葡景軒

Open Now

Now Closed

澳門雖然細細地嘅一個地方，但係都有好多好嘢食好似水蟹粥、特色葡撻雞蛋仔、豬扒包，但係唔少得嘅梗係要食返一餐葡國菜。呢一間餐廳嘅環境非常高雅，先揀咗炙烤馬介休，雖然底層有橄欖油，但係整體感覺唔會太油膩魚肉都好滑。葡式雜錦海鮮扁麵海鮮仲多過面！食落去全部都係海鮮嘅鮮甜味，特別係魷魚嘅口感特別爽口彈牙。豬肋排醬汁唔會太濃，真係唔夠先再自己沾醬汁，旁邊仲有熱辣辣嘅番薯條添。蘆筍湯亦都係比較少見，喺香港都幾乎冇飲過，味道比較清新，充滿着蔬菜嘅香氣。重頭戲當然唔少得呢一個葡式脆皮焦糖雞蛋布丁，真係有澎湃嘅火焰效果，焦糖薄薄地一層，配上滑捋捋嘅雞蛋布丁超正。