亞利咖喱屋

Open Now

Now Closed

四人食, 埋單每人$85, 難得唔駛等位, 我都係慕名而去, 澳門人都介紹去呢間, 開飯對決23:0, 怎能不屈服?! 有室內外位添! 我地當然揀室內, 有冷氣嘛! 室外響欣賞湖景之餘, 馬路邊食塵吧! 大家小心, 佢預先會放定一大支樽裝水響檯度, 要錢的, 可以問佢攞普通水係免費... 葡菜黎講, 睇餐牌樣樣都算幾平, 平均$48-$78之間... 但碟頭就細左少少, 咁都好過大大碟收貴, 可以留肚選擇多幾款...先黎個非洲雞, 完全唔辣既? 只係咸咸地, 完全唔好食! 肉感雞味果d都費事提...芝士焗西蘭花, 聞落冇芝士味, 食落都不難食得出芝士味既, 菜濕濕地, 我反而鍾意, 冇咁乾硬... 只係想食d菜先嗌, 同樣價錢梗係唔揀蒜蓉炒菜吧!炭燒豬肋排, 其實都唔記得係咪叫呢個名, 味道要緊, 好香好香炭燒味! 又夠林同滑, 真係要畀個like! 燒魷筒, 炭燒味反而冇乜, 火喉好準, 都仲好林, 魷魚原味....咖喱中蝦, 好濃烈好複雜既咖喱味, 乜香籵都車入去果隻, 所以咁深色, 蝦就有少少霉, 雪蝦來的....馬介休炒飯, 炒功好得, 粒粒分明均勻乾身, 但竟然好軟熟, 神