Video
Read full review
2009-09-15
29 views
第一次去食金沙食自助餐,亦係最後一次去食,因為食得好唔開心囉事源之前响香港打電話去金沙訂位食buffet,佢地同我講,依家做緊promotion買2送1,原價係每位$198+20%=$240,佢話如果有金沙卡重有9折添,最平可以$150都唔洗一位,佢重要計埋俾呢個數俾我添,咁真係好抵喎點知我地果日埋單果陣,佢問我攞買3送1既coupon,我梗係無啦,因為佢响電話度無同我講過有coupon呢樣野,原來呢d coupon係要响碼頭或者關閘度等人派,咁點解之前响電話度無咁講過架,佢地重叫我地出去門口問d客有無多出既coupon,叫人地俾張我地添,咁我地咪好似乞丐咁囉,呢d咁既服務真係好唔掂於是我叫佢個經理出黎見我囉,個經理一行埋黎就俾左張coupon我地,重話係私人醒,咁都得,我地就多一事不如少一事,既然都俾左coupon我地,咁就算啦,之後重俾埋張金沙卡佢地做9折,簽好晒卡攪好晒之後,突然又有條友走過黎話計少左錢,話用左coupon之後無9折,呢間野真係不知所謂呀,一路食野一路俾佢地騷擾,真係食都食得唔安樂呀,之前我book位果陣講既野完全無兌現到,咁即係反口啦我覺得佢地咁做係呃人囉,我以
事源之前响香港打電話去金沙訂位食buffet,佢地同我講,依家做緊promotion買2送1,原價係每位$198+20%=$240,佢話如果有金沙卡重有9折添,最平可以$150都唔洗一位,佢重要計埋俾呢個數俾我添,咁真係好抵喎
點知我地果日埋單果陣,佢問我攞買3送1既coupon,我梗係無啦,因為佢响電話度無同我講過有coupon呢樣野,原來呢d coupon係要响碼頭或者關閘度等人派,咁點解之前响電話度無咁講過架,佢地重叫我地出去門口問d客有無多出既coupon,叫人地俾張我地添,咁我地咪好似乞丐咁囉,呢d咁既服務真係好唔掂
於是我叫佢個經理出黎見我囉,個經理一行埋黎就俾左張coupon我地,重話係私人醒,咁都得,我地就多一事不如少一事,既然都俾左coupon我地,咁就算啦,之後重俾埋張金沙卡佢地做9折,簽好晒卡攪好晒之後,突然又有條友走過黎話計少左錢,話用左coupon之後無9折,呢間野真係不知所謂呀,一路食野一路俾佢地騷擾,真係食都食得唔安樂呀,之前我book位果陣講既野完全無兌現到,咁即係反口啦
我覺得佢地咁做係呃人囉,我以後都唔會再黎金沙食buffet
講到食物方便,可以話無乜邊樣野係覺得好味囉,好似最基本既三文魚咁,一d都唔好食,我食左幾塊之後就無再加添,係得長腳蟹既蟹腳好少少咋,熱盤一d特別都無,好多野食都無乜味,甜品亦麻麻地,款式唔係少囉,但係無乜邊樣野你會覺得好好味
唔怪之得依家咁少人黎金沙食自助餐啦,呢日係星期六,都算係黃金時間吖,但係我地食到8點幾已經無乜人食,有好多張檯都無人坐,咁既服務梗係由大變細啦
Post