝可以提前訂位，酒店嘅職員會好細心，幫你預訂一個比較好嘅位置，而且會送返一件蛋糕，同影一張拍立得比你留念。Coast 嘅pizza 都係純人手製造，而且會放落烤爐度即場製作。如果對於有選擇困難症嘅人，不妨嘗試佢哋嘅hidden menu, 就係兩款口味嘅Pizza雙併，但係價錢會計貴嘅口味，menu 冇寫，但可以同職員提出。除咗Pizza之外，餐廳嘅葡國菜都好值得一試。如果有美高梅會員卡，可以按等級打折，所以買單之前記得同職員講返。
continue reading
🐶澳門之旅EP3🇲🇴📍第三站：濤岸(路氹城)🍽中午掃完街 夜晚就搵翻間餐廳食飯啦🙌🏿本身諗住食葡國菜嘅 可惜想食嘅都已經full booking我哋就食唔到🥹最後小妹嘅澳門親戚朋友推介食濤岸呢間系位於美獅美高梅酒店入面嘅地方闊落 環境精緻店員服務亦好好不斷都有幫手refill水 見到隻碟裝咗蠔殼又幫你換😙整體感覺良好 坐得幾舒服-點菜後會先送咗兩碟餐包想要嘅可以嗌refill小妹冇食到 屋企人話幾好食麵包焗到微微脆口 入面好軟熟😚另外有牛油同番茄莎莎配搭嚟食細佬就好鐘意 佢一個人KO咗成碟😳-㋡ 精選生蠔(12隻) $458比佢個價錢嚇親 真心幾貴🥲生蠔size正正常常 佢唔系creamy嗰種 食落鮮甜爽口帶有溫和嘅海水味 鹹味唔會過濃👍🏿洗得夠乾淨 完全冇蠔殼碎質素唔差 但冇話特別驚喜🙌🏿有兩款sauce配嚟食一款系紅醋汁 另一款辣辣地兩款都麻麻 唔使點都夠味開頭食好curious點解佢冇檸檬食到最後先發覺原來個袋仔裝住嘅系檸檬😂咁樣就唔怕吱到啲檸檬核落隻生蠔度 幾細心🥰可惜我哋大家都傻下傻下冇留意食晒都冇吱檸檬汁🤣味道: 7.5/10性價比: 6/10-㋡ 羽衣甘藍沙律 $138羽衣甘藍爽脆甘甜食到開心果醬莎莎嘅口感番石榴籽同焗南瓜帶出甜味同羽衣甘藍嘅配搭恰到好處😚食落好fresh好開胃😆不過唔系個個都鐘意羽衣甘藍Mami👩🏻就覺得麻麻地啦🤣但呢個沙律都要成$138 真系貴咗啲🥲味道: 8.5/10性價比: 5/10-☻︎ 薯絲馬介休 $198雖然食唔到葡國菜餐廳但呢間都有馬介休一於嗌嚟試下啦😆馬介休其實系鱈魚經鹽醃製而成嘅通常都會用嚟整炸馬介休球或者系薯絲炒馬介休等等嘅菜式今次呢碟薯絲馬介休主要用薯蓉、炒蛋同橄欖調味適中 加埋脆薯落去炒食落更加香😚不過就食唔出佢同鱈魚有咩關係🧐整體嚟講普普通通 冇乜特別*另外附上一碗白飯*味道: 7/10性價比: 5/10-♡ 烤豬肋骨 $228豬肋骨好易就可以切開基本上一督就散晒雖然唔韌但肉質好鞋口🥲非常柴皮呢個質素唔值呢個價😗隔離有碟椰菜絲沙律Mayonnaise嘅份量落得太多冇咗本身沙律應有嘅fresh整體麻麻地味道: 5/10性價比: 3/10-辣腸薄餅(大) $138小妹就唔食辣肉腸嘅所以冇試到賣相就唔錯 芝士仲拉到絲添😝Mami👩🏻就話辣腸偏鹹整體唔系話唔好食嘅 不過好普通味道: /性價比: 7/10-㋡ 煙三文魚牛油果多士 $138多士唔算好脆 上面搽咗牛油果醬不過小妹唔鐘意食牛油果😗煙三文魚夠油潤 幾好食😆隔離都有啲幼薯條炸得夠脆 亦唔會好淋油👍🏿味道: 7.5/10性價比: 7.5/10-㋡ 海鮮燴飯 $218呢個燴飯好足料🤩上面好多海鮮 有一隻大蝦、兩粒帶子、魷魚粒 仲有好多青口同蜆😆帶子好鮮甜 而且唔韌😚青口同蜆都好甜好新鮮好耐冇食過好食嘅青口🤤魷魚粒就韌咗小小不過都喺接受範圍內個飯主要用番茄嚟煮 食得出佢真系有撈埋海鮮去燴而唔系煮完就咁放啲海鮮上去海鮮嘅甜味浸咗落個飯度😋啲飯都唔會煮到淋晒冇晒口感👍🏿成餐飯小妹覺得呢個最好食😙味道: 8.5/10性價比: 7.5/10-小妹嗰日都喺澳門嘅親戚一齊食8個人加埋一要大概千七到😳人均大概$210 整體所有野雖然唔系唔好食 但冇話好特別好好食雖然服務幾好 但食物就普普通通 性價比偏低😗整體評分：味道: 7/10環境: 9/10服務: 9/10衛生: 9/10抵食: 5/10-推薦指數: 3/10直升機指數🚁: 6個伏/10呢個價錢真系唔值😅
continue reading
今次嚟咗呢間氹仔MGM食飯。初時以為食西餐為主。但係喺店裏面我哋見到有啲葡國食品。我哋又好想食葡國嘢。估唔到超高水準。仲要好優惠，價錢合理CP值高。頭盤，酒店附送呢個麵包。唔好以為平平無奇。麵包暖笠笠。外脆內軟熟。加埋個蕃茄醬舔舔脷絕對係好嘅開始。馬介休超好味，好回味。外邊外邊揸得啱啱好，完全唔會好硬。裏面軟滑。直頭想encore。青口，細細粒好好味。⭕️非洲雞🐔🐔味道有少少辣，但係佢個外皮係做到好脆口。雞肉嫩滑。味道亦都好驚喜。⭕️豬腩肉蜆肉配白飯
continue reading
自從各大酒店餐飲打折後，係酒店覓食次數又增加左，是因分分鐘平過街食。今次試既就係位於美獅美高梅入面「濤岸」，主打美國加州美式美食，份量夠大又足料，適合同一大班朋友或者屋企人食飯，呢到更加係慶祝生日聖地，感覺當晚除左我地之外都係慶祝緊生日，餐廳特別有服務員用相機影相送番比你紀念，氣氛相當唔錯。有興趣既朋友仔，優惠期間記得提早預約，當晚現場幾full下。.是日餐點：精選生蠔 (6隻 $188）八爪魚沙律 ($138)蝦肉卷餅 ($138)龍蝦薄餅 (細$118）朱古力蛋糕 ($68).餐前麵包有點大😅，不過搭配住牛油或者自家蕃茄醬又真係幾好味。前菜沙律有八爪魚、洋蔥、薯仔、橄欖、鷹嘴豆、香芹、檸檬汁等組合而成，同我想像中有些少出入，八爪魚份量不多，口感較普遍，相反薯仔個類澱粉質超標😅。生蠔正正常常，當日質量還算新鮮，中間個舊係包裝得靚靚檸檬🍋😂，你地又估唔估到呢！.Taco由脆脆卷餅包住烤蝦、捲心菜、芫荽及芒果莎莎，跟牛油果醬同蕃茄他他醬兩款配搭，整個口感豐富又清爽🥰，個人建議即上即食，保持到餅底脆，放耐多陣濕左食到有啲狼狽。另一款覺得唔錯既係龍蝦薄餅，熱辣辣仲有芝士拉絲，基本上以龍蝦雜菇為主，雖然龍蝦肉不多，但確實味道唔錯😋。遠遠望到吧台後係現場即烤pizza，視覺享受左先啦！.最後飯後甜品朱古力雪糕，非常之美國style，螞蟻人會很喜歡。整餐晚飯出菜率夠快，約十多分鐘放滿一枱，隨意叫左白酒紅酒各一淺嘗，質素亦不錯。無太大驚喜感，但總體味道不錯，性價比算高👍👍。_⭐️ 需加一服務費
continue reading
You may be interested in