新波爾圖 (Closed)

開通左港珠澳大橋之後去澳門真係方便左好多，亦都便宜過搭船一大截！之前同朋友去，晚餐發現左呢間葡國菜又抵又好食！今次再帶呀媽嚟試下，不過今次我地嚟到時間係下午茶，咦！又有驚喜喎！喺出面睇睇餐牌已經見到勁抵食，呀媽都話OK就入去啦！有少少奇怪下午茶無乜人食，有少少淆底😂不過入左去 照試下啦，叫左個下午茶餐嘅黑椒牛柳絲炒意粉，味道剛剛好😳 超香濃黑椒味之餘，又唔會太辣！估唔到下午茶$45有大大碟！我地仲叫左迷你豬扒包，都係下午茶餐，$28一份兩個，所有餐都配熱飲，凍飲+$3。我另外再叫左兩個迷你馬介休薯蓉撻，呢個真係必食！！仲有好多芝士喺面，超好吃😭