亞洲美食坊

Open Now

Now Closed

黎到澳門旅程的尾聲，臨上船前黎到亞洲美食坊用埋個package午餐贈券。呢度不折不扣係一個food court，加上大部份都係手執贈券的食客，其㠊冚程度可想而知。是日一共六款免費餐任君選擇，叫做有得揀，點都好過冇得揀。拿拿林叫左三款醫肚就算。先彈朕呢碗肥牛米線，肥牛名乎其實得個肥字，失敗！米線浸到過曬龍淋曬，失敗！蘿蔔湯d蘿蔔冇揀過有渣，失敗中嘅失敗！其餘兩味分別係野菜烏冬同埋榨菜蒸雞飯，同樣係是是旦旦求求其其咁，叫做填得飽個肚。呢一刻先至明白咩叫做「乘興而來，敗興而歸」的箇中道理，覺悟了便能一笑置之，輕裝上路外港碼頭，瀟瀟灑灑地返香港。