Video
Read full review
2017-09-10
9148 views
6月嘅時候襯住暑假前夕又咁岩係結婚週年紀念，諗住星期五去澳門hea 番兩日一夜當休息兼慶祝。香港人過大海除左去賭場之外，好多時都會搵番間靚酒店食Buffet。本身都有諗過食餐Buffet，再諗諗下自己食量又唔係大，又唔係食得好多野再加上年紀都唔細食得太多野腸胃又會唔舒服於是就此作罷！咁岩又見到openrice做緊訂枱有85折優惠又咁岩lunch有位而評價又唔差，所以用apps訂定枱，好快就收到e-mail 確定訂座，效率真係好高啊！喺apps訂座仲可以打埋慶祝週年紀念，好方便。午餐時段係11：30 -14：30，餐牌上面有2個價錢，分兩道菜同埋三道菜，相差都係葡幣30蚊，所以我地揀左三道菜。呢度有足夠嘅人手做野，唔似喺香港咁要嗌好耐先有人理。揀好野食之後梗係坐低等食，等左無耐就先上餐包，暖暖地配埋唧到靚靚嘅牛油，都幾賞心悅目㗎！食完包開始上前菜，呢度嘅擺盤果然都有心機d，野食都擺得靚過人。煙三文魚沙律菜好清新，作為頭盤清清地唔錯。至於什錦沙律配鴨肝、煙燻魚及香醋相對多少少肉，不過又唔會太肥膩，應該因為加左香醋減低左鴨肝嘅膩！食完前菜到主菜，揀左一個魚一個肉。香煎鱸魚配炒蘑菇及蘑菇泡沫，
咁岩又見到openrice做緊訂枱有85折優惠又咁岩lunch有位而評價又唔差，所以用apps訂定枱，好快就收到e-mail 確定訂座，效率真係好高啊！喺apps訂座仲可以打埋慶祝週年紀念，好方便。
午餐時段係11：30 -14：30，餐牌上面有2個價錢，分兩道菜同埋三道菜，相差都係葡幣30蚊，所以我地揀左三道菜。
呢度有足夠嘅人手做野，唔似喺香港咁要嗌好耐先有人理。揀好野食之後梗係坐低等食，等左無耐就先上餐包，暖暖地配埋唧到靚靚嘅牛油，都幾賞心悅目㗎！
食完包開始上前菜，呢度嘅擺盤果然都有心機d，野食都擺得靚過人。煙三文魚沙律菜好清新，作為頭盤清清地唔錯。
煙燻三文魚配山葵和蒔蘿醬
141 views
0 likes
0 comments
至於什錦沙律配鴨肝、煙燻魚及香醋相對多少少肉，不過又唔會太肥膩，應該因為加左香醋減低左鴨肝嘅膩！
什錦沙律配鴨肝、煙燻魚和香醋
122 views
0 likes
0 comments
食完前菜到主菜，揀左一個魚一個肉。香煎鱸魚配炒蘑菇及蘑菇泡沫，泡沫下面係薯蓉，非常creamy，香煎鱸魚嘅皮煎到脆卜卜，魚肉仲好嫰。
香煎鱸魚配炒蘑菇及蘑菇泡沫
111 views
0 likes
0 comments
肉眼扒配蛋黃汁及薯條好有美式style。肉眼扒好大塊，唔會過熟又保存到肉汁，而且好有牛肉味。至於薯條新鮮熱辣，雖然熱氣但係真係唔錯。除左味道唔錯之外，份量真係幾多，唔怕食完會肚餓。雖然肉眼扒要額外加50蚊，不過見到咁大份而且味道唔錯，都值得嘅！
肉眼扒配蛋黃醬汁和薯條
108 views
0 likes
0 comments
午餐已經包埋飲品，呢度嘅冷氣都幾凍下，所以叫左杯熱咖啡。熱咖啡配一片蛋糕，成件事好似高級左。
熱咖啡
81 views
1 likes
0 comments
最後到甜品，分別要左白巧克力配青檸慕絲同埋夏日芒果驚喜。青檸慕絲酸酸甜甜好refresh，夏日芒果驚喜就比較平凡d，係酒店級數嘅甜品但係又唔算特別驚喜，個甜品好芒果但唔會太甜，都唔錯嘅！
白巧克力配青檸慕絲
80 views
0 likes
0 comments
夏日芒果驚喜
64 views
1 likes
0 comments
食完甜品之後，餐廳再送上驚喜！原來佢地準備左一件朱古力蛋糕俾我地，側面仲寫左happy annversiary！成件事好窩心又食得好盡興。
120 views
0 likes
0 comments
而且openrice上網訂位仲有85折，服務周到，食物質素又唔錯，紀念日嚟呢度慶祝食得飽飽又好食，食完好滿足啊！
Post
