Video
Read full review
2016-09-04
2255 views
話說之前試左個自助午餐，知道個質素大概點樣，應該心息先係，但係發現個人都係心思思，唔試唔安樂嗰種感覺，所以就決定去打開自己心目中的關口，哈哈。長遍大論嘅我就唔多講，我相信好多人想知嘅係究竟晚餐同午餐的分別喺邊到，個價錢貴左甘多，食嘅嘢係咪會靚仔好多呢，我依家就話比大家聽。首先，冷盤的分別當然係最大嘅，亦係靈魂所在。冷盤有兩種唔同品種嘅生蠔，服務員雖然係一路不停地開緊，但因為速度嘅關係，已經預先開左幾盤喺度，d人就攞得超快，我諗都算係即叫即開的。至於味道，我就覺得海水味道較為重，屬於細隻的品種，肉質唔算厚，但都有口感，整體嚟講都係合格之選。長腳蟹--超大隻，好有噱頭嘅長腳蟹，大到呢。。。我手臂肯定唔係幼嗰種，你睇下隻腳，大過我手臂。甘當然唔係隻隻都係甘大，係我比較好彩夾到隻大嘅，一般的size就好似呢隻嘅一半左右。至於有番甘大隻，舊肉都有番甘上下，肉感十足。厚到你唔想食甘樣。。味道就唔算好鮮甜嗰種，但有蟹味，有肉汁，中意食長腳蟹人仕的首選。面包蟹--平時阿信屋都有得買，見人成日去掃貨，今次我終於可以試下拒真身。睇落大大隻，勁多膏，剩係食膏都已經夠唒飽。至於肉方面，本人就唔太喜歡，無乜味道
長遍大論嘅我就唔多講，我相信好多人想知嘅係究竟晚餐同午餐的分別喺邊到，個價錢貴左甘多，食嘅嘢係咪會靚仔好多呢，我依家就話比大家聽。
首先，冷盤的分別當然係最大嘅，亦係靈魂所在。冷盤有兩種唔同品種嘅生蠔，服務員雖然係一路不停地開緊，但因為速度嘅關係，已經預先開左幾盤喺度，d人就攞得超快，我諗都算係即叫即開的。
至於味道，我就覺得海水味道較為重，屬於細隻的品種，肉質唔算厚，但都有口感，整體嚟講都係合格之選。長腳蟹--超大隻，好有噱頭嘅長腳蟹，大到呢。。。我手臂肯定唔係幼嗰種，你睇下隻腳，大過我手臂。甘當然唔係隻隻都係甘大，係我比較好彩夾到隻大嘅，一般的size就好似呢隻嘅一半左右。
至於有番甘大隻，舊肉都有番甘上下，肉感十足。厚到你唔想食甘樣。。味道就唔算好鮮甜嗰種，但有蟹味，有肉汁，中意食長腳蟹人仕的首選。
面包蟹--平時阿信屋都有得買，見人成日去掃貨，今次我終於可以試下拒真身。睇落大大隻，勁多膏，剩係食膏都已經夠唒飽。至於肉方面，本人就唔太喜歡，無乜味道。
龍蝦--只可以話隻隻有番甘上下份量，堪稱回本之選，大部份都好有肉，仲有膏。每個人第一次攞都起碼攞兩隻，唔係甘中意食龍蝦嘅，都捧左一下場。另外冷盤仲有d晏就無嘅青口，一共有6個選擇，算係好多。
刺身比中午多左嘅就係北寄貝同紅蝦。紅蝦超正，好多膏，亦唔算細隻。平時d自助餐都只係見到甜蝦，呢到絶對高一籌。可惜每次只可以攞一隻，要行好多轉先可以夠食。
熱食方面比中午多3分一左右，今日就多左d羊架，烤豬扒，原件燒肉同幾款唔同的小菜。值得一提係個火焰蝦，特登開左個位比廚師即場煮。味道就中等，中式的小菜味，仲有好重的酒味。入面有好多配菜，例如葱，青椒，莞茜甘一齊煮，顏色鮮豔。
甜品方面就唔多覺有咩多左，只係種類唔同左，比較好食嘅就係我上次介紹過嘅杯子蛋糕同楊枝甘露，楊枝甘露整到好濃，好正嘅芒果味，奶味都好重，甜度適中。都係推薦的甜品之一。
晚餐相比午餐嘅價錢嚟講，差不多係双倍價錢。我覺得最大嘅區別就係海鮮嘅頭盤，所以中意食嘅，又可以食到有一定份量的係絶對抵的。唔係太食嘅就可以諗諗午餐，勝價比高。
Post
