沙度娜

Open Now

Now Closed

今次去澳門最想回味就係木糠布甸，網上就這一家店的特別好吃，所以特意來嘗試。放在門外的有兩款選擇，放在雪櫃的木糠布甸有雪糕的感覺（$28），而放在冷櫃入面的就有慕絲的感覺（$25）。上一次來澳門的時候吃了一個木糠蛋糕十分好吃，所以今次再來澳門決定要再回味一番，我選擇了放在雪櫃的木糠布甸，他替我打開的時候已經有很多結了冰的雪花在門邊，感覺放了很久，然後吃的時候覺得應該像雪糕的感覺，但起落去只有重重的奶油味，跟之前的口感不太一樣，太失望了。總結：$28的價錢買了一個這麼細小的木糠布甸，而沒有特別的口感，性價比低，並不推薦特意去品嚐。

「沙度娜」聽落好似人名，但其實係木糠布甸嘅葡文譯音，顧名思義，即係講緊專門賣木糠布甸嘅舖頭，當然除左木糠布甸，佢亦都有供應其他既地道特色甜點，但始終比唔上木糠布甸既光環。每次黎澳門，我都一定會買返杯布甸嘆下，食起上黎感覺仲軟過雪糕，而且好綿密～面頭其實係磨到好似木糠咁嘅餅碎，而布甸本身都幾creamy，幼滑軟綿嘅質感，如果再凍啲就會更加正。重點係佢嘅價錢既合理又平民，13蚊就食到嘅快樂，唔係唔食呀～

木糠布甸是筆者喜愛的甜點之一，每次途經官也街，也必定走訪沙度娜一趟享用一客甜品。 沙度娜店內沒有多餘的裝潢，只放有三四個凍櫃，內𥚃放滿各式米糠布甸與蛋糕。 這杯三色木糠布甸，一杯有齊三款口味，層次豐富。最面層是軟滑的木糠布甸，帶有最原始的味道。中層是芒果啫喱，甜中帶酸，質感相對實身，果味濃。最底層是藍莓布甸，比一般木糠布甸明顯多了一份果香，同樣可口。 對於貪新鮮的朋友，不妨試試這款三色口味，讚！

我地揀左《沙度娜》為第一日既旅程作結，除左因為晚餐係官也街之外，亦因爲我地2個都對呢度既木糠布甸雪糕有思念之情！仲好記得佢係比較早收舖，所以我地一食完Dinner就急急腳衝左黎（食飽都行得咁快，完全係美食既推動力）舖面依舊放左2個凍櫃放滿木糠布甸既，左手面果個係我地既目標，放既係木糠布甸雪糕，右手邊果個就係純正既木糠布甸啦，而我地咁多次黎都係試木糠布甸雪糕果隻，仲要次次都係原味添！（儘管佢有不下12種既味道）可想而知，原味既木糠布甸雪糕係幾咁好味1）原味木糠布甸雪糕 ： ⭐️⭐️⭐️⭐️⭐️呢杯雪糕口感同味道一流！真係好得嫁味道：充滿雲呢拿既香味同味道，而餅乾碎中和左佢部分甜味，令佢唔會過甜，味道適中，容易入口口感：最得分既地方就係口感啦，啲Cream雪凍成雪糕質地，食落比真正既雪糕更滑更幼細，更容易融係口，基本上一放入口就即溶，加上佢個餅乾碎打到好碎，成粉狀，除左唔會起粒影響雪糕滑滑既口感，更令佢多一種口感點綴添！#忠於原味#忠於自己所選的#專一的我倆#選定了絕不放手#開心既第一日

未食午餐前經過見到呢間小店嘅木糠布甸已經心之眼勁想試😍飯後特登行返轉頭買左一個中size嘅xo木糠布甸蛋糕💕(全因鐘意xo先買😂)同埋一個個名幾新奇趣致火焰木糠布甸~火焰木糠布甸係即買即食嘅🤔個樣唔係話特別靚，不過食落又ok wo~面層硬硬地，甜甜地暖暖地，下層cream順滑👍🏿但係有一點唔太好，因為面層脆硬，食起上嚟有啲麻煩，會整到周圍都係🤔夜晚返到酒店之後，終於試食xo木糠布甸蛋糕🖤個蛋糕兩個人食都夠曬飽肚，面頭嗰啲曲奇碎好好味，底層就好軟滑🤤$40一個黎講，超級抵食❤️最緊要係有我鐘意嘅公仔樣喺蛋糕面頭😗😛大家得閒經過不妨試下啦🤣(仲有好多其他公仔🤤🤤)

是咁的，我地一早就Plan左去沙度娜嫁啦，去尋回我地最初嘗到木糠布甸既感動！到而家我仲記得上年第1次太夜去到結果屈小姐食唔到果個失望樣 同埋 之後第二日食到既開心樣！今次番黎，梗係要再食啦！佢舖頭除左蛋糕之外，仲有2個櫃，分別放左木糠布甸同木糠布甸雪糕，可愛既屈小姐問賴生食邊隻好呀？賴生用口感同味道答佢⋯果隻食落一層層，好似雪糕口感果隻呢？你上次好鍾意食嫁屈小姐就滿心歡喜同個店員講 ： 唔該一杯木糠布甸雪糕，要原味既！賴生就頓時發現一個秘密，就係原來屈小姐一早諗左食乜 (不過其實連屈小姐都唔知自己心底既preference，次次都要賴生先解讀到 咁就唔駛屈小姐糾結咁耐啦 而且好彩賴生都好順得人~ 食咩都得)木糠布甸雪糕 （5星）- 極細緻既口感，一層餅碎一層既雲呢拿雪糕咁，逐層逐層係口入面融化！一層硬一層軟！好正- 餅碎仲可以中和個甜味，唔會太甜#食甜品既妳格外迷人#讓我們一起將感動和幸福一直延續

軟食的木糠布丁，口感像慕斯，較甜。可能硬食會好些？表面撒巧克力粉，底部有餅乾屑。雖然個人不喜歡餅乾味道，但增添了食用時的層次感。應快些食，易化。買的時候也一直有本地人模樣的人來食。較推薦。

有時候，我們喜歡漫步。雖然有專車接送，但這一次我們選擇從酒店步行至去官也街。途中見到這間有名氣的甜點小店「沙度娜」，其中招牌木糠布甸吸引了貪吃的我倆。未到官也街掃街，便先來一小杯原味木糠布甸嚐嚐。布甸底不會太甜，但似乎雪久了，未夠軟綿。面層餅碎倒是打得阿幼細均勻。整體來說是及格的，如果再次路過，再試無妨。但未至於好吃得令人特地回頭。

到訪澳門觀賞子華表現，下午順道早點到氹仔舊城區一帶閒逛。在吃午餐前，第一間出現的 onlist 美食就是沙度娜的木糠布甸。正餐甜品的進食次序對小弟分別不大，先來一杯原味木糠布甸作為澳門之旅的頭炮。木糠布甸口感軟硬適中，而且幾滑，面上的木糠碎亦見幼細香口，係幾好食嘅！

19-4-2013 (Fri)傍晚,同男友食完譚家魚翅後,繼續掃街,而我堅決要搵到呢間食好多特別味道o既木糠布甸,所以睇住地圖搵地堡街.終於發現佢喇,但佢毫不顯眼,稍為眼大一定會錯過. =.="我揀o左榴槤木糠布甸,男友揀藍莓流心布甸,呢兩個都係MOP16.00,男友再加個MOP15.00o既原味冰火布甸.原味冰火布甸要等佢整,等到喇,我o地終於有得食.我先食我o既榴槤木糠布甸,榴槤味幾香又唔太甜,面層o既木糠'粉'好細滑.然後試男友o既藍莓流心布甸,藍莓味唔太濃,食好耐都未食到中間流心餡,終於食到,只係好細撮o既朱古力流心,朱古力唔太甜,o岩o岩好.最後食原味冰火布甸,被燒過o既面層蛋白又暖又脆,食到入面凍凍地咁,幾得意,口感又豐富.而以上全部都係硬布甸,係可以慢慢歎,不過如果睇到我描述環境,就知我o地點樣食,咁樣我就唔敢慢慢食啦.服務:好一般,我o地買完晒都唔自動畀膠匙我o地,我咁o岩有個女仔訂布甸,但都唔係唔自動畀,要人問至畀o掛?而且我o地坐o係間舖食o既時候,一班學生o黎買,佢就識問人o地要軟定硬,冇問我同男友,攪到我o地冇食埋軟o既口味,呢樣唔係好得,我覺得佢o地存心賺遊客

來到澳門, 很多人都會食木糠布甸, 講到木糠布甸, 沙度娜可謂是帶領食木糠布甸的潮流先驅. 雖然店舖不大, 但提供的木糠布甸款式也不少, 朱古力、士多啤梨、芒果等. 一杯木糠布甸小小哋, 最適合是作為飯後甜品. 木糠布甸口感有點像雪糕, 但又多了一些像蛋糕碎的木糠, 配以不同口味, 供不同客人選擇. 店舖亦提供size比較大的木糠布甸蛋糕供客人選購. 如果你從未嚐過木糠布甸, 便一定要來試試到底木糠布甸是什麼一回事!

上年吃了一次, 覺得這兒木糠布甸覺得很軟綿綿好creamy後來我朋友再去食之後講好硬...之後到我再去, 發現原來有軟同硬選擇我吃下去和上次一樣的感覺不過我比較喜歡原味, 覺得藍莓味唔多特別本來想食雪葩, 但見到好多雪, 怕怕

九月五日(星期三)晚上，從銀河酒店搭車過來氹仔，吃過了一頓晚餐，就來到了沙度娜每次到澳門，也會到沙度娜一趟，因為有架架妹最愛吃的Oreo木糠布甸基本上，用Oreo做的甜品都會喜歡晚上的沙度娜，客人稀少，但款式仍充足Oreo味木糠布甸上面的Oreo碎粉十分多，但略嫌餅太碎，失了一點口感如果換來大小不一的餅碎，層次感應會更好布甸的質地由於雪得太久，質地甚至比雪糕更硬，要放涼一會才能吃木糠布甸，也是九如坊做得較有水準不過比這裡貴多了，賣六十多元一件呢

見朋友買了個芒果雪芭, 我都忍不住口買了個 ($14)吃落真的好好味!! 好有芒果味, 正!!即昤涼快十分, 而且雪得很好, 不會很快溶, 可慢慢enjoy!好像在吃芒果!!!!不過又真的挺貴

晚上乘9時那班船返香港, 怎麽樣也要買手信送給其餘兩隻小熊, 杏仁餅豬肉乾這些較行貨的手信始終小孩不愛, 愛就愛些有家鄉風味, 味道最正宗嘅木糠布甸買了幾個原味木糠布甸, 同店員講要拎番香港, 佢就介紹兩種冰袋, 最貴都唔洗$20, 保冷能力有4小時。 店員話返到屋企雪返硬就得, 就算唔雪都只不過係溶到似mousse咁, 後來發現冰袋係唔包冰種, 要埋就俾多$3咁保冷能力就達到6小時。番到屋企已經是3個多小時後, 再把木糠布甸雪過夜, 第二天發現...咦......布甸依然好堅挺, 一點溶化過的跡象也沒有Made in Macau 兼成份天然, 有淡忌廉、煉奶、雲呢嗱油、餅乾碎原本質地真係好硬, 如果當雪糕咁食, 與雪糕比較又好似欠缺一些感覺, 還是放在枱上待軟......時間唔知過咗幾耐....放一啖入口, 還是有點點冰在口裏, 質感已變得輕盈, 淡忌廉的味道充斥着味蕾, 微甜；餅乾碎很微細幼滑, 但也會吃得出餅乾香氣, 兩種味道並存, 妥貼到實在難得當然每一個人包括自己都非常「LIKE」這份手信