Video
Read full review
2010-03-31
34 views
同朋友入十六浦娛樂場玩咗幾個小時，出返來新馬路已經差唔多8點。大家都肚仔餓於是行落營地大街既勝利茶餐室。呢間老舖開咗20幾年，陳設環境好有懷舊情調。晚市個場都幾旺，我地入到篤先搵到個2人卡位坐，不過檯面都幾窄吓。呢度出名吉列豬扒包、焗豬扒飯、西多士及鐵板扒餐。呢個時間，我地梗係食鐵板扒餐啦...我同朋友不約而同都係叫鐵板黑椒西冷牛扒餐跟意粉，頭湯係牛尾湯。牛尾湯--忌廉底，有牛尾肉絲，非常行貨。鐵板西冷牛扒--黑椒汁係鐵板落檯先至上，夠晒熱氣騰騰。牛扒有上下兩件，下面墊住薯條同什菜，認真大堆頭。牛扒咬落有質感，用刀切開有肉汁，確實價廉物美。朋友件西冷太大，又比埋一半我食。跟餐意粉--係茄汁底炒意粉，雖然炒得稍乾，但係都忍唔住食晒。勝利茶餐室服務一般，好多時個樓面要跑2個場，埋單要自己拎出櫃面。今次用膳每人都係$60左右...
大家都肚仔餓於是行落營地大街既勝利茶餐室。
呢間老舖開咗20幾年，陳設環境好有懷舊情調。晚市個場都幾旺，我地入到篤先搵到個2人卡位坐，不過檯面都幾窄吓。
呢度出名吉列豬扒包、焗豬扒飯、西多士及鐵板扒餐。呢個時間，我地梗係食鐵板扒餐啦...
我同朋友不約而同都係叫鐵板黑椒西冷牛扒餐跟意粉，頭湯係牛尾湯。
牛尾湯--忌廉底，有牛尾肉絲，非常行貨。
鐵板西冷牛扒--黑椒汁係鐵板落檯先至上，夠晒熱氣騰騰。牛扒有上下兩件，下面墊住薯條同什菜，認真大堆頭。牛扒咬落有質感，用刀切開有肉汁，確實價廉物美。朋友件西冷太大，又比埋一半我食。
跟餐意粉--係茄汁底炒意粉，雖然炒得稍乾，但係都忍唔住食晒。
勝利茶餐室服務一般，好多時個樓面要跑2個場，埋單要自己拎出櫃面。今次用膳每人都係$60左右...
Post
