牛記咖喱美食

Open Now

Now Closed

之前兩天龍蝦美食之旅，已經非常滿足，之後兩天亦會去一間米芝蓮推介及一星餐廳，今晚去食自己喜歡的牛記咖喱麵食，例牌點蟹黃撈麵，由$25開始食起到加到$43，氹仔那邊比較便宜。阿姐話啱啱加咗水再滾，要等10-15分鐘先可以淥麵，唯有等......等咗15分鐘，終於有得食，今次蟹黃比較多一點，因為平時會加錢另加蟹黃，但今次不用追加，先將熱辣辣及充滿油份的蟹黃與幼麵撈勻，本身蟹黃已經係邪惡之物，如果你覺得不太好食而因為太油膩，我勸你不要食算了，食完真的有罪惡感，鹹香的蟹黃沾上彈牙爽口的麵條，蟹油更從麵條滴回碟中，三扒兩撥已經將碟麵解決了，如果不是仍有下一場，真的想再叫一碟。