南翔饅頭店 (Closed)

前一陣兒去了澳門銀河酒店，發現有一條行人天橋直達百老匯大街，路程只需數分鐘。在誤打唔撞的情況下去了南翔饅頭店，點了上海生煎包3件 (HKD28) ，勝價比高👍🏻底脆皮薄，滴湯不漏，餡鮮多汁，香而不膩！太幸福了😋下次去澳門一定再去吃！

同外父外母一齊去梳打埠玩，住百老滙酒店，呢度d建築群好似帶你返左上海灘個年代，樓下有條食街，由我發板試下岳父大人最喜愛的上海小籠包。入到南翔饅頭店，叫左一籠小鮮肉、一籠蟹粉。小籠包果然有水準，你睇d湯响個包入面𠺘𠺘下，汁多到當湯飲，而且個湯仲係熱到盪口！皮薄唔易穿，確係小籠包至高境界！可惜蟹粉鮮味不足，真係食唔出同鮮肉有咩分別。再黎上海炒飯同埋菜肉大餛飩，炒飯用左豬腩肉砌成小片，令炒飯更惹味，但略嫌唔夠乾身。大餛飩苟菜香氣四溢，而且餡料夠飽滿，配紫菜湯味道非常夾。

南翔饅頭店 ～ 位於氹仔百老匯大街。吸引我嚟食嘅...係佢嗰個超大個既蟹黃灌湯包！Size 大到可以用飲管去飲湯包裡面啲湯！價錢係MOP48一個。我哋叫咗兩個。其次，我同朋友都 order 咗一個酸辣湯、一客六個既鮮肉小籠包、一碗火腿嫩雞煨麵、同一碟上海粗炒！個人覺得個煨麵同酸辣湯就麻麻地...味道一般！其餘既包點同上海粗炒就做得不錯！如果持有..有效既賭場 Galaxy (Basic) Card 「可以係賭場免費申請」，仲有额外節扣優惠！

今次澳門之旅入住左百老匯酒店，晚上去拼搏完一輪後，有小小肚餓，好彩百老匯酒店樓下就係一條百老匯大街，當中有好多間小店，比你夜晚覺得肚餓可以好方便去醫下肚，我地選擇左呢間南翔饅頭店試下佢地既食物多數都係上海野食，有小籠包，生剪包，上海粗炒，酸辣湯等等可以選擇坐岀去店鋪外食，氣氛不錯！食飽後又可以再去搏殺啦

去澳門飲飲食食，食得太多太heavy, 諗住食少d先返酒店，嚟咗百老匯大街呢間食小籠包。餐牌上有幾款小籠包選擇，揀咗蟹肉小籠包，78蚊。包內嘅湯都好甜，皮都算薄，冇厚疊疊嘅感覺; 不過就真係一d都唔覺係蟹肉餡，完全食唔出。普通小籠包賣55蚊，平23蚊架，早知就order 普通就得啦!上海粗炒，超多油，味道算okay , 唔會好鹹，少d油會好d。豆漿微甜，有豆香，值得一試。整體員工服務都可以，只有一位態度好差，拖低整體員工服務表現。

見到佢有極力推介蟹粉小籠包 唯有點一籠啦 來到面前的時候 我嚇了一跳 以為店員送錯了普通小籠包 一試味道 又真的跟普通小籠包一樣 就是油一些 而且要88蚊 個人是覺得有點貴啦 店舖實在是沒什麼特別的菜色 就是方便進去吃一吃 然後離開 ps就是員工態度很誠懇

晚間去咗百老匯食南翔蟹肉小籠包。該處可選室內或室外。我點咗$68蟹肉小籠包。只得6只。食店可供客人在桌上食別家食品。因為百老匯係一條食街。各租戶都好通容。等咗約十分鐘才有得食。咬落去我真係食唔出有蟹肉成份。個門面裝修非常好。