金利麵食

Open Now

Now Closed

本身上網見到呢間咖喱雞米線好似幾好食，我同幾個朋友連早餐都未食就走過嚟諗住試吓，點知完全係失望致極唔知乜嘢服務態度。事緣我哋1:30去食，其實舖頭都唔係好滿，都冇乜人等位。我同朋友啱啱坐低，幾個朋友幾分鐘之後先到，個阿姐就走埋嚟串串共話20分鐘要交枱叫我哋快啲食，話：睇乜嘢手機呀？快啲食啦20分鐘要交枱啊。大佬你門口又冇貼張紙話20分鐘，再者20分鐘交枱係乜嘢事？香港用餐時間都一個鐘啦，冇嘢啊？跟住我朋友嚟齊之後又10秒嚟一次問我哋諗好未落單未？有冇咁心急啊？態度仲差過香港，唔會再食。舖頭又窄，又多烏蠅，完全唔知點解咁多人嚟食。同埋啲咖喱好重口味，唔鍾意食鹹嘅就唔好食啦，費事咁高期望走到嚟又比店員鬧啦。