27
13
15
Level3
78
0
勁抵食呀!
2009-01-01 38 views
一心係黎食呢個, 218有金沙咭仲要唔使加一, 所以一早訂左位. 準時五點半到, 排左十分鐘係門口俾左錢, 就可以入去食餐勁啦. 去到海鮮既counter, 無生蠔, 不過就有啡蟹, 海螺, 青口同埋長腳蟹. 啡蟹味道都幾鮮, 都幾好味, 不過可能係雪得勁得濟, 凍到d牙有d痺. 海螺好大隻, 味道好淡, 仲係一味得個爽口. 青口反而係最有驚喜, 又鮮甜又嫩滑, 真係好好味. 長腳蟹都幾好味, 海水味唔太勁, 蟹肉味好鮮, 我食左成十條, 哈哈, 好好味. 之後食左幾片吞拿魚同三文魚魚生. 壽司要左加州卷同鰻魚卷, 呢兩個卷物反而幾得, 自助餐既野, 有時真係幾估唔到. 沙律菜好新鮮, 要左一大碟, 加左少少煙三文魚, 好正. 今晚既中湯係霸王花煲雞, 西湯係甘筍海鮮湯, 兩種都有試, 都係西湯好味d. 霸王花煲雞個味好淡, 唔睇個牌肯定講唔出係乜湯. 甘筍海鮮湯至少食到少少蝦肉.因為太飽所以無食過熱盤, 一skip就去到甜品啦. 藍莓芝士餅幾好味, 栗子蛋糕好甜, 甜得有d怪, 仲要係栗子超少蛋糕太多, 一句講晒唔好食. 綠茶慕絲唔太甜, 呢個幾清新. 什莓蛋糕好好味, 酸咪咪, 又
Read full review
一心係黎食呢個, 218有金沙咭仲要唔使加一, 所以一早訂左位. 準時五點半到, 排左十分鐘係門口俾左錢, 就可以入去食餐勁啦.

去到海鮮既counter, 無生蠔, 不過就有啡蟹, 海螺, 青口同埋長腳蟹.

啡蟹味道都幾鮮, 都幾好味, 不過可能係雪得勁得濟, 凍到d牙有d痺. 海螺好大隻, 味道好淡, 仲係一味得個爽口. 青口反而係最有驚喜, 又鮮甜又嫩滑, 真係好好味. 長腳蟹都幾好味, 海水味唔太勁, 蟹肉味好鮮, 我食左成十條, 哈哈, 好好味.

之後食左幾片吞拿魚同三文魚魚生. 壽司要左加州卷同鰻魚卷, 呢兩個卷物反而幾得, 自助餐既野, 有時真係幾估唔到.

沙律菜好新鮮, 要左一大碟, 加左少少煙三文魚, 好正.

今晚既中湯係霸王花煲雞, 西湯係甘筍海鮮湯, 兩種都有試, 都係西湯好味d. 霸王花煲雞個味好淡, 唔睇個牌肯定講唔出係乜湯. 甘筍海鮮湯至少食到少少蝦肉.

因為太飽所以無食過熱盤, 一skip就去到甜品啦. 藍莓芝士餅幾好味, 栗子蛋糕好甜, 甜得有d怪, 仲要係栗子超少蛋糕太多, 一句講晒唔好食. 綠茶慕絲唔太甜, 呢個幾清新. 什莓蛋糕好好味, 酸咪咪, 又香又滑, 呢個very nice.

218真係勁抵食呀!
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$218 (Dinner)
Recommended Dishes
  • 青口
  • 長腳蟹
  • 沙律菜
  • 什莓蛋糕