Mgm

Open Now

Now Closed

今日為興祝生日，又想食生蠔，於是又揀咗MGM入面另一間叫ROSSIO餐廳食自助餐食物多種類: 熱盤我一向少食，但都唔少種類。都有十多款。另有原條燒三文魚同燒五花腩（我無試）及燒雞（肉比較硬同"鞋"，可能用雪雞嘅關係)。自選SALAD, 重好肥美甘香嘅PARMA HAM襯托，非常正。海鮮: 即開生蠔（細隻，似係澳洲一帶，非常鮮美），長腳蟹（我最愛，不過海水味重，偏鹹咗少少），海蝦（有鮮味），另外有蜆及翡翠螺（我無試）。日式食物: 都係例排嘅幾款魚生同SUSHI，呢個SECTION未有驚喜。甜品: 自制雪糕十多款，好好味。多種甜品，非常正。

上星期四一心想試MGM寶雅座逢周四嘅海鮮盛宴，本以為五星服務，但食到一肚氣！講明係盛宴，亦聽聞無限供應新鮮海鮮，包括生蠔，長腳蟹，龍蝦, 蟹等。 結果喺，除咗第一次個SEAFOOD PLATTER係FILL滿晒之外，成晚食都係要叫先有人比兩隻咁。我地有四個人，就係分得一人一兩隻生蠔。叫蠔，就話多人要等開，結果睇到開咗又比晒D熟人。蟹腳唔叫都唔比。龍蝦係有比咗兩次。老實講: 蠔同長腳蟹都新鮮甜美，龍蝦同海蝦及蟹都算OK啦，但其他就係得一D唔係咁新鮮嘅東風螺 (我食咗兩隻都有味的)，同埋好淡味嘅嘅青口。