新好利咖啡餅店麵食

Open Now

Now Closed

今次全家又坐艇啦!坐遠少少去澳門。心思思想食果家好出名的豬扒包，所以特地來到氹仔，誰知來到，發現落左閘。可能已搬遷吧！失望之際，唯有改道去另一條街道，看看有什麼餐廳。來到這家餐廳，看到職員抬出一盤葡撻。蛋撻中央的蛋漿係拱起的呀! 浪下浪下!望到就知剛出爐啦！難得遇上，點都要試試。當時已經有很多客人在餐廳門口等候呢！等了一陣，終於買到2個葡撻了。但店門大多人，行人路很窄，唯有兜去寺廟前的空地慢慢享受。隔著膠袋仍能感到果種熱力。表面有一塊塊啡色燶左的部份, 聽講是糖份焗至變焦了.咬一口，真係好熱，熱到上顎都燙傷了。但好想繼續食，唯有頂硬上。脆脆酥皮底，配中間又甜又滑又熱辣辣的蛋漿。一口一口，欲罷不能，很快就享受完熱辣辣葡撻。食蛋撻/葡撻都係要攤一陣先好試。