凱撒餐廳 (氹仔舊城區) (Closed)

-位置理想，近官也街，行3分鐘就到-門口有Menu，明碼實價(附近有好幾間葡國菜唔寫價錢)-態度友善，有招呼-樣樣都好食(葡國菜偏向濃味，睇你自己鍾唔鍾意，我覺得係好味嘅) -推介蘋果羊奶芝士-有個乾淨舒適嘅洗手間

嚟到澳門就想食葡國菜，雖然冇book枱，但仍有位，餐廳有特式瓷磚掛在牆上，同有紅酒和一幅似係葡萄園嘅大掛畫，感覺都有啲葡國feel!餐牌有好多款菜式，我地揀左🦐葡式海鮮燉飯，海鮮好新鮮，唔會煮到過老，個湯似係用蝦殼熬製，好有鮮味，配埋燉飯一流👍，雖然我唔係芫荽控，但加埋芫荽又有另一種味道層次。🐷烤乳豬配黑椒汁，個皮好脆，肉質嫩滑，個人認為唔加黑椒汁都好好味，建議大家一擺上枱就快啲食，因為店員話放得耐塊皮會冇咁脆。🥔薯絲馬介休炒蛋，味道好豐富，好香蛋味，可能係薯仔同埋炸，食耐左都覺好飽同有啲漏，我自己唔太鍾意食黑橄欖，建議大家食埋，咁應該可能冇咁漏😅。另外叫咗杯鮮檸檬汁，覺得冇咩特別，都係一杯檸檬水😅冇驚喜，朋友叫左葡國啤酒，佢話味道都ok！總結：整體都滿意，值得推介👍

環境唔錯的一間葡國菜，價錢都好相宜食物質素好好，燒乳豬皮脆肉又嫩又冧，必食之選！薯蓉青菜湯好香濃👍🏻👍🏻葡腸炒蛋加左蘆筍冇咁單調，中和番葡腸既肥膩整體而言十分推薦！比起波爾圖及安東尼等名店更抵食及更值得試！😋

位置有點遠離市區，但都一定要Book位。食物質素很高，好多都想試。白酒煮蜆 - 完全停唔到，鮮，冇沙。大推海鮮飯 - 上枱賣相一般，都覺得係伏。但食第一啖已經開眼，本身唔係飯桶，但都食左4碗🤭奶酪 - 不喜甜食，但朋友表示很OK。Beck Beer - 正！唔覺唔覺飲左幾支。是日朋友生日，訂枱時有講明，所以送咗一件Brownie ❤️仲附送生日歌一首。正都呢～～呢間真係每次黎都食一次，期待下次試新嘢。。

在OpenRice 見到有好食評，便打算試試。因為原先打算同小朋友去，所以想坐得舒服點，才選了這間，最後小朋友沒去，只有兩公婆食，叫了三四個菜式1.炸馬介休球炸皮是韌的，工夫有點差。2. 海鮮意粉蟹肉是梅的，整個意粉水汪汪，沒有味道。3. 炸乳豬大約$180，只有三小件，而且十分油膩，全都是肥膏，得難吃。4. 南瓜湯完全沒有調味，好似baby food 的味道😂，我一喝跟我老公對眼，大笑了出黎，因為真係好似平時個女食的baby food😂😂😂真係好難食😂是我在澳門吃過最難吃的葡餐。兩位吃了大約$500，就算坐得舒服，但食物太難食，一定唔會再黎👎🏻

Visited restaurant on July 29th for dinner, Floor manager missed our advanced booking on the website, that's fine, we still got our table. Ordered three main courses：grill octopus, pork and clam stew, seafood with rice.Commentsinner turned out with burnt octopus; "Watery" pork clam stew and stinky tamboril (fish) in rice with Ammonia smell. When asked, floor manager told us main chef is on leave, only acting chef is available, no wonder food taste isn't like before and becomes so terrible. We ne

之前男朋友話未食過葡國菜，所以上網搵餐廳，意外發現呢間餐廳原來係我以前大學同學做行政總廚，所以去試吓味🤣今日係母親節正日，所以一早訂咗位，7點都未有太多人，好彩，上菜都好快，之後就越嚟越多人，餐廳乾淨企理，而且服務都ok。之後我哋點咗八爪魚沙律，食得岀用料新鮮然後就係海鮮飯，海鮮仲多過risotto 🤣，雖然顏色不太吸引，但入口係好濃郁海鮮湯味👍🏻最後就係脆皮豬，但略嫌有豬騷味，不過驚喜係做到皮脆之餘，仲係入口溶化種口感叫咗一杯橙汁，一枝水，埋單都係600蚊有找，我哋兩個都覺得物超所值👍🏻👍🏻

朋友生日🎂同佢去左澳門🇲🇴快閃見到呢間葡國菜餐廳🍴好似幾好食所以就揀咗呢間食晚飯叫左個燒馬介休，好有驚喜！外脆內軟！肉質超滑😻👍🏻👍🏻👍🏻跟住，我哋再叫了海鮮燴飯(2人前)都好岀色好濃嘅海鮮湯，加埋啲飯食，味道岩岩好，五咸！yummy☺️我哋仲叫左碟乳豬個皮都好脆😌至於飲品方面，我哋叫左2杯水果酒(紅酒)🍷好易入口，好好飲🥰最後，點少得甜品呢😆餐廳送上生日甜品🍰同我哋叫左個燉雪梨🍐雪糕🍦整睇嚟話，餐廳氣氛好好！食物都好岀色！我會再反過來食😋😋😋服務又周度😊我朋友都大讚😆佢好滿意今次嘅生日晚飯❤️

一入門口已經感受到店家嘅熱情，有家庭式嘅溫暖。🐟馬介休球配眉豆沙律，係我食過最好味嘅炸馬介休球，薄薄一層嘅炸皮，好light一啲都唔油膩，入面嘅馬介休薯蓉好綿密，唔會過鹹。眉豆沙律酸酸哋好清新開胃。「葡式三文治」，呢個喺我去葡萄牙波圖旅行時，喺當地餐廳經常見到嘅菜式，兩塊多士夾住牛扒、火腿、上面再加芝士同「戴咗頂帽」太陽蛋，再配一個可以自選辣度嘅茄汁。真係好飽肚鴨肉飯超足料，非常多鴨肉絲，而且好嫰，味道好葡式，飯粒粒分明。啤酒廿幾蚊一杯，仲平過凍檸茶🤣唔啤一啤真係對唔住自己。

疫情已經三年有黎澳門 今次為咗慶祝男朋友生日 特別訂座呢間餐廳 一早去到我地唔太肚餓 問店員選了支靚紅酒 再點了24moth 嘅黑毛豬火腿 入口溶化 跟紅酒好對配 跟住點了燒馬介休 同沙律 同樣出色 ,最後仲為我們唱生日歌送了生日蛋糕 真係好開心 食物份量比較大 適合三五知己分享 餐廳又夠氣氛

小食拼盤物超所值，非洲雞非常好食。價錢更令人感到驚喜地便宜（包括每人一杯house red）不過必須預先訂位（基本上冇可能walkin 的），但訂位非常容易辦妥。店員均為葡萄牙人，要有講英文的心理準備。

波爾圖食到悶 上op search下氹仔有咩葡國菜食睇左幾間 呢間係其中一間心水之一 搵左一陣 原來喺莫義記行前少少就係 一入去坐底 waiter已經serves你 再望望餐牌 價錢唔貴叫左杯黑啤先 夠香滑 好飲過健×士再叫左個羊奶肶 少少奶so味 甜甜地 幾香口 海鮮飯 同芫荽好夾仲有個豬ribs 煎得啱啱好 唔會鞋總結：暫時食過好食嘅葡國菜之一 性價比唔錯 會返轉頭再食 好過食×偶 嗰啲名氣大伏味濃嘅餐廳唯一唔好就可能落左味精重,食完去賭嘅時候要飲水

澳門有好多葡菜，所以次次食梗係問澳門同事啦。今次佢地叫我試哩間，又指定左食咩，佢地話每間葡菜都有幾樣必食既。今次哩間係環境優雅，可能係平日所以無咩人。佢既餐牌都有好多選擇，不過就得字無圖睇，甘就跟同事話個幾樣啦。黑毛豬仔柳波菜豬仔柳好軟，好香炭燒味，佢既肥度剛剛好唔會太濟。波菜好重牛油cream 味，好好食。招牌多士佢係一塊大面包，中間夾左一塊火腿，一塊牛扒，一塊芝士，好rich, 好豐富，好好味，好special.哩個係Porto 名菜。葡式乳豬同其他餐廳都差唔多，佢配個薯片食，係新鮮薯仔切成既馬交丘焗薯容超好味，佢係打碎d 魚，撈埋薯容，勁香牛油味，佢加左cream 去焗，好飽但仲想食焦糖布丁Ok, 唔太甜，同好滑朱古力mousse 偏甜，始終外國人偏重甜味！

剛開業時試過，食物不錯而且有驚喜。這次朋友與家人從香港來，帶他們去順道慶祝生日。吃了白酒蒜蓉蜆，蜆很新鮮，汁可以點麵包。頭盤仲有蜜糖蘋果羊奶芝士卷，好好味！蘇蘇地甜甜地，當甜品吃都得，其他餐廳未食過。主菜點了燒乳豬，配上我喜歡的黑椒汁，味道不錯，但份量不算大，4人分剛剛好，可以留肚試其他東西，如果多人就最好叫兩份。還有，焗馬介休和上次吃過再ENCORE的八爪鱼配番茄飯。八爪鱼是炸的，有點像天婦羅但並不油膩，八爪鱼鬆軟彈牙，番茄飯酸酸的很開胃。甜品葡撻和木糠布甸，都是自家制，木糠布甸好CREAMY。吃得飽飽地，仲可以喺氹仔舊城裡面散散步。