Video
Read full review
2015-01-02
6251 views
不停食食食，都未肚餓過！ 呢間在黑沙環餐廳！朋友話菜名好得意！我們訂了位，搭的士去到！普通小廚格局！門口有水缸養魚！入到地下一層住卡位，唔迫好闊落，牆上全部係菜色介紹！圖文並茂！餸名果然好得意！店員好快攞晒餐具同熱水比我們洗（仲好窩心比埋個夾防止燙手！）睇食譜都有啲難度，因為好多都唔知係乜嘢！好像估偈後語咁！而且大多數都寫住人少唔好叫（我哋三大一小，即係乜都唔使叫，不過有提示都幾窩心）有啲餸又寫明晚上10時後才供應！應該係招呼宵夜客！大家今日不停食！基本上都未肚餓過！最後終於決定到三個餸！鴛鴦鑲豬扒--有餡吉列豬扒，炸得香脆，芝士餡溶晒，好像流心一樣，好味！另一款係香草醬，有啲辣，味道都夾豬扒！肥髀就唔鐘意！送酒一流！三菇過大海--南瓜雕成船狀，盛載住雜菇！南瓜炆得淋，好像𢳂雪榚咁，好甜，菇類有秀珍菇、舞菇、仲有隻好長嘅菇，味道爽口，但敗筆係個醬汁，超咸，最後頂唔順盡量𢳂走啲醬汁先勉強食到！無厴雞籠--名稱好得意，翅湯雜瓜浸走地雞，奶白色湯清甜，切瓜索晒啲湯，好味！走地雞唔會好大隻，雞肉嫩滑！好味！食物唔錯，份量大碟，其實呢度適合一大班人來摸酒杯底！飲下啤酒，吹下水，店員好親切勤快，
睇食譜都有啲難度，因為好多都唔知係乜嘢！好像估偈後語咁！而且大多數都寫住人少唔好叫（我哋三大一小，即係乜都唔使叫，不過有提示都幾窩心）有啲餸又寫明晚上10時後才供應！應該係招呼宵夜客！大家今日不停食！基本上都未肚餓過！最後終於決定到三個餸！
鴛鴦鑲豬扒--有餡吉列豬扒，炸得香脆，芝士餡溶晒，好像流心一樣，好味！另一款係香草醬，有啲辣，味道都夾豬扒！肥髀就唔鐘意！送酒一流！
三菇過大海--南瓜雕成船狀，盛載住雜菇！南瓜炆得淋，好像𢳂雪榚咁，好甜，菇類有秀珍菇、舞菇、仲有隻好長嘅菇，味道爽口，但敗筆係個醬汁，超咸，最後頂唔順盡量𢳂走啲醬汁先勉強食到！
無厴雞籠--名稱好得意，翅湯雜瓜浸走地雞，奶白色湯清甜，切瓜索晒啲湯，好味！走地雞唔會好大隻，雞肉嫩滑！好味！
食物唔錯，份量大碟，其實呢度適合一大班人來摸酒杯底！飲下啤酒，吹下水，店員好親切勤快，唔止店內嘅事！我問其他事都會幫手！好像我要去便利商店，佢會教我點行，走時我們截唔到的士（真係好難截 ）想餐廳代call!，佢哋亦好老實話路程太近，唔會有車應機，教我哋搭巴士實際啲！
如果人多，去呢度食真係唔錯！
Post
