世記咖啡

Open Now

Now Closed

有三間分店，因為多數都會去官也街，所以好順路去左氹仔外賣店。當日係平日都好多人排隊，落完單可以去官也街行吓，唔洗等得咁辛苦。大家買完多數企係附近食。。花生奶油方塊 $32有驚喜十分推介！多士切左方形，一口size, 烘得啱啱好。落左勁多花生醬同奶油，花生漿唔會好杰。多士吸哂啲漿，仲要落左威化餅脆脆。口感好正！。厚蛋多士 $24可以揀厚多士或者豬仔包。揀多士，諗住正常發揮，點知個蛋係有流心蛋漿😋。豬扒包加厚蛋 $38+12呢個就揀左豬仔包試吓，諗住好少豬扒包可以加蛋，所以試吓。豬扒唔算易咬，豬仔包偏硬。其實仲可以加好多配料，大家可以試下。。花生粗糖多士 $18見有個炭字，即係用炭爐烘。粗糖個口感好似有啲硬身脆脆，幾好食但方塊正好多。無位擺野食，食得有啲忙。雖然佢出名係炭爐咖啡，但見咖啡同奶茶都用膠樽裝，好似唔夠新鮮，所以無試。