Video
Opening Hours
Today
12:00 - 00:00
Mon
12:00 - 00:00
Tue
Closed
Wed - Sun
12:00 - 00:00
Above information is for reference only. Please check details with the restaurant.
今年年頭已經探店試業中的「FILL CAFE」，當時只有飲品提供，最近留意到店家IG 新推出幾款輕食，食物種類雖不算多，以輕食、小食和蛋糕為主，決定將週末的早餐和放假放空心情交比佢地！.現時咖啡店一整棟開放，純白色為主加上原木風格，中午時分陽光☀️打落來自然光線，每個角度影相都好好睇。🔸地面層點餐區，有吧台可以坐，亦有少量座位。.🔹第二層用餐區，以坐木色系吧台和木質枱櫈為主，另外有兩個大熱位置— 靠着落地玻璃窗，坐呢到望住外面藍天白雲靚景真係有feel，食飽放空一下，中午少許陽光打入來非常舒服，去到2點可能會比較熱。當日大約12點3左右剛開門只剩另一邊位置，坐唔坐到好睇緣分，所以想坐/打卡窗邊朋友仔要一早過去啦！🔸第三層露台，現時夏天高溫下，相信中午無咩人會上去用餐😅，秋天應該舒服啲。.~~~~~~~~~~~~~~~~~~~~~~~~~開放式三文治 ($75)煙三文魚滑蛋三文治伯爵茶奶凍卷 ($45)熱拿鐵 ($38)凍朱古力 ($43)~~~~~~~~~~~~~~~~~~~~~~~~~開放式三文治 🥪 內有水牛芝士、烤車厘茄、黑麥雜糧包、牛油果醬和炒蛋，正常搭配。#煙三文魚蛋三文治 🥪 炒蛋下面鋪滿煙三文魚片，煙三文魚鹹香與淡淡滑蛋香，鹹淡適中，呢個配搭幾夾。.伯爵茶奶凍卷 奶凍滑而香濃，凍冰冰配蛋卷幾好味，個人認為奶油份量減少少就好，味道亦偏甜，好在奶凍中和番。我依然點了例牌HOT LATTE，對我來講夠香但今次有少少苦，咖啡個人口味各有不同，可能大家飲又係另一種感受，至於杯凍朱古力不過不失。.兩份三文治份量不大，作為早午餐來講，如果唔加埋蛋糕，食完真係未飽，相對價錢少貴，但味道還可以，環境滿分，放假chill下！⭐️ 一樓點單，先結帳形式⭐️ 對開有私家車車位，門口有電單車車位⭐️ 藝文薈澳有展覽在對面海事工房
continue reading
You may be interested in