日吧美食

Open Now

Now Closed

由關閘落車，誤打誤撞行到去黑沙環附近，呢區屬於工業區，好多工廠大廈，感覺好似去咗新蒲崗咁。 因為離旅遊區相當遠，周圍嘅食店唔多，透過Google搵到呢間坐落響住宅區嘅區神父街，對住聖保祿學校嘅一間Fusion餐廳。餐廳裝修好簡樸，燈光昏暗，有情調氣氛 (如果加埋蠟燭會更正)，當時我哋早到，所以未有客人，原來嚟呢度食飯嘅人，多數都會打電話預約訂枱，好少我哋呢款walk-in客。原本以為係一間好貴嘅餐廳，但睇餐牌後發現價格親民，女仔嘅話份量係啱啱好，唔多唔少，但男仔去食可能要額外加個白飯 (所有菜式唔會跟薯菜、飯、意粉)先會夠飽。點咗個熱桂花薑茶，幾好飲，加上呢種情調更令人放鬆。 職員服務非常好，會好注意每枱客人嘅需要，部份職員可能係葡國人(戴咗口罩以為佢係華人)，所以餐廳需要用英語交談。 但接待嘅男經理應該係本地人，所以可以講廣東話。整體嚟講，餐廳係唔錯又安靜，係地點比較難搵，對遊客嚟講，需要搭的士或者搵架巴士先可以到呢度。

之前睇到介紹已經想試，今日去開黑沙環就搵下。位置~對於生活於氹仔路環嘅我，呢間餐廳非常偏僻兼難搵。在舊區嘅工業大厦群中再轉入小路，見到一間完全不起眼嘅舖頭，就係呢度啦。雖然偏僻，但好滿座，即係代表唔差啦～地方唔大，澳門餐廳黎講叫做比較迫lunch set menu選擇不多也不少，大概3，4款烏冬拉麵+3，4款飯，每款都是$100內，另有一個週年慶套餐，只限假日提供。。。我相信我會搵個週末去試埋。我選擇左和牛溫泉蛋飯餐由沙律到湯到飯。。。真係冇得彈首先，沙律嘅菜係佢地自家種植，真係好新鮮好味道。之後，係面鼓湯，平時我唔太鐘意飲，但呢個湯唔係太咸我竟然飲哂。最後係主角:飯，牛肉冇乜特別，蛋流心做得不錯，飯係最好味，每粒飯沾住粒粒唔知係芝麻定其他，但真係好味最後，俾錢奉上免費甜品，係一夥雪芭（好似細雞蛋咁），好清新，少少草味又少少甜味。。。（張相upload 唔到）離開時又要搵車啦…因為嗰度叫的士都難

店名「Japas」，是 Japanese + Tapas 的意思，主打食用日本食材入饌的西式套餐，環境挺浪漫幽靜。晚餐分別人均 MOP$380，MOP$550，MOP$880 三款套餐，豐儉由人 (我以下是 $880 的套餐，吃完後是非常飽，一般食量的建議可選擇便宜一點的 set )。 頭盤小吃是送贈的，「墨汁泡芙 / 蟹肉土豆絲 / 紅酒果凍配鵝肝車厘子西米脆片」 我最喜歡後者，酸酸咪咪，一口一個，脆片不是普通米通，用上浸透西米去焗，還是第一趟吃到。 前菜「昆布醋漬鱵魚 / 鱵魚天婦羅」，三小片魚肉，起肉後的骨就連頭炸到脆卜卜，好下酒。 「自家種植冰菜沙律配香草雪梨醋汁」，即摘的新鮮冰菜，沙律汁用上提子油、柚子汁、韓國糖調配，看得出廚師的執著，菜即收割即食可以話係不能再有更新鮮，灑上米通就加強了口感。 「帶子薄片、黑松露、柚子醋汁」，刺身級數帶子，刨上大量黑松露片，重點是很捨得： 「日本生蠔配三文魚子、紫蘇醋汁」，不時不食，今天用北海道生蠔，吃前會來一場視覺享受： 蠔爽身，三文魚子的鹹香起了吊味的作用，配醋汁是完全不腥。 像藝術品一般的「牡丹蝦俄羅斯黃金魚子醬