洪馨椰子

Open Now

Now Closed

係openrice 好多人話呢度既椰子雪糕好正 , 好 .. 今次就算要問路都要搵到為止, 為左一試椰子雪糕, 不知行左幾多冤枉路, 總算搵到了 , 如果唔係有人介紹去, 都唔會識行!!源途都見到有人拎住杯白色杯既野食, 都估到就到目的地了.. 天氣實在太熱 , 來一杯雪糕不知幾好, 行左一陣到了, 買了2杯椰子雪糕, 食了一口 , 好濃既椰子味, 難怪客人源源不絕, 應該下次會再去食~ yummi

三月初一‧晴 吃完豬雜粥，大伙兒走入果欄街，行不到5分鐘，已經到了洪馨。大伙兒要吃雪糕，我就徑自走到舖後，拿一杯椰汁。 椰汁是絕對的真材實料，什麼是「絕對的真材實料」？就是沒加糖及花奶，如果喝過土瓜灣禮記那些又加冰又加砂糖再加花奶的已經好滿足，真的要試試這裡。是全天然的椰子味，又香又濃，只此一家。 行出店子，朋友買了幾杯雪糕，怎樣也要吃一杯。也是不加糖，但做雪糕就一定加奶，味道沒有椰汁般濃，但同樣是濃濃的椰子香。 椰汁10蚊，椰子蛋糕也是10蚊，已加了幾次價，但路經此地，要一試。

次次去澳門都會忍唔住去食返個雪糕,椰子雪糕同出面既好唔用,佢唔係軟雪糕,而係老闆真材實料日日整.雖然10蚊一杯比較貴,但係我覺得絕對物有所值!!!外面好難搵.

椰子雪糕$10一小杯，不便宜呢。淡淡清香的椰子味，我想它更濃味些呢。雪糕質地有點硬，很久未吃到這種舊日的味道了。對於鍾情各大名牌雪糕的新一代，可能覺得普通呢。無謂如何，能吃到如此地道的天然雪糕；老闆又友善地讓我們左拍(照)右拍，一個笑臉，很樂意給呢。

好好味 真係食得出係用椰子做 雖然有網友話MOP10 好貴 我都覺得貴係貴而且個杯又裝唔滿 好似好唔抵 但我真係未係第二度食過咁真材實料 所以認為還是值得一試 還是覺得貴都可以問老板攞多幾個更share一下 老板都幾好人 冇乜所謂沒有食過其他味 (因為唔捨得) 所幾只能推介椰子味

之前二日去左澳門,食左唔少野.有幾間不吐不快.於是暫時將封筆解除.第一間係洪馨.呢間既椰子雪糕真係踮.好清香既椰子味.口感獨特(其實幾難形容因為冇食過類似既野),大約類似實淨版既富豪雪糕但冇奶滑口感.注意係實淨而唔係硬.唔係奶個種滑法但絕對唔鞋.食落覺得充滿水份,初時擔心會食到冰粒但是沒有.本人覺得水準相當高.當日一氣食左兩杯.如果叫我好似蔡瀾咁打塊推薦金牌我會整塊比佢.ps.另外想提下而家d旅遊書唔該update番少少.人地已經冇賣椰殼飯勺幾年.仲有新八佰伴已經搬左好耐.洪記糖水冇賣茶粿n年......咁都仲夠膽死話自己最update.咁既質素收人幾十蚊會唔會厚顏左d?

到榮記吃過豆腐花後，失望萬分，又開始質疑書的可信性。向前直走，見到此店門口堆住幾位人，手拿住膠杯，一看之下原來是洪馨！之前見過洪馨最有名的是椰子雪糕，當然要一杯試試吧！索價十元。老闆說此地的雪糕一定不會有「酥」味。因為雪糕沒有加奶！的確，雪糕不太滑，但椰子味十足，可見是真材實料，沒有騙人！很好味！最重要的是不太甜，對於又想吃雪糕又怕肥的女仔實在是恩物！哈哈！最差的是膠杯未有裝滿雪糕，內裡有空位。洪馨，的確不錯，下次可以再吃！

由新馬路開始行~行到勁入先行到呢間野為左食佢地的椰子雪糕$10一杯食落感覺一般似食雪芭多d因為只有椰子味,冇咩奶味要行咁遠先食得, 覺得唔係咁值

以前嚟澳門,通常行程太密,所以久久都未試過,mar 01, 09,5人1齊嚟到 :1) 椰子雪糕 x 2-我緊要椰子味啦-呢d咁舊式嘅老舖,出品自然好原始,無花巧-椰子味好清香,自然,唔太甜,但就唔好同名店出品好濃滑,味道實在的比2) 芒果雪糕-友人以為喺芒果椰子味-其實當然喺純芒果味啦-試咗友人少少,淡淡嘅芒果味lor~~~3) 朱古力雪糕-試咗1小口,重拾細路仔時嘅味道回憶-所以質素就喺兒時嘅level

豆花當早餐之後,正當猶疑下一站吃什麼時,高達兄說:{帶你吃椰子雪糕吧.}結果大家到了這間"洪馨",又是有點歷史的老店,外貌似一間雜貨店.聽個店名,又會聯想起一些"社團"的名字.用雪糕膠杯盛上,同我們由細吃到大的牛奶公司,富豪蓮花杯一樣.雪糕本身幾硬,但我們小時候吃的雪糕,就是如此樣子.後來接觸過便利店的軟雪糕,才知道雪糕也有軟的.椰子味濃,相信沒有附加任何雜質,不懂得說什麼味道,總之感覺很天然.這類雪糕的味道或口感,未必會合甜魔系的口味,但對我這一輩八十年代長大的麻甩輩來說,感覺來得特別深.

點解香港無嫁~ 咁好食嘅雪糕 ~最近每次黎澳門都有食 行到以為自己熟晒路 今次由十六浦行過去....行到轉埋灣就到...點知懶醒咁入錯門口.. haha.去左個間無雪糕買嘅,仲口快快問....無雪糕嗱 ? (因為見唔到個雪柜)haha~個個好似好惡嘅男人話" 無呀 ! " .....我已經警覺到自己攪錯左啦 ~立即後退...再前行到正確目的地....洪馨椰子啊 ~有得食...不過今次無得"簡".....得椰子味 .唔緊要啦..我都係食椰子味kala~

遊覽完大三巴順道來到食一杯椰子雪糕。這裡的椰子雪糕不同出面椰汁味，而是很像真是食椰子似的。奶味不重，但食落卻有一種清新的感覺。俾我的感覺似食沙冰多過雪糕..............夏天必食~~~~!!!

雪糕幾時都食得ge 甜品....同朋友計劃好飽餐一頓之後要展開我地ge 尋找雪糕之旅~~~因為大家都唔識路...結果搵左好耐好耐~~~沿途仲要問路先至知我地應該點行....終於搵到啦!!見到好多傳統椰子擺左係度....睇o黎佢d 椰子雪糕一係好新鮮好香椰子味啦~~~同朋友一人一杯雪糕....細細杯....食一啖已經知道杯雪糕成功俘虜左我啦!!!雖然細細杯...但都要花一陣時間先食得哂~~~因為o岩o岩係個雪櫃拎出o黎....要一羹一羹慢慢"畢"....好彩朋友同我都無因為搵唔到路而放棄ja~~~如果唔係就食唔到咁好味ge 雪糕啦...不過....食完之後又要繼續搵路去下一個目的地啦...=.="

一向都很喜歡吃椰子雪糕，經朋友的帶領下找到這裡。不同於一般的椰子味雪糕，食落口好似食緊椰子咁.........味道雖然淡，但很清新。大熱天時下吃一杯簡直透心涼。問一問老闆，原來雪糕是自製的，難怪第二到吃不到

自問，從小到大的"好味"椰子產品嘅fans,聽朋友講呢度的ice cream 非常正，便會試試~試過以後，覺得享受一種風味多於味道~ 味道: 起初吃覺得好有椰子的清香味道，但食耐左，可能當中"冰"的成份都較遠，慢慢會覺得味道比較淡了一點。但仍然椰子的清香感覺，夏天食一流~風味: 澳門的老店，門口只掛著幾個椰子，老店的裝潢，口裡猶如滲透古早的味道~ 香港，便是越來越少這種傳統的小店子~PS: 這裡不算太易找，但人氣仍然強勁，難得~