Video
Read full review
2008-12-28
56 views
雖然香港嘅台式飲品已經式微，但澳門而家先至係佢嘅黃金時期，COME BUY 正正係當中嘅俵俵者，佢喺澳門嘅普遍程度同香港嘅七十一差唔多，一個細細嘅區份都有三四間，行街一定見到，真係幾犀利。澳門嘅 COME BUY 名字沿用台灣店名，意思大家都明白係「嚟買」，每一間分店嘅裝修都一模一樣，格局有啲似香港嘅 HAPPY LEMON ，淨係做外賣，所以每間分店都唔會好大，成本平人流多自然賺錢快！聽聞仲可以加盟添，唔怪得分店越開越多！近澳門嘅珠海而家都有分店嘞，唔知幾時會開到嚟香港！我最近就試過佢其中兩款飲品： 益力多水蜜桃：益力多味好濃，有啲蓋過水蜜桃嘅味，不過都飲到水蜜桃一絲絲嘅果肉，又唔錯喎，味道配得幾夾，益力多嘅酸同水蜜桃嘅甜令人越飲越想飲，最緊要係夠大杯又夠凍，解渴一流！ 金桔檸檬：檸檬味似乎係主角，金桔味道比較隱約，不過就見到有一粒粒金桔喺杯底，要拮散佢味道就會出嘞，咁就好味好多！呢杯金桔檸檬同之前嗰杯益力多水蜜桃一樣係酸酸甜甜嘅，不過味道清新啲，仲好飲！每一杯喺COME BUY買嘅飲品，面頭封杯嘅招紙都幾有特色，因為啲圖案係唔同嘅， 大部份都係以運動項目做主題，好有活力！不過最搶眼
雖然香港嘅台式飲品已經式微，但澳門而家先至係佢嘅黃金時期，COME BUY 正正係當中嘅俵俵者，佢喺澳門嘅普遍程度同香港嘅七十一差唔多，一個細細嘅區份都有三四間，行街一定見到，真係幾犀利。澳門嘅 COME BUY 名字沿用台灣店名，意思大家都明白係「嚟買」，每一間分店嘅裝修都一模一樣，格局有啲似香港嘅 HAPPY LEMON ，淨係做外賣，所以每間分店都唔會好大，成本平人流多自然賺錢快！聽聞仲可以加盟添，唔怪得分店越開越多！近澳門嘅珠海而家都有分店嘞，唔知幾時會開到嚟香港！我最近就試過佢其中兩款飲品：
益力多水蜜桃：益力多味好濃，有啲蓋過水蜜桃嘅味，不過都飲到水蜜桃一絲絲嘅果肉，又唔錯喎，味道配得幾夾，益力多嘅酸同水蜜桃嘅甜令人越飲越想飲，最緊要係夠大杯又夠凍，解渴一流！
金桔檸檬：檸檬味似乎係主角，金桔味道比較隱約，不過就見到有一粒粒金桔喺杯底，要拮散佢味道就會出嘞，咁就好味好多！呢杯金桔檸檬同之前嗰杯益力多水蜜桃一樣係酸酸甜甜嘅，不過味道清新啲，仲好飲！
每一杯喺COME BUY買嘅飲品，面頭封杯嘅招紙都幾有特色，因為啲圖案係唔同嘅， 大部份都係以運動項目做主題，好有活力！不過最搶眼嘅都係佢哋嘅口號：YOU DRINK YOU WIN，幾有品牌風格！喺 COME BUY 做嘢嘅全部都係後生仔女，招呼都幾親切，而且笑容滿面，陽光十足，去買嘅時候都覺得自己後生咗呀！
Post
