Video
Read full review
2013-11-08
2046 views
睇旅遊書介紹，好似好唔錯，就去試試喇!6點半左右到，已有4-5枱客…我地坐低已見枱面有支礦泉水，標價$30，而且每一枱吉枱都有，我亦見有客係飲呢支礦泉水。再者，我地一坐低，侍應一放低餐牌就即刻走咗，我地睇左都5分鐘，一滴水都無人攞俾我地，令我地覺得呢度係無免費水供應 (我都食過啲餐廳係只有礦泉水供應)，於是我地就order咗1.炸馬介休 2.焗蒲國雞，同一支礦泉水。 但坐多陣我就覺好奇怪喇，有枱客走入嚟食飯，落單並指明唔要支水，跟住侍應竟然幫佢地倒免費嘅水。跟住我問個侍應係咪有水供應，佢竟然答我: “你要求我地先俾”，仲話“其實飲礦泉水仲健康喇”。我即刻O晒咀，心諗自己無問，唯有無奈接受。點知有另一枱客入嚟 (明顯係香港人)，阿姐即刻急急腳放低支礦泉水同餐牌，枱客見支水盛惠$30，同我同一反應，即刻O咀，跟住落單時，仲問侍應阿姐點解支水咁貴，阿姐即刻使盡3吋不爛之舌，又話支水係葡國入口，又有礦物質，又尼樣好，果樣好，絕口不提有免費水供應，尼枱客其後同我一樣唯有無奈接受。其後，一啲唔係相熟嘅客亦如是......我想講如果從服務質素嚟講，已經完全唔合格，入嚟坐咗咁耐都可以無水招呼，成班阿姐
6點半左右到，已有4-5枱客…
我地坐低已見枱面有支礦泉水，標價$30，而且每一枱吉枱都有，我亦見有客係飲呢支礦泉水。再者，我地一坐低，侍應一放低餐牌就即刻走咗，我地睇左都5分鐘，一滴水都無人攞俾我地，令我地覺得呢度係無免費水供應 (我都食過啲餐廳係只有礦泉水供應)，於是我地就order咗1.炸馬介休 2.焗蒲國雞，同一支礦泉水。 但坐多陣我就覺好奇怪喇，有枱客走入嚟食飯，落單並指明唔要支水，跟住侍應竟然幫佢地倒免費嘅水。跟住我問個侍應係咪有水供應，佢竟然答我: “你要求我地先俾”，仲話“其實飲礦泉水仲健康喇”。我即刻O晒咀，心諗自己無問，唯有無奈接受。點知有另一枱客入嚟 (明顯係香港人)，阿姐即刻急急腳放低支礦泉水同餐牌，枱客見支水盛惠$30，同我同一反應，即刻O咀，跟住落單時，仲問侍應阿姐點解支水咁貴，阿姐即刻使盡3吋不爛之舌，又話支水係葡國入口，又有礦物質，又尼樣好，果樣好，絕口不提有免費水供應，尼枱客其後同我一樣唯有無奈接受。其後，一啲唔係相熟嘅客亦如是......
我想講如果從服務質素嚟講，已經完全唔合格，入嚟坐咗咁耐都可以無水招呼，成班阿姐阿叔侍應企晒喺度吹水都無唔招呼，飲水都要刻意order, 咩道理。 另外，我覺得尼個絕對係刻意誤導，佢支礦泉水餐牌都有，但佢就擺到每張枱都有支礦泉水，驚死睇唔到，仲要hard sale支水，唔係支水嘅價值問題，而係銷售手法問題，可恨！！！
講番食物質素方面，包係暖嘅，但無包味，而馬介休外脆內軟，亦算有味，屬合格之作。焗葡國雞竟然係咸到不得了，唔怪之得佢刻意問我地要唔要飯！陰謀論諗，唔通又想射我地叫飯。真係失敗，唔會有下次！
Post
