皇宮海鮮舫

Open Now

Now Closed

外表好像曾經屹立在香港的珍寶海鮮舫⛴️，設計還有水包圍着像真度更高呢！雖然風味感覺不及香港，但打卡緬懷一下也是不錯的，可惜當日係陰天，不是的話拍照會更好看。外觀古式古香，內裡裝潢也很貴麗，天花掛有水晶燈，也有卡位位置。這次不太餓，所以點了個九宮格點心拼盤，每款點心有一件，可以多嚐不同款式，另外點了個炸鮮奶，整體食物味道正常發揮。

事隔三年重遊澳門，住喺新開嘅老佛爺酒店，經過西門行出去斜對面就係澳門葡京人酒店，皇宮海鮮舫就係旗下嘅中餐廳。可能地理位置關係，人不多，但無損其華麗氣派嘅裝修，環境高尚而不焗促，枱與枱之間都有一定距離，感覺到其定位係相對高級。三個人點了懷舊蝦多士、紅米脆皮腸粉、叉燒包、山竹牛肉球、肉絲炒麵、古法馬拉糕及桂花馬豆糕。蝦多士除左蝦膠仲見原隻蝦，香口而不會滿口油，蝦膠彈牙有鮮味；腸米外軟內腸，餡料豐富；叉燒包皮香餡多，叉燒肥瘦適中；牛肉球相比之下較為失色，牛肉似乎落了很多鬆肉粉，已經無味；肉絲炒麵驚艷，比香港大酒樓出色；馬拉糕好香，新鮮熱辣又香軟；馬豆糕好香馬豆味，桂花味反而軟淡。澳門飲茶質素比香港大部分茶樓好，價錢更比香港相宜。

應該都算是新開的，我見都未有人寫食評。一睇就好似我哋香港之前嘅華紡，上到二樓，地方好闊，坐得好舒服，不過卡座太軟起身有點困難。食物有好多懷舊點心，好味。但系伙記吾多，未必立即有人回應你。