榮暉咖啡美食

Open Now

Now Closed

嚟到澳門想食雞湯米，即刻諗起榮暉，睇openrice 話佢裝修緊， 即刻打電話去問下，好彩原來已經裝修完十幾日， 就起行去喇。重點食佢嘅雞湯米， 有九個讚呢個雞湯米湯底好正，湯底有雞，冬瓜，紅棗， 杞子，雲耳， 芫茜 ，仲有淡淡的酒香 ， 紅棗味突出，湯底清甜唔油膩， 米粉爽口，唔會過淋。雞件幾嫩滑， 冇乜雪藏味 ，仲吸收咗紅棗芫茜嘅味道仲有啲酒香，唔錯。 湯底嘅其他配料都好好味，譬如杞子甜甜地，冬瓜就吸收曬湯嘅精華， 非常讚。35蚊食到呢個雞湯米真係好抵。之後試咗佢嘅煙肉芝士包， 有八個讚包身焗得好脆，入面有一塊煙肉同芝士， 雖然無醬汁，但芝士焗到半融狀態，鹹鹹哋，已經成為一個好好味嘅汁，再加埋煙肉都係脆身唔算油膩，整個包做得唔錯。順帶一提，叫左杯凍檸茶，完全唔掂， 檸檬無味，茶身澀口，可以慳返14蚊整體嚟講，喺榮暉食左呢兩樣嘢都好好食，下次去澳門一定會再去食過。