Read full review
2023-04-09
497 views
由關閘落車,誤打誤撞行到去黑沙環附近,呢區屬於工業區,好多工廠大廈,感覺好似去咗新蒲崗咁。 因為離旅遊區相當遠,周圍嘅食店唔多,透過Google搵到呢間坐落響住宅區嘅區神父街,對住聖保祿學校嘅一間Fusion餐廳。餐廳裝修好簡樸,燈光昏暗,有情調氣氛 (如果加埋蠟燭會更正),當時我哋早到,所以未有客人,原來嚟呢度食飯嘅人,多數都會打電話預約訂枱,好少我哋呢款walk-in客。原本以為係一間好貴嘅餐廳,但睇餐牌後發現價格親民,女仔嘅話份量係啱啱好,唔多唔少,但男仔去食可能要額外加個白飯 (所有菜式唔會跟薯菜、飯、意粉)先會夠飽。點咗個熱桂花薑茶,幾好飲,加上呢種情調更令人放鬆。 職員服務非常好,會好注意每枱客人嘅需要,部份職員可能係葡國人(戴咗口罩以為佢係華人),所以餐廳需要用英語交談。 但接待嘅男經理應該係本地人,所以可以講廣東話。整體嚟講,餐廳係唔錯又安靜,係地點比較難搵,對遊客嚟講,需要搭的士或者搵架巴士先可以到呢度。
餐廳裝修好簡樸,燈光昏暗,有情調氣氛 (如果加埋蠟燭會更正),當時我哋早到,所以未有客人,原來嚟呢度食飯嘅人,多數都會打電話預約訂枱,好少我哋呢款walk-in客。
原本以為係一間好貴嘅餐廳,但睇餐牌後發現價格親民,女仔嘅話份量係啱啱好,唔多唔少,但男仔去食可能要額外加個白飯 (所有菜式唔會跟薯菜、飯、意粉)先會夠飽。點咗個熱桂花薑茶,幾好飲,加上呢種情調更令人放鬆。
職員服務非常好,會好注意每枱客人嘅需要,部份職員可能係葡國人(戴咗口罩以為佢係華人),所以餐廳需要用英語交談。 但接待嘅男經理應該係本地人,所以可以講廣東話。
整體嚟講,餐廳係唔錯又安靜,係地點比較難搵,對遊客嚟講,需要搭的士或者搵架巴士先可以到呢度。
Post