澳門英記餅家 (Closed)

古語有云出外靠朋友真係冇錯，聖誕節後同朋友食飯聚舊，朋友客氣送來一堆澳門期間限定嘅史諾比X澳門英記餅家的美味手信，包裝靚到我呢個麻甩佬都話正呀，成個系列有六款咁多，我都收到其中三款正嘢，萬分多謝朋友心意。第一樣係史諾比曲奇一盒24件獨吞包裝，衛生之餘又唔怕疏氣變淋，內有三隻口味比利時，芝士同檸檬，味道唔錯入口唔油膩，最好味係芝士咸脆又香口。第二盒係史諾比X澳門英記經典禮餅，三合一的組合有原粒杏仁餅，原味蛋卷及紫菜鳳凰卷，又係我最like嘅獨吞包裝，三樣中最正係杏仁餅鬆脆得嚟充滿杏仁香好正。最後一盒係原味紐結糖，嗰個鐵盒手袋包裝70後一定見過，老婆大人勁鍾意，紐結糖奶味香濃，花生粒好脆口最正係唔痴牙呢樣好緊要架。