濱味

Open Now

Now Closed

呢間位於司打口前地附近越式外賣店 濱味 ，主要提供法式麵包、糯米飯、撈濛以及越式飲品為主，而家仲有幾個套餐選擇。入去叫外賣時發現前面兩個客人都係同店家用越南話落單傾計，短暫一刻覺得好似去左當地咁😂，口味和種類雖不多，勝在環境氣氛味道幾正宗。▼招牌濱味 走辣 / 加煎蛋 $36串燒濱味 走辣 $32糯米飯 $30▼#招牌濱味 包含札肉、紅蘿蔔綜🥕、醃白蘿蔔絲、芫荽、蔥絲等，再加個煎蛋，辣度都可以選擇，另一款 #串燒濱味 內含串燒肉，而其他配料都一樣。.麵包幾大份，外香脆內軟，配料醬汁加起身食落酸酸甜甜，清新開胃，一個人食晒幾飽，勝在唔會膩，有驚喜，前者可能有啲肥肉，個人口味來講更喜歡後者，想食包記得早啲叫，兩次太晏來無晒貨。糯米飯微辣，配料有札肉絲、肉鬆、鵪鶉蛋、蔥花和花生碎等，糯米飯同平時屋企煲既差不多，口感軟糯，外賣番去仲暖暖地，加左一系列越式配料，每啖都足味，綜合味道更豐富，第一次試越式糯米飯幾得意。