73
11
9
Level2
7
0
一肚氣加非常失望嘅晚餐
2010-04-07 113 views
剛過去復活節一家8大1細去禮記食晚飯，因怕無位已於10日前訂位，而接電話嗰位先生表示特別菜式須要預留，經嗰位先生介紹下我就預留足8-10位用雞煲中勾翅$1,100及芋鴨$2XX。點知當晚7點05分去到(我預約時間係7點30分)，坐低之後因為家人不十分餓，所以就問下可唔可以將個翅改細D(6-8位用)，但係侍應問完回覆我哋個翅已經整咗無得改，咁我就算啦! 點多幾個小菜叫佢上菜，點知等咗45分鐘都無嘢食，我就問個女部長又話個翅整好咗點解重未上菜，於是佢話追下廚房，我哋再等咗10分鐘，再追佢涷蝦應該已經一早整定架，點解等咁耐都唔比我呢?佢先上比我哋，第二碟上菜，我係叫蒜茸炒菜芯，嚟到係清炒菜芯(蒜茸都搵唔到粒)，都算哪!退返比佢都唔知幾時至有得食，之後再上奶油津白同、蟹盒(賣相差同涷又係一早整定)，無耐有個侍應同我哋講，我哋一早叫嘅醉雞賣晒，我哋都無話佢改禮記小炒皇，再跟住上左碟炸物，細問之下佢話係芋茸卷，我同佢講我係訂芋鴨叫佢拎走，跟住個女部長過嚟佢話係跟柯打做唔會錯(我都唔知有呢道菜有咩可能我會識預留最重要係呢個又唔係咩特別菜式點會須要預留呀!離譜到無嘢話佢!) ，結果芋鴨無得食都算! 叫
Read full review
剛過去復活節一家8大1細去禮記食晚飯，因怕無位已於10日前訂位，而接電話嗰位先生表示特別菜式須要預留，經嗰位先生介紹下我就預留足8-10位用雞煲中勾翅$1,100及芋鴨$2XX。點知當晚7點05分去到(我預約時間係7點30分)，坐低之後因為家人不十分餓，所以就問下可唔可以將個翅改細D(6-8位用)，但係侍應問完回覆我哋個翅已經整咗無得改，咁我就算啦! 點多幾個小菜叫佢上菜，點知等咗45分鐘都無嘢食，我就問個女部長又話個翅整好咗點解重未上菜，於是佢話追下廚房，我哋再等咗10分鐘，
再追佢涷蝦應該已經一早整定架，點解等咁耐都唔比我呢?佢先上比我哋，第二碟上菜，我係叫蒜茸炒菜芯，嚟到係清炒菜芯(蒜茸都搵唔到粒)
，都算哪!退返比佢都唔知幾時至有得食，之後再上奶油津白同、
蟹盒(賣相差同涷又係一早整定)，無耐有個侍應同我哋講，我哋一早叫嘅醉雞賣晒，我哋都無話佢改禮記小炒皇，再跟住上左碟炸物，細問之下佢話係芋茸卷
，我同佢講我係訂芋鴨叫佢拎走，跟住個女部長過嚟佢話係跟柯打做唔會錯(我都唔知有呢道菜有咩可能我會識預留最重要係呢個又唔係咩特別菜式點會須要預留呀!離譜到無嘢話佢!)
，結果芋鴨無得食都算! 叫佢去廚房拎返嚟，等10分鐘後無影，再追佢至拎出嚟! 最後再等15分鐘個炒鮮奶到埋，賣相差都算哪! 味道根本就係炒蛋白，一D鮮奶味都無!差!差!差! 差不多8點幾個小炒皇都未見影，又要再追，再追咗個女部長幾次，都無影，等到9點幾個女部長走嚟問我哋D餸嚟齊未，我哋都好聲好氣同佢講欠小炒皇未到追左好多次哪!5分鐘後佢返嚟同我哋講話我哋之前無落單所以廚房無做，我家姐終於火起，勁大聲鬧佢，我叫你追咗咁多次，你成個鐘後話我無落單，你之前又同我講你已經幫我追過廚房好多次，咁我哋呢個幾鐘內追你咁多次即係你都無幫我追過哪! 你重想我比返張枱你，叫佢即刻死返碟餸出嚟，佢先收聲返去，再等10分鐘倒呢碟小炒皇先出現，
所謂"禮記小炒皇"真係不知所謂，佢只係用D西芹微粒、肉粒、紅蘿蔔粒、蝦乾粒及腰果粒炒埋一碟。我從未試過咁火咁食一餐飯，呢餐飯令我好後悔帶我D家人嚟食，令佢哋有個咁不愉快嘅澳門之旅。十分抱歉!!!
涷蝦 - 無特別
奶油腿茸津白 - 勁細碟，D腿茸要落足眼力至搵到
蒜草炒菜芯 - 變左清炒菜芯，只得10數條幼幼地唔多精神嘅菜芯
招牌菜蟹盒 - 預製品，無咩味又唔熱
雞煲中勾翅 - $1,100交咁嘅貨式，翅細梳重係唔值錢貨式，勁唔值
芋鴨變左芋茸卷 - 12粒收$98，好過去搶，炸芋茸包幾粒好似叉燒包D餡嘅肉粒，無特別又唔好食
招牌菜炒鮮奶 - 造假，食唔到奶味，只食到鞋口嘅蛋白同油。
禮記小炒皇 - 想食垃圾，可以試下
埋單 $1,8XX-
總結 : 如果錢多比人劏又想受下氣可以嚟試下
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2010-04-04