洪馨椰子

Open Now

Now Closed

見個店名就知係食D咩..先前見阿蘇講得咁好食..亦都決定一試..說真的..澳門的路其實很窄吧..應該說是開發了的只是一少部份..又是幾經辛苦到達的一站..幸好椰子雪糕不負所託~12蚊好係值得既!!椰香味濃得不得了..值得推薦..!!食到連相都唔記得影..後補了一張

係尋找豆腐花之前,食左個椰子雪糕落肚先唔知係咪時間尚早,都係得我地2個去買,盛惠十蚊,價錢真係偏貴打開個膠杯蓋,發現好似軟雪糕咁既外表,但食落冇咁軟,一陣陣淡淡既椰子清甜味出左黎,唔係平時坊間買既雪糕咁甜同咁濃烈,對於唔太喜歡過甜既我,真係好幾岩口味!係冬天時一人一啖,食住黎搵路,很難忘如果下次去macau,我一定會再買黎食

大熱天時想食杯雪糕搵左勁耐男友搵到燥燥地搵左好耐終於搵到點知唔係想像中咁好食好淡可能我唔識欣賞啦12蚊一杯貴左d囉

本來行緊去榮記食.. 行行吓見倒好多學生拎住一杯二杯.. 誘發了好奇心 :"PP同啲人反方向行終於搵倒了.. 見倒招牌.. 淨係睇得明 "洪馨椰子" O_O椰子雪糕$12 一杯蚊型雪糕都咁受歡迎就知應該係好野黎 :"P 食第一啖就覺得好幸福了 *O* 唔怪得咁多人幫襯~ 激香椰奶味~ 唔會太甜又夠滑夠新鮮.. 好有自家製的感覺 : ) 行到個人好熱之後食個人真係特別開心 :3 好少食無cone嘅軟雪糕.. 可惜逾黎逾貴 : ( 如果平啲真係會想食多杯 ._.

5.1.2010因為示威令到我地搭唔到的士, 最後反而令到我食到洪馨椰子!!初初以為洪馨椰子位置比較偏僻, 但係原來都好易搵, 後面條街就係果欄雪糕有椰子味同芒果味, 我地揀左椰子味, 話佢係雪糕, 其實我覺得叫椰子冰比較貼切,食落勁香椰子味, 又唔太甜, 之前有人話冇加糖, 應該係真!夏天熱辣辣食真係一流!! 雖然間舖舊舊地, 但係食物真係唔錯下次可以再食!

復活節到澳門旅遊, 預計滿街都是香港人, 港人一向熱衷旅遊, 遠近不拘,好像一有機會就要逃離忙碌的生活, 到外地方可鬆一口氣。雖然當日澳門到處都是人, 但亦帶來一個好處, 就是方便遊客按人氣指數找尋好食肆。當日遊完大三巴後, 漫無目的地走著, 行經果欄街, 突見沿途有很多人捧著一個白膠杯邊走邊吃, 當即與同行友人加快腳步向前行。在不遠處見到有一群人圍在一間店舖門外, 原來就是洪馨椰子, 見嬸嬸不斷將一杯杯自製雪糕倒進門前的凍櫃內, 另一方面又要應付不斷到來購買的人潮, 真有點應接不暇。好不容易終於搶到一杯椰子雪糕在手(其實12元一杯雪榚真的有點貴), 急不及待將雪糕放入口, 第一口的感覺卻有點不以為然, 因為滿心期待的是濃郁的椰汁味, 但吃進口卻是甚感清淡的椰青味, 心裏著實有點失望,但仔細品嚐之下, 味道仍算清新可喜除椰子雪糕外, 洪馨亦有椰汁及芒果雪糕, 下次去澳門途經該店都想試吓!

買完蝦子花生後, 轉個彎就去到洪馨食好期待o既椰子雪糕最初以為冇得食, 因為本旅遊書寫1:00 - 2:30 休息我地去到係下晝1:15分, 好彩佢地冇休息.首先試咗杯椰子汁, 最初覺得有D甜, 老闆娘話佢地冇落糖o架, 後來飲真d, 就覺得係清甜.連我亞妹本身唔係咁鍾意椰子味, 佢都話好飲.跟住試埋個雪糕, 好香椰子味, 好好食.今年一加就加咗兩蚊, 要12蚊一杯不過好好味, 冇所謂啦

同朋友去澳門！！！見本旅遊書有介紹，於是就慕名而來啦！！！坦白說，我本人就麻麻地仲意椰子，但見洪馨出名椰子雪糕，於是就試下啦！！！食完覺得好好味，好重椰子味！！不過質感唔多似雪糕，似沙冰/雪葩多d！！！價錢有d 貴，要12蚊一杯！！！聼到老闆話要12蚊一杯，都有d 驚訝！！

唔知點解上幾個食評都無意識地寫了關於’一串串’的嘢食,　今次轉寫吓'一篤篤'嘅’先!! Can't believe this is only available in Macau Came by eating at some nearby shop and saw a long line of a queue. Due to 人羣心理, I also squeezed to the side pavement to reserve a spot. The wait when its busy is very long, expect upto 30 minutes or even more. This wait for their FRESHLY squeezed coconut milk 'soft-serve' ice cream is well worth the trouble however, as it is so naturally tasty, although I suspect they have added more coconut milk a

睇到旅遊書介紹這間店，而且網上食評都話這間店賣的椰子雪糕不錯，便去這間店買雪糕了。搵咗好耐才找到，那時是下午1:20，老闆正想關門去食午飯，好彩趕得切。1杯椰子雪糕 $12- 自製雪糕的味道果然不錯，好有椰香味。雖然貴啲，但都值得的。

次次去澳門都會食呢度既雪糕,食左好幾年水準依然keep住!不過價錢就愈黎愈貴..一如往日 去完新馬路行街都會過黎食椰子雪糕椰子味好重 好清甜而且真材實料製造無添加 真係好好味!睇其他食友既食評,見到野椰子汁買..平時都唔覺有 下次再去澳門一定會試試

第一次食鮮椰子做既雪糕, 好香, 不太甜, 質地少少似雪葩同雪糕既mix, 個度好似人地d倉庫咁, 一d都唔似門市, 如果唔係睇左書去, 可能都會行過就算...哈哈

白鴿票這玩意相信大家都有玩過，這次去澳門，也順便行下白鴿巢公園。遊畢，在酒店稍事休息後，剛才吃過的東西也落格了，又係時間出去搵食。十六浦酒店不算舒適，單是大堂都成陣國產煙味，唯一好處是地理方便。行兩步，就找到了洪馨椰子店，門口掛滿寫著囍字的椰子，十分搶眼。要了一個椰子雪榚 (MOP 10)，雪得夠冰凍，一打開直頭插針都插唔入，唯有一路行一路吃，椰子味絕對比剛才禮記的重，味道是不錯的，但有點不夠喉，下次可以試試椰子汁，可能更好。

椰汁,椰子雪糕各$10.椰汁少少甜,唔杰身,飲落口好舒服,仲有d椰子肉,好好,不過$10咁細杯有d貴.椰子雪糕可以話係椰子雪芭,好香椰子味,應該落左好少糖,所以好fresh.

七月三十‧炎熱正行去牛記吃蟹粉撈，下午時份，走在十月初五街，自然行出一身汗。途經這裡，吃一杯雪糕才再繼續行程，相當正路。本來我喜歡這裡的椰汁多一點，但實在太熱，吃了雪糕才算。椰子雪糕味道很香，吃得出是純椰子味道，別無添加，相當對辦。當然，如果慣吃香精味道的，會覺得這人個椰子雪糕很淡味，但如果喜歡食物原味的，始終會欣賞這裡；吃完椰子雪糕，當然也不可以錯過這裡的椰汁。吃完雪糕再喝椰汁，自然會發覺椰汁是加了糖的。問店主，也直認不諱。其實椰漿很香，不用加糖也夠味，為何要如此？看來此次之後，又會推介椰子雪糕多一點了。放下20蚊，繼續向蟹粉撈進發。