DEAN & DELUCA Café (Closed)

作為港澳第一間分店，以彩虹蛋糕作賣相既DEAN & DELUCA，每次經過都好想試下坐係道飲下咖啡、食件Cake仔，可惜每一次經過既時候都係飯後時間或者趕住搭車，好彩撞岩今次玩完天浪淘園攰攰地想飲杯野，終於試到。Matcha Latte飲慣Starbucks既Matcha Latte，本身諗住叫少甜，好彩無叫到，無少甜已經勁淡味，綠茶味係香既，個奶都滑既，但無落糖就好似飲緊綠茶水咁。奶蓋茶奶蓋既威力真係大，連DEAN & DELUCA都要出奶蓋茶。奶蓋做得唔錯，芝士鹹香味濃，而且質感都幾濃厚。茶底有少少似四季春，清清香香，不過可惜茶底都係無落糖，淡到好似飲緊水咁。好彩今次試左一試，我諗應該都無下次。

搭船過大海除左交學費之外，好多人都會去增添脂肪，原因係有啲餐廳係香港市區都未有，想食？唔通下下俾錢買機票入香港機場食咩？唯有去平平地去最近既「澳門」覓食啦今次要講既呢間餐廳係黎自美國既連鎖食品雜貨店，佢除左賣蛋糕，仲有Tote bag、調味料、主食、咖啡.....，今次想主要講下蛋糕。我記得一兩年前就已經見到彩虹蛋糕既新聞，當時就好想試，可惜知道係澳門之後就無左件事，直至上個月去澳門，無心插柳既情況下經過呢間店，當時都有啲忽略左佢，因為真心無特別搵呢間店既地址，但突然間好似靈感到咁，我就無啦啦閃起呢間會唔會賣彩虹蛋糕既念頭，或者真係命運既安排，真係好搞笑，於是就好開心咁走埋蛋糕櫃，揀左兩件蛋糕。今次揀左彩虹千層蛋糕之外，仲有最大路既紐約芝士蛋糕，首先一心諗住食既彩虹蛋糕其實完全係希望越大失望越大既佼佼者，點解咁講呢，最大既可能應該佢既外表太靚太夢幻，結果出到黎既味道只係一層層普通不過既海綿蛋糕再加幾好味既忌廉，所以呢個蛋糕都係影相為主；而紐約芝士蛋糕當然好難失準，酸酸甜甜既味道加上唔會死實實又入口軟滑既口感，真係可以一啖接一啖，唔會有個份食好滯既感覺，所以靚既野都係欣賞下就好啦每次都會

好正呀，唔知係咪夜既關係，佢做買一送一，淨係食品做緊discount, 飲品就無，個已經好好啦，好抵食雞肉波菜卷哩個有d 辣，芝士好rich,熱辣辣食正呀。燒牛肉南瓜三文治有三塊燒牛肉，又有好full 既南瓜容，成份三文治勁飽！Lime tart個lime 味都好重，d lime 撈埋cream cheese, 都無太漏 但稍為甜左d,整體ok!柚子cheesecake 哩個highly recommend, 好好味，cheese 味搶左柚子味，好fresh 呀，唔甜，正

前幾日去左澳門做兄弟 個婚禮就係JW萬豪搞 趁住有空檔既時間係銀河行左個圈 見到開左唔少新鋪 而其中一間就係呢間黎自紐約既過江龍 即刻入去一探究竟 🧐蛋糕款式唔算好多 賣相亦唔特別討好 最突出既莫過於最多人討論既彩虹蛋糕 但見唔少食評都話佢得個樣 味道無乜層次之分 所以無揀到佢 最後揀左蛋白柚子撻賣相同味道都非常普通 質地偏硬 味道酸酸地 但唔係好食得出柚子味 整體同檸檬撻差唔多味 🤦🏻‍♂️ 總括而言 雷聲大雨點小 虛有其名 試過一次就夠皮

同閨蜜過大海兩日一夜遊澳門，朋友目標係彩虹蛋糕，我當然要捨命陪君子🙊星期日一落船第一件事就係去紐約過江龍Dean & Deluca買蛋糕🌈，一去到餐廳已經全場爆滿，想搵2個位都好難，店員態度一般，說明要有位先可以堂食，好彩當日要趕去Ritz Carlton食tea buffet，一心都係諗住買外賣走😂買左一個彩虹蛋糕同紅絲絨蛋糕🍰彩虹蛋糕七彩繽紛，應該好多色素，味道就係普通海綿蛋糕，質感輕盈，冇乜特別~~相反我比較喜歡另一個紅絲絨蛋糕，有濃的白朱古力味，質感厚實，但食得多會有d漏🙊

PPFood今次馬交遊專程黎到呢間較新開嘅cafe潮聖💁🏻 食左佢最出名嘅彩虹千層蛋糕（MOP46）其實佢每層都只係唔同顏色 並無唔同味😂 食落濕濕地 唔會太乾身🤔 本身覺得都幾甜下 但沒有最甜 只有更甜😂 就好似後面呢個藍莓雲石起司蛋糕（MOP42）一開始覺得係酸酸地 點知就愈食愈甜🤦🏻‍♀️ 酸返少少會更佳😉 整體而言 今次潮聖算沒有中伏同驚喜😇 可惜眼見人地食緊紅絲絨蛋糕 但到自己order果陣又賣曬☹️ btw. 如果唔係事先睇過圖 會以為千層係好似女士m果啲咁🤣 而雲石蛋糕方面 無知嘅PP係幻想到好似香港葵廣最近好hit果個樣 所以上枱果時難免有啲落差🙈

今日食左個彩虹蛋糕，賣相真係十分漂亮，一層一層既顏色，好靚！本來以為每隻顏色都有唔同既味道，一食...原來成個cake得個甜味，仲要好甜果隻！🤖🤖🤖🤖😂😂😂

雖然彩虹蛋糕出左好耐，但今次係第一次食，我地一行兩人，叫左一份彩虹蛋糕，一個芝士煙肉蛋酥，一杯大泡沫咖啡，一杯大Party Punch。彩虹蛋糕沒有特別，唔同顏又不是唔同味道，但好靚，唔易散開，芝士煙肉蛋酥都唔錯，略嫌個蛋太實，同個酥啲味道好似分開左。到飲品，泡沫咖啡叫左大杯都係$48，抵飲，至於Party Punch,比想像中冇咁靚，生果好快散開晒，同埋較甜。因為用了銀河咭，4樣野唔駛$200，絕對抵

Who doesn't like cake ? 老實說我是為了彩虹蛋糕而來的！因為其名叫彩虹🌈Rainbow layer cake mop 46 ，蛋糕好鬆軟且moist 唔乾 配上忌廉不會太甜！另外 柚子蛋白甜品塔 mop 42 , 餅底同餡比例剛剛好一比三 ，柚子味突出帶少許酸味與忌廉味道和口感都很夾 😋😋值得一試！唔食甜品都有鹹點啱晒同男仔去啦！當時都有三分一男食客㗎！😆 另外還有xmas禮品！選擇都很多！仲有杯，茶包，環保袋做手信！🌈🌈☺️ 🚦Dean & Deluca (路氹城)路氹城「澳門銀河™」綜合渡假城地下G107號舖

很快又由澳門回來了！先介紹十月新開幕的 DEAN & DELUCA；這間1977年美國紐約創立的食品雜貨店，於澳門銀河酒店首設中港澳分店，人氣非常強盛，我們要一大早抵達才能成功朝聖呢！ DEAN & DELUCA 現時全球已有六十間分店，包括亞洲的日本、韓國和泰國，如曾到訪的朋友，應該對那紐約地下鐵路瓦磚及大理石基調不感陌生。澳洲銀河店則再融入了葡萄牙地道色彩，在吧檯地面旁鋪了葡萄牙磚，同時加入了一些葡國及港澳特色食品。 澳門店營業時間由早上8點至夜上9時，時間一遲除了出現特長人龍，不少人氣甜品都會開始缺貨，所以抵早抵達是有必要的。 甜魔媽媽、妹妹及友人，就是在澳門之旅 Day 2 早上9時到訪試業中的 DEAN & DELUCA 銀河店，當時食客還不太多，食品選擇也最齊全，正好可以拍照給大家參考～ DEAN & DELUCA 著名於搜羅精緻美味的高級食材，故店中間的長檯上，也擺放著多款口味朱古力、餅乾、咖啡粉，甚至是椰露蛋卷、牛油蛋卷等富本土色彩的食物。 繞了一圈後，其中多款特色的 Tote Bag（包括澳門限定版），成了友人 shopping 的目標；而為食的Chloe妹妹，則

十月上旬·晴千呼萬喚終於出場！說的是植根紐約著名食品概念店DEAN & DELICA終於落戶澳門。這是這個品牌的首間咖啡店，地點在澳門銀河時尚匯，似乎這邊也想打造越來越多的咖啡熱點，以後住在這裡又多一個喝咖啡的好去處。開店首天就拉了朋友來試，這裡店子雖然不很大，但各式食物選擇也不少。花多眼亂又三心兩意之下，就鹹點甜點各點了三款。鹹點方面，牛肉焦糖南瓜穀物三文治是一等一的Grab & Go之選。看中間疊起六、七片的燒牛肉，真的是下足料的。剛好朋友A有事要先走，就真的grab了這件三文治離去。還好吃了一小角，味道是不錯的。MOP48一件，不錯。花椰菜韭蔥起司派好吃，酥皮面乾身而鬆化，餡料熱度十足也夠味。當中的韭蔥是尤其甜美，加上芝士及西蘭花，三人分吃不多久就將之消滅了。MOP56一件是有點點貴，不過都值得一試，也令人想再試多幾款這裡的酥餅。說著才發現這是素食之選，想「綠色」的朋友有此美味選擇。非洲雞炸肉丸就是炸物的代表，一大顆的份量十足，而切開也發現是餡料豐足的。吃起來外皮非常脆口，是香口之選。不過在吃的時候總覺得要加添一點沾醬才完美，究竟是什麼？甜點方面也是三款，彩虹千層蛋糕是必然首選。